21 maýsymda Qazaqstan qalalaryndaǵy aýa sapasy qandaı bolady
ASTANA. QazAqparat - «Qazgıdromet» RMK 21 maýsym kúni Qazaqstan qalalaryndaǵy meteorologııalyq ahýal týraly málim etti, dep habarlaıdy QazAqparat.
«21 maýsymda Shymkent qalasynda qolaısyz meteorologııalyq jaǵdaılar aýanyń lastanýyna yqpal etedi»,-delingen habarlamada. Al qalǵan qalalardaǵy aýa sapasy jaqsy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
