21 maýsym kúngi aýa raıy boljamy
NUR-SULTAN. QazAqparat - 21 maýsym kúni Qazaqstannyń basym bóliginde atmosferalyq frontaldy bólikterdiń ótýimen qubylmaly kún raıy kútiledi. Keı jerlerde jańbyr jaýyp, naızaǵaı oınaıdy. Soltústikte daýyl kútiledi, burshaq jaýýy yqtımal. Jekelegen óńirlerde jel kúsheıip, ońtústik-batysta shańdy daýyl saqtalady. Shyǵysta túnde jáne tańerteń tuman boljanady, dep habarlaıdy QazAqparat.
«Qazgıdromet» RMK málimetinshe, Soltústik Qazaqstan oblysynyń keı jerlerinde naızaǵaı, daýyl kútiledi. Jel túnde óńirdiń keı jerlerinde, kúndiz basym bóliginde 15-20 m/s kúsheıedi.
Kúndiz Aqmola, Qostanaı, Batys Qazaqstan, túnde Almaty oblystarynyń keı jerlerinde naızaǵaı boljanady. Jeldiń kúshi 15-20 m/s kútiledi.
Túrkistan, Jambyl, kúndiz Qyzylorda, Pavlodar oblystarynyń keı jerlerinde jel 15-20 m/s artady.
Shyǵys Qazaqstan oblysynyń keı jerlerinde naızaǵaı, túnde jáne tańerteń tuman bolady. 15-20 m/s ekpinde jel turady.
Manǵystaý oblysynyń keı jerlerinde naızaǵaı, shańdy daýyl kútiledi, jel 15-20 m/s kúsheıedi.
Kúndiz Atyraý oblysynyń basym bóliginde, Batys Qazaqstan, Mańǵystaý oblystarynyń keı jerlerinde qatty ystyq saqtalady.
Qatty ystyq sondaı-aq Aqtóbe oblysynda boljanady.
Atyraý, Qyzylorda oblystarynda, Aqtóbe, Qostanaı, Aqmola, Qaraǵandy, Túrkistan, Jambyl oblystarynyń basym bóliginde, Almaty oblysynyń keı jerlerinde, Batys Qazaqstan oblysynyń ońtústik-shyǵysynda óte joǵary órt qaýpi saqtalady.
