21 qyrkúıek. Kazinform kúntizbesi. Tulǵalar týǵan kún

Abaı TASBOLATOV, QR Qarýly kúshteri joǵary qolbasshylyq quramynyń ókili, general-leıtenant, tarıh ǵylymdarynyń doktory, Qazaqstan Ulttyq jaratylystaný ǵylymdary akademııasynyń akademıgi

1951 jyly Soltústik Qazaqstan oblysynda dúnıege kelgen. 1973 jyly Almaty joǵary jalpy áskerı komandalyq ýchılışesin bitirgen. 1980-1983 jyldary M. V. Frýnze atyndaǵy Áskerı akademııada oqyp, motojaıaý ásker ofıtseri mamandyǵyn alǵan.

Eńbek jolyn 1973-1980 jyldary Almaty jalpy áskerı komandalyq ýchılışesiniń vzvod, rota komandıri bolyp bastaǵan. 1983-1991 jyldary Almaty joǵary jalpy áskerı komandalyq ýchılışesinde oqytýshy, kýrsanttar batalonynyń komandıri, taktıka kafedrasynyń aǵa ofıtseri boldy. 1991-1992 jyldary QR Memlekettik qorǵanys komıteti janyndaǵy joǵary oqý oryndary jáne áskerı emes shtab daıyndyǵy bóliminiń bastyǵy,

1992-1997 jyldary Almaty joǵary jalpy áskerı komandalyq ýchılışeniń bastyǵy, 1997-2002 jyldary QR Qarýly kúshteri Áskerı akademııasynyń bastyǵy, 2002-2006 jyldary Qazaqstan Respýblıkasy Qorǵanys mınıstriniń orynbasary qyzmetine taǵaıyndaldy. 2006-2011 jyldary Qazaqstan Respýblıkasy Respýblıkalyq ulannyń qolbasshysy, 2012-2016 jyldary QR Parlamenti Májilisiniń V shaqyrylymynyń depýtaty, 2016-2021 jyldary QR Parlamenti Májilisiniń VI shaqyrylymynyń depýtaty, Halyqaralyq ister, qorǵanys jáne qaýipsizdik komıtetiniń múshesi boldy.

«Dańq» ordeniniń II jáne I dárejelerimen, «Za slýjbý Rodıne v Voorýjennyh Sılah SSSR» ordeniniń I dárejesimen, «Petra Velıkogo» ordeniniń I dárejesimen, sondaı-aq mereıtoılyq jáne eńbek ótili úshin beriletin medaldarmen marapattalǵan.

Vladımır SMIRNOV, qazaqstandyq shańǵyshy, 1994 jylǵy Olımpıada chempıony, tórt dúrkin álem chempıony, tórt dúrkin Olımpıada kúmis júldegeri, eki dúrkin qola medal ıegeri

1964 jyly Kókshetaý oblysynyń Şýchınsk qalasynda dúnıege kelgen. 1983 jyly P. F. Lesgaft atyndaǵy Áskerı deneshynyqtyrý ınstıtýtynyń sport nusqaýshylary kýrsyn, 1986 jyly Qazaq memlekettik deneshynyqtyrý ınstıtýtyn deneshynyqtyrý jáne sport pániniń oqytýshysy mamandyǵy boıynsha támamdaǵan.

Eńbek joly: 1980-1992 jyldary KSRO jáne TMD quramalary sapynda óner kórsetti, 1992-1999 jyldary Qazaqstan atynan jarystarǵa qatysty. 1988 jyly Kalgarıde ótken XV qysqy Olımpıada oıyndaryna, 1992 jyly Albervılde ótken XVI qysqy Olımpıada oıyndaryna, 1994 jyly Lıllehammerde ótken XVII qysqy Olımpıada oıyndaryna, 1998 jyly Naganoda ótken XVIII qysqy Olımpıada oıyndaryna qatysty. Nagano Olımpıadasynda Halyqaralyq Olımpıada komıtetiniń Sportshylar komıssııasynyń múshesi boldy. 2004-2005 jyldary Halyqaralyq bıatlonshylar odaǵynyń sport dırektorynyń kómekshisi, 2006-2010 jyldary Halyqaralyq bıatlonshylar odaǵy kongresiniń sport jónindegi vıtse-prezıdenti qyzmetterin atqardy. 2005-2014 jyldary «Scania Kazakhstan» kompanııasynyń ókiletti ókili orynbasary, «Scania Central Asia» JShS bas dırektory, «Scania» kompanııasynyń TMD elderi boıynsha keńesshisi boldy.

2014 jyly «Astana» Prezıdenttik kásibı sport klýby korporatıvtik qorynyń bas dırektory qyzmetin atqardy. Qazaqstan Respýblıkasynyń Shvetsııadaǵy qurmetti konsýly. Qazirgi ýaqytta Shvetsııa azamaty.

«Dańq» jáne «Halyqtar dostyǵy» ordenderimen (1988), sondaı-aq 4 altyn (1987, 1989, 1993, 1995), 4 kúmis jáne 3 qola medalmen marapattalǵan. Norvegııanyń sport salasyndaǵy eń joǵary marapattarynyń biri — Holmenkollen medaliniń ıegeri. 1991/92 jáne 1993/94 maýsymdarynda álem kýbogynyń jeńimpazy atandy.

Aıdos SULTANOV, Túrkistan oblystyq sotynyń tóraǵasy

1978 jyly Túrkistan oblysynyń Saıram aýdanynda dúnıege kelgen. 2000 jyly Qostanaı qalasyndaǵy zań ınstıtýtyn támamdaǵan.

Eńbek jolyn 1997-2000 jyldary Shymkent qalasy Іshki ister basqarmasynyń asa aýyr qylmystardy tergeý bóliminde bastaǵan. 2000-2001 jyldary Ońtústik Qazaqstan oblysy Іshki ister basqarmasynda jeke tulǵalarǵa qatysty qylmystardy tergeıtin tergeýshi boldy. 2001-2004 jyldary atalǵan basqarmada jeke tulǵalarǵa qatysty asa aýyr qylmystardy tergeý jónindegi tergeýshi qyzmetin atqardy. 2004-2008 jyldary Ońtústik Qazaqstan oblysy Іshki ister departamentiniń tergeý bólimin basqardy. 2008-2013 jyldary Shymkent qalasy Eńbekshi aýdanynyń sýdıasy boldy. 2013-2017 jyldary Ońtústik Qazaqstan oblysy Túlkibas aýdandyq sotynyń tóraǵasy qyzmetin atqardy. 2017-2021 jyldary Shymkent qalasy Eńbekshi aýdandyq sotynyń tóraǵasy boldy. 2021-2024 jyldary Túrkistan oblystyq sotynyń qylmystyq ister jónindegi sot alqasynyń tóraǵasy qyzmetin atqardy.

Qazirgi qyzmetin 2024 jylǵy sáýirden bastap atqaryp keledi.

Asylbek DÚISEBAEV, «City Transportation Systems» JShS basqarma tóraǵasy

1979 jyly Tselınograd oblysynda dúnıege kelgen. 2001 jyly S. Seıfýllın atyndaǵy Aqmola agrarlyq ýnıversıtetin ekonomıst-menedjer mamandyǵy boıynsha támamdaǵan.

Eńbek jolyn 1998 jyly «Agro-Tsentr Astana» kompanııasynda tergeýshi revızor bolyp bastady. 2002-2005 jyldary elorda Syrtqy ekonomıkalyq baılanys komıtetiniń bas mamany, QR Kólik jáne kommýnıkatsııalar mınıstrliginiń Baılanys jáne aqparat komıtetiniń bas mamany, QR Baılanys jáne aqparattandyrý agenttiginiń bas mamany, QR Kólik jáne kommýnıkatsııalar mınıstrliginiń Avtomobıl joldary jáne ınfraqurylymdyq kesheni qurylysy komıtetinde bas maman, bólim bastyǵy, QR Prezıdenti Ákimshiliginiń Uıymdastyrý-baqylaý jumysy jáne kadr saıasaty basqarmasynyń uıymdastyrý-baqylaý bóliminiń bas ınspektory qyzmetterin atqardy. 2005-2006 jyldary QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń bas ınspektory boldy. 2006 jyly Qaraǵandy oblysy ákiminiń kómekshisi, sol jyly Qaraǵandy qalasy Qazybek bı aýdany ákiminiń orynbasary qyzmetin atqardy. 2006-2007 jyldary Qaraǵandy qalasy ákiminiń orynbasary boldy. 2007-2009 jyldary Qaraǵandy oblysy ákiminiń apparatyn basqardy. 2009-2010 jyldary Qaraǵandy oblysy ákiminiń orynbasary qyzmetin atqardy. 2010-2011 jyldary QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetine taǵaıyndaldy. 2011-2012 jyldary QR Kólik jáne kommýnıkatsııalar vıtse-mınıstri qyzmetin atqardy. 2012-2014 jyldary Qazaqstan Respýblıkasynyń Tabıǵı monopolııalardy retteý agenttigi tóraǵasynyń orynbasary boldy. 2014-2022 jyldary Qaraǵandy oblysy ákiminiń birinshi orynbasary qyzmetin atqardy.

Marat ESTAEV, Jambyl oblysy Taraz qalasynyń prokýrory

1984 jyly Jambyl oblysynyń Moıynqum aýdanynda dúnıege kelgen. 2005 jyly M. H. Dýlatı atyndaǵy Taraz memlekettik ýnıversıtetin támamdaǵan. Eńbek jolyn 2005 jylǵy qazan aıynda Almaty qalasy ákimdiginiń «Almatyjer» memlekettik kásipornynyń bóliminde bastaǵan. 2008 jylǵy qańtardan 2010 jylǵy aqpanǵa deıin «Moıynqum Servıs» JShS-de ekonomıka jónindegi dırektordyń orynbasary qyzmetin atqarǵan. 2010 jyly Shý aýdanaralyq prokýratýrasynda is júrgizýshi qyzmetin atqardy. 2010 jylǵy jeltoqsannan 2011 jylǵy naýryzǵa deıin Qordaı aýdany prokýrorynyń kómekshisi boldy.

2011 jylǵy naýryzdan 2013 jylǵy naýryzǵa deıin Shý aýdanaralyq prokýrorynyń kómekshisi, aǵa kómekshisi qyzmetterin atqardy. 2013 jylǵy naýryzdan 2016 jylǵy tamyzǵa deıin Jambyl oblysy prokýratýrasynyń túrli bólimshesinde ártúrli qyzmet atqardy. 2016 jylǵy tamyzdan 2022 jylǵy qazanǵa deıin Shý aýdanaralyq prokýrorynyń orynbasary, Baızaq aýdany prokýrorynyń orynbasary boldy. 2022 jylǵy qazannan 2026 jylǵy sáýirge deıin Jambyl oblysy Jambyl aýdanynyń prokýrory qyzmetin atqardy.

Qazirgi qyzmetin 2026 jylǵy sáýirden bastap atqaryp keledi.

Nurdáýlet MEDEÝOV, Kentaý qalasy ákiminiń orynbasary

1988 jyly Túrkistan oblysynyń Qazyǵurt aýdanynda dúnıege kelgen. 2010 jyly L. N. Gýmılev atyndaǵy Eýrazııa ulttyq ýnıversıtetin «Týrızm» mamandyǵy boıynsha támamdaǵan.

Eńbek joly: 2013-2015 jyldary «Ońtústik Qazaqstan oblysynyń týrızmdi damytý qaýymdastyǵy» qoǵamdyq birlestigi dırektorynyń mindetin atqardy.

2016-2017 jyldary Astana qalasy Bilim basqarmasynyń «Jas saıahatshylar stantsııasy» memlekettik mekemesinde nusqaýshy bolyp jumys istedi. 2 017 jyly Astana qalasynyń Balalar men jasóspirimder týrızmi jáne ólketaný ortalyǵynda nusqaýshy qyzmetin atqardy. 2017-2018 jyldary Mańǵystaý oblysy «Atameken» UKP Beıneý aýdandyq fılıalynyń «Bastaý Bıznes» jobasy boıynsha bıznes-treneri boldy. 2019 jyly Túrkistan oblysy Týrızm jáne syrtqy baılanystar basqarmasynyń «Turkistan Tourism Center» týrıstik aqparattyq ortalyǵy KMM basshysynyń orynbasary qyzmetin atqardy. 2019-2020 jyldary Túrkistan oblysy Týrızm basqarmasynyń «Turkistan Tourism Center» týrıstik aqparattyq ortalyǵynyń basshy orynbasary boldy. 2020-2024 jyldary Túrkistan oblysy Týrızm basqarmasynyń týrızmdi damytý jáne týrıstik jobalardy iske asyrý bólimin basqardy. 2024-2026 jyldary Túrkistan oblysy Týrızm basqarmasynyń basshysy qyzmetin atqardy.

Qazirgi qyzmetin 2026 jylǵy qańtardan bastap atqaryp keledi.

Tımýr ÁBІLQASYMOV, QR Qarjy naryǵyn retteý jáne damytý agenttigi tóraǵasynyń birinshi orynbasary

1989 jyly Almaty qalasynda dúnıege kelgen. 2012 jyly Qazaqstan Menedjment, Ekonomıka jáne Boljaý ınstıtýtyn, 2015 jyly Djons Hopkıns ýnıversıtetin, 2016 jyly London Metropolitan University ýnıversıtetin támamdaǵan.

Eńbek joly: 2008-2010 jáne 2013-2014 jyldary Qazaqstan ulttyq quramasynyń regbı oıynshysy, «Almaty» kásibı regbı klýbynyń oıynshysy boldy. 2014-2016 jyldary «KazInvestBank» AQ-ta naryqtyq jáne ótimdilik táýekelderi bóliminiń basshysy, qarjylyq taldaý bóliminiń mamany qyzmetterin atqardy. 2016-2017 jyldary «QazMunaıGaz Ónimderi» JShS Táýekelderdi basqarý jáne ishki baqylaý qyzmetiniń basshysy boldy.

2017-2018 jyldary «Qazaqstan temir joly» UK» AQ Táýekelderdi basqarý jáne ishki baqylaý departamenti dırektorynyń orynbasary qyzmetin atqardy. 2018-2021 jyldary «Radius Advisory Lab» JShS-nyń aǵa seriktesi boldy. 2021-2024 jyldary QR Qarjy naryǵyn retteý jáne damytý agenttigi tóraǵasynyń keńesshisi, CDO qyzmetterin atqardy. 2024 jyly «NAC Analytica» korporatıvtik qorynyń basqarma tóraǵasy boldy. 2024-2025 jyldary QR Qarjy naryǵyn retteý jáne damytý agenttigi tóraǵasynyń orynbasary qyzmetin atqardy.

Qazirgi qyzmetin 2025 jylǵy qyrkúıekten bastap atqaryp keledi.

Almıra TURSYN (TURSYNBAEVA), aktrısa, stsenarıst, «Tomırıs» fılminde basty róldi somdaǵan

1990 jyly Almaty qalasynda dúnıege kelgen. Ál-Farabı atyndaǵy Qazaq memlekettik ýnıversıtetin, Máskeý memlekettik ýnıversıtetin «Bıznes ákimshilendirý» mamandyǵy boıynsha támamdaǵan.

Eńbek joly: Ortalyq Azııa isker áıelder kongresiniń uıymdastyrý komıtetiniń dırektory, áıelderge arnalǵan kásibı baǵdar berý treneri bolyp qyzmet atqardy. 2019 jyly rejısser Aqan Sataevtyń «Tomırıs» tarıhı fılminde basty róldi somdady. 2020 jyly Aqan Sataevpen shyǵarmashylyq baılanysyn jalǵastyryp, «Boksshy» sporttyq dramasynyń stsenarısi boldy.

2022 jylǵy 29 qyrkúıekte Ádilhan Erjanovtyń «Golıaf» qazaqstandyq dramasynyń tusaýkeseri ótti. Fılmde Almıra Tursyn basty keıipkerdiń jubaıyn somdady. 2022 jyly «Mrs. Globe Kazakhstan» baıqaýynyń jeńimpazy atandy.

Qapan BADYROV, akter, qoıýshy rejısser, Qazaqstannyń halyq ártisi, qazaq teatr óneriniń negizin qalaýshylardyń biri

1904 jyly Qostanaı oblysynda dúnıege kelgen. Teatr sahnasynda S. Seıfýllınniń «Qyzyl suńqarlar» pesasyndaǵy Erkebulan, Ǵ.Músirepovtiń «Aqan seri — Aqtoqty» jáne «Amangeldi» shyǵarmalaryndaǵy Naýan haziret pen Amangeldi, Ǵ.Mustafınniń «Mıllıoner» pesasyndaǵy Jomart, F.Volftiń «Professor Mamlıýk» shyǵarmasyndaǵy professor Mamlıýk, B.Maılınniń «Maıdanyndaǵy» Bekbolat, T.Ahtanovtyń «Antyndaǵy» Tóle bı, K. Trenevtiń «Lıýbov ıArovaıa» M. ıArovoı, Ý.Shekspırdiń «Otellosyndaǵy» Otello syndy rólderdi somdady. Akterlik sheberligi Muhtar Áýezovtiń dramatýrgııalyq shyǵarmalarynda aıryqsha tanyldy. Ol jazýshynyń 21 pesasynda oınaǵan. 1952 jyly «Abaı» spektaklindegi Abaı róli úshin KSRO Memlekettik syılyǵyna ıe boldy. Rejısser retinde A. Ábishevtiń «Jolbarys» pesasyn sahnaǵa shyǵardy. Kınoda «Amangeldi» fılminde Qarataıdyń, «Abaı áni» kartınasynda Aıdar men Syrttannyń, «Alyp týraly ańyzda» Kóregenniń, «Ómir joldary» fılminde Sársenniń rólderin somdady. «Ótkender men ótkelder», «Esten ketpes esimder», «Teatr — meniń taǵdyrym» atty kitaptardyń avtory.

Eki márte Eńbek Qyzyl Tý ordenimen jáne «Halyqtar dostyǵy» ordenimen marapattalǵan.