21 myń qazaqstandyq jalaqysyn ýaqtyly ala almaı júr - mınıstrlik

ASTANA. QazAqparat - Ótken jyly 914 kásiporyn 21,7 myń jumyskerge jalaqy boıynsha qaryz bolǵan. Bul týraly QazAqparat Eńbek mınıstrligine silteme jasap habarlaıdy.

«2022 jyldyń qorytyndysy boıynsha memlekettik eńbek ınspektorlary respýblıkanyń 914 kásipornynda 21,7 myń jumyskerge 5,3 mlrd teńgeden astam somaǵa jalaqy boıynsha bereshekti anyqtady. Osy kásiporyndardyń basshylaryna oryndalýy mindetti 881 nusqama berilip, 144,6 mln teńgeden astam somaǵa aıyppul salyndy.

Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 20,2 myńnan astam jumyskerdiń quqyǵy qorǵaldy. Olarǵa 5,2 mlrd teńge tólendi», - delingen mınıstrlik habarlamasynda.