21 maýsymǵa arnalǵan aýa raıy boljamy - Qazgıdromet
ASTANA. QazAqparat - Elimizdiń soltústik, shyǵys jáne ortalyq óńirlerinde atmosferalyq aǵyndardyń ótýine baılanysty aýa raıy turaqsyz bolady. Jaýyn jaýyp, naızaǵaı jarqyldap, jel kúsheıe túsedi. Qazaqstannyń qalǵan aýmaǵynda kún ashyq bolady, dep habarlaıdy «Qazgıdromet».
Aqmola, Almaty, Ońtústik Qazaqstan, Soltústik Qazaqstan, Shyǵys Qazaqstan, kúndiz Jambyl, Batys Qazaqstan, Aqtóbe, Pavlodar, Atyraý oblystarynda jel kúsheıip, shań kóteriledi. Qostanaı oblysynda túnde tuman túsýi yqtımal. Al Jambyl, Mańǵystaý, Almaty oblysynyń keı jerlerinde, OQO, Qyzylorda, Qaraǵandy oblystarynda kún qatty ystyq bolady dep kútilýde.
