21 MAMYR. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
21 mamyr, S ÁR SENBІ
Búkildúnıejúzilik qarym-qatynas pen damý jolyndaǵy mádenı áralýandylyq kúni. Qazaqstan Búkilálemdik tabıǵı jáne mádenı murany qorǵaý týraly konventsııaǵa 1994 jylǵy sáýirdiń 29-da qosyldy. QR Aqparat jáne mádenıet mınıstrligi Tarıhı-mádenı mura departamentiniń málimetteri boıynsha Qazaqstanda 25 myńnan astam sáýlet eskertkishteri bar. Onyń ishinde ekeýi - Qoja Ahmet ıAsaýı kesenesi men Tamǵaly kesheni ıÝNESKO-nyń búkilálemdik mura tizimine engen. Atalmysh tizimde álemniń 120 elinde ornalasqan myńǵa jýyq eskertkishter bar.
Halyqaralyq jumyssyzdyqtan qorǵaý kúni. Halyqaralyq eńbek uıymynyń málimetteri boıynsha jumyssyzdardyń sany mıllıard adamǵa jetedi. Bul ǵalamshardaǵy jumys kúshiniń úshten birine teń.
ESTE QALAR OQIǴALAR
7 4 jyl buryn (1940) qazirgi akademık Qanysh Sátbaev atyndaǵy Geologııalyq zertteýler ınstıtýty quryldy.
4 8 jyl buryn (1966) Qazaq akademııalyq opera jáne balet teatrynda «Aq qanat» baletiniń premerasy boldy. Balet úsh aktiden jáne úsh kórinisten turady. Balettiń stsenarııin jazǵan - Á.Mámbetov, kompozıtory - Ǵ.Jubanova, baletmeısteri - D.Ábdirov, sýretshisi - V.Mamontov, dırıjeri - T.Osmanov. Basty partııalardy F.Jolymbetova men A.Asylmuratov oryndady. Balettiń ekinshi nusqasy da 1967 jyly maýsymnyń 27-inde osy teatrdyń sahnasynda qoıyldy. 1970 jyly «Aq qanat» baletiniń mýzykasy úshin kompozıtor Ǵazıza Jubanovaǵa Qazaqstannyń Memlekettik syılyǵy berildi.
1 5 jyl buryn (1999) aqyn Muhtar Shahanovqa halyqaralyq «Rýhanııat» syılyǵy berildi.
1 5 jyl buryn (1999) Batys Qazaqstannan Qara teńiz jaǵalaýyna deıin sozylatyn Kaspıı munaı qubyryn tóseý bastaldy.
10 jyl buryn (2004) Almaty qalasy ákimdiginiń qoldaýymen Jambyl atyndaǵy Qazaq memlekettik fılarmonııasynda birinshi ret Halyqaralyq organdyq mýzykalar festıvali ótti.
9 jyl buryn (2005) basylym betterinde Qazaqstan Respýblıkasy Prezıdenti N.Nazarbaev qol qoıǵan «Qazaqstan Respýblıkasynyń Azamattyq kodeksine (Jalpy bólim) ózgertýler men tolyqtyrýlar engizý týraly» Zańy jaryq kórdi.
8 jyl buryn (2006) Sara Alpysqyzy Nazarbaeva «Asyl júrek» halyqaralyq qaıyrymdylyq syılyǵyna ıe boldy. Bedeldi halyqaralyq qaıyrymdylyq syılyǵyn tapsyrý rásimi «Rossııa» bas kontsert zalynda ótti. Bul sharany ataqty ıtalıan akteri Sofı Loren ashty. Sondaı-aq Ornella Mýtı, Djessıka Lang jáne Stıven Sıgal sııaqty belgili akterler keshtiń arnaıy qonaǵy boldy.
7 jyl buryn (2007) Pavlodar oblysyndaǵy Ýspen aýdanynyń ortalyǵynda Keńes Odaǵynyń Batyry Maksım Mılevskııge eskertkish ornatyldy.
Maksım Mılevskıı (1923-2005) Ýspen aýdanynyń Pavlovka aýylynda dúnıege kelgen, soǵys bastalǵanda maıdanǵa óz erkimen attanǵan. Soǵysta Stalıngradtan Berlınge deıingi joryq joldarynan ótip, Qyrym, Lıtva jáne Latvııany azat etýge qatysqan. Qazaqstandyq jaýynger urystardaǵy erligi úshin Qyzyl juldyz, 3-dárejeli «Dańq», «Otan soǵysy» ordenderimen marapattaldy. Kenıgsberg túbindegi shaıqasta erjúrek komandırge Keńes Odaǵynyń Batyry ataǵy berildi.
2004 jyly M.Mılevskıı respýblıka aldynda sińirgen eńbegi úshin «Parasat» ordenimen marapattaldy.
5 jyl buryn (2009) «Jeti jarǵy» baspasynan eki tilde jazylǵan «Keden isi boıynsha suraqtar men jaýaptar» - «Voprosy ı otvety po tamojennomý delý» atty kitap jaryq kórdi. Avtory - keden qyzmetiniń polkovnıgi Beken Nurahmetov.
Kitapta oqyrmandyń úsh júzdeı suraqtaryna jaýaptar berilgen. Onda qazaqstannyń zań sheńberindegi keden isi týraly ǵana emes, sonymen birge bizdiń elde bekitilgen halyqaralyq konventsııalar, basqa da málimetter jınaqtalǵan.
4 jyl buryn (2010) Sankt-Peterbor qalasynda QR Premer-Mınıstri Kárim Másimov bastaǵan qazaqstandyq delegatsııa EýrazAEQ Memleketaralyq keńesiniń otyrysyna qatysty. Memleketaralyq keńes eki formatta: shaǵyn jáne keńeıtilgen quramdarda ótti.
4 jyl buryn (2010) Elbasy «Sáıkestigi mindetti baǵalanýǵa jatatyn ónimniń Keden odaǵynyń kedendik aýmaǵyndaǵy aınalysy týraly kelisimdi ratıfıkatsııalaý týraly» Zańǵa qol qoıdy. 3 jyl buryn (2011) Astanada QR Syrtqy ister mınıstri Erjan Qazyhanov Eýropalyq qaıta qurý jáne damý bankiniń jyl saıynǵy otyrysyna qatysý úshin Qazaqstanǵa kelgen Bosnııa jáne Gertsegovına Syrtqy ister mınıstri Sven Alkalaımen kezdesý ótkizdi. Kelissózder aıasynda ekijaqty yntymaqtastyq jáne qatynastardyń damý bolashaǵy, halyqaralyq uıymdar sheńberindegi ózara yqpaldastyǵy, sondaı-aq, halyqaralyq máseleler boıynsha pikir almasyldy.
Kezdesý nátıjesinde eki el syrtqy saıası vedomstvolarynyń basshylary Qazaqstan Respýblıkasynyń Úkimeti men Bosnııa jáne Gertsegovına Mınıstrler Kabınetiniń arasyndaǵy Dıplomatııalyq jáne qyzmettik tólqujat ıelerin vızalyq talaptardan bosatý týraly kelisimge qol qoıdy.
3 jyl buryn (2011) QR Prezıdentiniń «Qazaqstan Respýblıkasy Táýelsizdiginiń 20 jyldyǵy qurmetine arnalǵan merekelik medal týraly» 2011 jyldyń 17 mamyryndaǵy №83 Jarlyǵymen «Qazaqstan Respýblıkasynyń Táýelsizdigine 20 jyl» merekelik medalimen nagradtaý qaǵıdalary bekitildi.
Bir jyl buryn (2013) Memleket basshysy Nursultan Nazarbaev «Derbes derekter jáne olardy qorǵaý týraly» Zańǵa qol qoıdy. Zań jeke ómirge aralaspaýdy, jeke jáne otbasylyq qupııany qorǵaýdy qamtamasyz etýge, osy saladaǵy memlekettik retteýdi kúsheıtýge baǵyttalǵan.
110 jyl buryn (1904) Halyqaralyq fýtbol federatsııasy - FIFA quryldy. Federatsııa qurý týraly kelisimge Frantsııa, Belgııa, Danııa, Gollandııa, Ispanııa, Shvetsııa, Shveıtsarııa elderiniń ókilderi qol qoıdy. 2 kúnnen keıin FIFA-nyń alǵashqy kongresi ashylyp, federatsııanyń prezıdenti bolyp frantsýzdyq Rober Geren saılandy.
ESІMDER
11 8 jyl buryn (1896-1983) tehnıka ǵylymynyń doktory, professor, Qazaqstan Ǵylym Akademııasynyń akademıgi, Qazaqstannyń eńbek sińirgen ǵylymı qaıratkeri ZAHAROV Vadım Pavlovıch dúnıege keldi.
Reseıdiń Sankt-Peterbor qalasynda týǵan. Máskeý elektrtehnıka ınstıtýtyn bitirgen. 1944-1978 jyldary Qazaq energetıka ǵylymı-zertteý ınstıtýtynyń aǵa ǵylymı qyzmetkeri, zerthana meńgerýshisi, ǵylymı keńesshisi boldy. 1978 jyldan ómiriniń sońyna deıin Orta Azııa ırrıgatsııa ǵylymı-zertteý ınstıtýtynda jumys istedi.
Ol keshendi sý torabyna arnap sý sharýashylǵy men sý energetıkasy salalaryndaǵy jumystardy ekonomıkalyq turǵydan esepteý ádisterin usyndy. Orta Azııa respýblıkalary men Qazaqstanda elektrlendirý isi jáne sý energetıkasyn damytý jóninde baǵaly usynystar jasady.
Eńbek Qyzyl Tý, «Qurmet belgisi» ordenderimen jáne medaldarmen marapattalǵan.
9 6 jyl buryn (1918-1994) kompozıtor, uıǵyr kásibı mýzykasynyń negizin qalaýshy, Qazaq KSR-niń halyq ártisi, Qazaq KSR-niń eńbek sińirgen óner qaıratkeri, Uly Otan soǵysynyń ardageri QOJAMIıAROV Quddys dúnıege keldi.
Almaty oblysynyń Eńbekshiqazaq aýdanynda týǵan. Almaty konservatorııasyn bitirgen. 1951-1952 jyldary Máskeý konservatorııasynda tájirıbe jınaqtaýdan ótken. 1953 jyldan Almaty konservatorııasynda ustazdyq etip, professory, rektory, kafedra meńgerýshisi bolǵan. Ol - uıǵyr kásibı mýzykasynyń negizin salýshy. Kompozıtor - halyq mýzyka folklory áýenderi negizinde uıǵyrdyń tuńǵysh operasy «Nazýgým» men «Chın Tomýr» baletin jazǵan. Sondaı-aq «Altyn taýlar», «Sadyr Palýan» operalarynyń, «Rızvangúl», «Bostandyq týraly án» sımfonııalyq poemalarynyń, «Gúlden Jetisý!» oratorııasynyń, «A.Rozybakıevti eske alý» sımfonııasy men Úshinshi sımfonııa mýzykalyq shyǵarmalarynyń avtory. Qojamııarov Qazaqstan Kompozıtorlar odaǵy basqarmasynyń múshesi, tóraǵasy, ádebıet jáne óner salasyndaǵy Lenındik syılyq pen Qazaqstan Memlekettik syılyǵyn taǵaıyndaý jónindegi komıtettiń múshesi bolǵan. 2-3-shi saılanǵan Qazaqstan Joǵarǵy Keńesiniń depýtaty.
«Lenın» ordenimen, «Qazan tóńkerisi», «Eńbek Qyzyl Tý» jáne «Qurmet belgisi» ordenderimen marapattalǵan.
6 8 jyl buryn (1946) Dúnıejúzi qazaqtary qaýymdastyǵy tóraǵasynyń orynbasary, «Altyn besik» jýrnalynyń bas redaktory, jazýshy, dramatýrg, Qazaqstan Respýblıkasynyń eńbek sińirgen qaıratkeri BALǴABAEV Sultanáli dúnıege keldi.
Qyzylorda oblysynyń Shıeli aýdanynda týǵan. Qazaq memlekettik ýnıversıtetiniń jýrnalıstıka fakýltetin bitirip, «Bilim jáne eńbek» (qazirgi «Zerde»), «Mádenıet jáne turmys» (qazirgi «Parasat»), jýrnaldarynda, «Jalyn» baspasynda, Qazaqstan Jazýshylar odaǵynda qyzmet istegen. On jylǵa jýyq Ǵ.Músirepov atyndaǵy Memlekettik akademııalyq jastar men balalar teatrynda ádebıet bóliminiń meńgerýshisi bolǵan.
1978 jyly «Jalyn» baspasynan «Juldyzyń jansyn» atty qazaq sportshylary týraly derekti povesteri men áńgimeleri shyqqan. Sodan bergi ýaqytta onyń «Altyn saǵym», «Qum men qyzǵaldaq», «Dala men darııa», «Qazaqtyń qyzyl kitaby» atty povesteri men áńgimeleri, maqalalar jınaqtary jaryq kórip, «Qyz jıyrmaǵa tolǵanda», «Biz de ǵashyq bolǵanbyz», «Qazaqsha kúres», «Áıelder álemi nemese eń jaqsy erkek», «Eń ádemi kelinshek», «Toıdan qaıtqan qazaqtar», «Jymbala, Mıko jáne qasqyr» atty pesalary sahnaǵa qoıylǵan.
60 jyl buryn (1954) Qazaqstannyń halyq aqyny ÁBІL Qonysbaı dúnıege keldi.
Qostanaı oblysynyń Jangeldın aýdanynda týǵan. Qazaq ulttyq ýnıversıtetin bitirgen. 1977-1980 jyldary - Jangeldın aýdandyq «Jańa ómir» gazetiniń jaýapty hatshysy. 1980-1985 jyldary - «Lenınshil jas (qazirgi «Jas alash») gazetiniń Torǵaı oblysy boıynsha menshikti tilshisi, oblystyq «Torǵaı tańy» gazeti redaktorynyń orynbasary. 1990-1991 jyldary - «Arqalyq araıy» gazetiniń redaktory. 1991-1995 jyldary Torǵaı oblystyq teleradıo kompanııasynyń tóraǵasy qyzmetin atqarǵan. 1997-1998 jyldary - Arqalyq qalasy mádenıet bóliminiń meńgerýshisi. 1998-2002 jyldary - Astana qalasy ákimi apparatynyń til saıasaty bóliminiń meńgerýshisi. 2002-2006 jyldary - Astana qalasy tilderdi damytý basqarmasynyń bastyǵy boldy. Arqalyq qalasynyń qurmetti azamaty.
Aqynnyń alǵashqy jyr jınaǵy 1980 jyly jaryq kórgen. Birneshe prozalyq shyǵarmalardyń avtory. Q.Ábil - belgili aıtysker aqyn. 1990 jyly Tashkent qalasynda Bazar jyraýdyń 150 jyldyǵy qurmetine ótkizilgen Orta Azııa jáne Qazaqstan aqyndarynyń aıtysynda jeńimpaz atanyp, 3-shi respýblıkalyq aqyndar aıtysynyń bas júldesin ıelengen. Aıtystary «Máńgilik kóktem», «Jyr-shashý», aýyzsha ázilderi «Degen eken...» ujymdyq jınaqtaryna engen.
«Astana» medalimen marapattalǵan.
5 8 jyl buryn (1956) QR Qorǵanys mınıstrliginiń Áskerı bilim jáne ǵylym departamentiniń bastyǵy, general-maıor ORAZOV Edil Luqpanuly dúnıege keldi.
Batys Qazaqstan oblysynyń Aq Jaıyq aýdanynda týǵan. Engels áskerı zenıttik-zymyrandyq qolbasshylyq ýchılışesin, Georgıı Jýkov atyndaǵy Áýe shabýylyna qarsy qorǵanys akademııasyn bitirgen. 1979-1993 jyldary - Engels áskerı zenıttik-zymyrandyq qolbasshylyq ýchılışesiniń vzvod komandıri, batareıa kýrsantarynyń komandıri, oqytýshysy. 1993-1998 jyldary - Shyńǵyrlaý aýdandyq áskerı komıssary, Batys Qazaqstan oblysy áskerı komıssarynyń orynbasary. 1998-2002 jyldary - Mańǵystaý oblysynyń jáne Aqtaý qalasynyń áskerı komıssary. 2002-2005 jyldary - Qazaqstan Respýblıkasy Qorǵanys mınıstrligi Ulttyq ýnıversıtetiniń bastyǵy. 2005-2006 jyldary - «Batys» óńirlik qolbasshylyq áskerleri qolbasshysynyń orynbasary. 2006 jyly - Reseı Federatsııasyndaǵy Qazaqstan Respýblıkasy Elshiliginde áskerı attashe. 2007 jyly - Mańǵystaý oblysynyń jumyldyrý daıyndyǵy, azamattyq qorǵanys, avarııalar men dúleı apattardyń aldyn alýdy jáne joıýdy uıymdastyrý basqarmasynyń bastyǵy. 2007-2010 jyldary - Qazaqstan Respýblıkasy Qorǵanys mınıstrliginiń Radıoelektronıka jáne baılanys áskerı ınstıtýtynyń bastyǵy. 2010-2012 jyldary - QR Qorǵanys mınıstrliginiń QHR-daǵy áskerı attashesi. Qazirgi qyzmetinde 2012 jyldan bastap isteıdi.
Medalmen marapattalǵan.
5 6 jyl buryn (1958) Qazaqstan Respýblıkasy Syrtqy ister mınıstriniń orynbasary, tarıh ǵylymdarynyń kandıdaty VOLKOV Alekseı ıÝrevıch dúnıege keldi.
Almaty qalasynda týǵan. S.M.Kırov atyndaǵy Qazaq Memlekettik ýnıversıtetin, Malaızııa Dıplomatııa jáne halyqaralyq qatynastar ınstıtýtynyń kýrstaryn bitirgen. Tarıh ǵylymdarynyń kandıdaty. 1981-1991 jyldar aralyǵynda Qazaq Polıtehnıkalyq ınstıtýtynda jáne Qazaq Memlekettik ýnıversıtetinde (Almaty q.) ǵylymı-zertteý jumystarymen aınalysqan. 1991 jyldan 1992 jylǵa deıin - Qazaqstan Respýblıkasynyń Halyqqa bilim berý mınıstrliginde konsýltant bolyp jumys atqarǵan.
1992 jyldan bastap Qazaqstan Respýblıkasy Syrtqy ister mınıstrligi júıesinde qyzmet atqarýda - BUU bóliminiń ekinshi hatshysy, birinshi hatshysy, meńgerýshisi. 1994 jyldan bastap - BUU jáne arnaýly halyqaralyq uıymdar basqarmasynyń bastyǵy. 1996 -1999 jj. - Qazaqstan Respýblıkasynyń Shveıtsarııa Konfederatsııasyndaǵy Elshiliginiń keńesshisi, keńesshi-ýákili, Jenevadaǵy BUU bólimshesi janyndaǵy Qazaqstan Respýblıkasynyń Turaqty Ókiliniń orynbasary (Shveıtsarııa Konfederatsııasy). 1999 -2003 jj. - Qazaqstan Respýblıkasy Prezıdentiniń Kómekshisi Hatshylyǵynyń basshysy, Qazaqstan Respýblıkasy Prezıdenti Ákimshiligi Keńsesiniń Memlekettik ınspektory. 2003 jyldyń mamyr aıynan 2005 jyldyń qyrkúıek aıyna deıin - Qazaqstan Respýblıkasynyń Syrtqy ister mınıstriniń orynbasary. 2005 - 2012 jj. - Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi. 2012 jyldyń aqpan aıynan bastap Qazaqstan Respýblıkasy Syrtqy ister mınıstriniń orynbasary bolyp taǵaıyndaldy.
Tótenshe jáne Ókiletti Elshi dıplomattyq dárejesi bar. 2001 j. «Qazaqstan Respýblıkasynyń táýelsizdigine 10 jyl», 2006 j. «Qazaqstan Respýblıkasynyń Parlamentine 10 jyl», 2008 j. «Astananyń 10 jyldyǵy» mereıtoılyq medaldarymen, 2008 - 2010 jj. Qazaqstan Respýblıkasy Prezıdentiniń alǵys hatymen, 2011 j. «Qurmet» ordenimen, «Qazaqstan Respýblıkasynyń táýelsizdigine 20 jyl» medalimen jáne Polsha Respýblıkasy Avtokefaldyq Pravoslavıelik shirkeýiniń «Qasıetti Marııa Magdalena» ordenimen marapattalǵan. 2012 jyly «Polsha Respýblıkasyna sińirgen eńbegi» komandorlyq ordenimen marapattaldy.
Qazaq, polıak jáne orys tilderinde jarıalanǵan «Qazaqstan men Polsha arasyndaǵy dıplomatııalyq qatynastardyń ornatylýyna 20 jyl» atty kitaptyń avtory.
Aǵylshyn jáne polıak tilderin jetik meńgergen.
4 7 jyl buryn (1967) QR Prezıdentiniń Іc basqarýshysy BISEMBAEV Abaı Aıdarhanuly dúnıege keldi.
Kókshetaý oblysynda týǵan. 1992 jyly M.V. Lomonosov atyndaǵy Máskeý memlekettik ýnıversıtetin «áleýmettik - saıası qatynastar teorııasy» mamandyǵy boıynsha bitirgen. 1996 jyly Qazaq memlekettik basqarý akademııasynyń Naryq ınstıtýtyn «qarjy jáne nesıe» mamandyǵy boıynsha bitirgen. Saıası ǵylymdar kandıdaty. Eńbek jolyn 1984 jyly Kókshetaý oblysynyń Qurylys - montajdaý basqarmasynda jumysshy bolyp bastaǵan. 1985 - 1987 jyldary - Keńes áskeri qatarynda bolǵan. 1992 jyly - Qazaq KSR Ǵylym akademııasy Ekonomıka ınstıtýtynyń ǵylymı qyzmetkeri. 1992 - 1994 jyldary - Qazaqstan Respýblıkasy Memlekettik múlik jónindegi memlekettik komıteti ınvestıtsııalyq qorlar basqarmasynyń jetekshi mamany, bastyq orynbasary, bastyǵy. 1994 - 1995 jyldary - Qazaqstan Respýblıkasy Mınıstrler Kabınetiniń Іs basqarmasy aýmaqtyq damý bóliminiń bas ınspektory, Qazaqstan Respýblıkasynyń Prezıdenti janyndaǵy Ekonomıkalyq konsýltanttar keńesiniń konsýltanty. 1995 - 1996 jyldary - Qazaqstan Respýblıkasynyń Ulttyq baǵaly qaǵazdar jónindegi komıssııa múshesi. 1996 - 2006 jyldar - «Azyq túlik kelisim-shart korporatsııasy» AQ vıtse-prezıdenti, prezıdenti. 2006 - 2012 jyldary - Qazaqstan Respýblıkasy Prezıdenti Іs basqarýshysynyń orynbasary. 2012 jyldyń qyrkúıek aıynda Memleket basshysynyń Jarlyǵymen Qazaqstan Respýblıkasy Prezıdentiniń Іs basqarýshysy laýazymyna taǵaıyndaldy. «Qurmet» ordenimen, «Eren eńbegi úshin» medalimen marapattalǵan.
4 4 jyl buryn (1970) QR Ekonomıka jáne bıýdjettik josparlaý mınıstri DOSAEV Erbolat Asqarbekulydúnıege keldi.
Almaty qalasynda týyldy. Almaty energetıkalyq ınstıtýty, Baýman atyndaǵy Máskeý Memlekettik tehnıkalyq ýnıversıtetin bitirdi. 1997 j. - «Turan Álem Banki» JAQ Basqarma Tóraǵasynyń orynbasary «ATF Bank» Basqarma Tóraǵasy; 1998 j. - Qazaqstan Respýblıkasy Premer-Mınıstri keńesshisi; 1998 j. - Qazaqstan Respýblıkasy Energetıka, ındýstrııa jáne saýda Vıtse-mınıstri; 2000 j. - Qazaqstan Respýblıkasy Qarjy Vıtse-mınıstri; 2001 j. - Qazaqstan Damý banki Dırektorlar keńesiniń Tóraǵasy; 2001-2003 jj. - Qazaqstan Respýblıkasy Tabıǵı monopolııalar, básekelestikti qorǵaý jáne kishi bıznesti qoldaý agenttiginiń Tóraǵasy; 2003 - 2004 jj. - Qazaqstan Respýblıkasy Qarjy mınıstri; Qazaqstandaǵy Eýropalyq qaıta qurý jáne damý bankiniń basqarýshysy; Qazaqstan Respýblıkasy Ulttyq Bankiniń Basqarma múshesi; 2004 - 2006 jj. - Qazaqstan Respýblıkasy Densaýlyq saqtaý Mınıstri; 2006 - 2012 jj. «Qazınvestbank» AQ Dırektorlar Keńesiniń Tóraǵasy; 2012 jylǵy 25 qyrkúıekte - Qazaqstan Respýblıkasy Prezıdentiniń Jarlyǵymen (№ 390) Qazaqstan Respýblıkasy Ekonomıkalyq damý jáne saýda mınıstri qyzmetine taǵaıyndaldy. 2013 jylǵy16 qańtarda - Qazaqstan Respýblıkasy Prezıdentiniń Jarlyǵymen (№ 468) Qazaqstan Respýblıkasy Ekonomıka jáne bıýdjettik josparlaý mınıstri qyzmetine taǵaıyndaldy.
6 5 jyl buryn (1949-2006) reseı aktrısasy, Reseı halyq ártisi POLIŞÝK Lıýbov Grıgorevna dúnıege keldi.
5 9 jyl buryn (1955) Reseı Federatsııasynyń qorǵanys mınıstri, memleketik jáne áskerı qaıratker ShOIGÝ Sergeı Kýjýgetovıch dúnıege keldi.