21 qyrkúıekte Baıqońyrdan «Soıýz MS-22» ǵarysh kemesi ushyrylady

BAIQOŃYR. QazAqparat - Baıqońyr ǵarysh aılaǵynda «Soıýz MS-22» ǵarysh kemesin ushyrýǵa daıyndyq jumystarynyń sońǵy kezeńi bastaldy, dep habarlaıdy QazAqparat tilshisi.

Búgin tańerteń «Soıýz MS-22» basqarylatyn kemesi bar «Soıýz-2.1a» zymyran-tasymaldaǵyshyn «Baıqońyr» ǵarysh aılaǵynyń 31-shi alańyna shyǵarý jáne ornatý jumystary bastaldy. Ushyrylymǵa deıin úsh kún qaldy.

Ǵaryshtyq maqsattaǵy raketa montajdaý-synaq korpýsynan shyǵaryldy. Onda onyń jalpy qurastyrý jáne synaq jumystary júrgizildi. Raketa temirjolmen «Vostok» ushyrylym keshenine jetkizildi.

Buǵan deıin habarlaǵanymyzdaı, 2022 jyldyń 5 qyrkúıeginde Baıqońyr ǵarysh aılaǵyna kelgen Halyqaralyq ǵarysh stantsııasynyń (HǴS) 68-shi uzaqmerzimdi ekspedıtsııasynyń qatysýshylary eki aptadan beri Baıqońyrda ushyrylym aldyndaǵy daıyndyq jumystaryn júrgizip jatyr.

«Soıýz MS-22» kemesi bar «Soıýz-2.1 a» zymyranyn ushyrý 2022 jylǵy 21 qyrkúıekke josparlanǵan. Negizgi ekıpaj quramynda reseılik ǵaryshkerler Sergeı Prokopev pen Dmıtrıı Petelın, sondaı-aq Rokskosmos pen NASA arasyndaǵy kelisim negizinde ushatyn amerıkalyq astronavt Frantsısko Rýbıo bar.