21 mamyrda elimizdiń basym bóliginde kún ashyq bolady
ASTANA. QazAqparat - 21 mamyrda atmosferalyq aǵyndardyń ótýine baılanysty Qazaqstannyń basym bóliginde jaýyn-shashynsyz, tek respýblıkanyń batys, ońtústik-batys jáne soltústik-batysynda qubylmaly aýa raıy saqtalady, keı jerlerinde naızaǵaı men jańbyr jaýyp,batysta kúndiz qatty jańbyr jaýyp, jeldiń kúsheıýi kútiledi, ońtústik-batysta túnde jáne tańerteń tuman túsedi, dep habarlaıdy Qazgıdromet.
Mańǵystaý oblysynyń keı jerlerinde naızaǵaı kútilip, jel 15-20 m/s deıin kúsheıip, túnde jáne tańerteń tuman túsedi.
Batys Qazaqstan, Atyraý, Qostanaı oblystarynyń keı jerlerinde naızaǵaı, 15-20 m/s deıin jeldiń kúsheıýi kútiledi.
Jambyl, Pavlodar oblystarynda, kúndiz Qyzylorda, Aqtóbe, Soltústik Qazaqstan oblystarynyń keı jerlerinde jel ekpini 15-20 m/s bolady.
Túnde Shyǵys Qazaqstan oblysynyń keı jerlerinde 2 gradýsqa deıin úsik kútiledi.
