21 qazanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 21 qazan kúni Qazaqstannyń basym bóliginde jaýyn-shashyn saqtalady, tek ońtústik-shyǵysta seısenbi jaýyn-shashynsyz ótedi. Respýblıkanyń keı jerlerinde jel kúsheıip, tuman men kóktaıǵaq bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qaraǵandy, Qostanaı oblystarynyń keı jerlerinde jeldiń ekpini 15-20 m/s kúsheıip, tuman men kóktaıǵaq kútiledi.
Soltústik Qazaqstan jáne Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s artyp, túnde jáne tańerteń tuman boljanady.
Pavlodar oblysynda 15-20 m/s artqan jeldiń ekpini keı jerlerde 25 m/s jetýi yqtımal.
Aqmola oblysynyń jekelegen aýmaqtarynda tuman kútiledi, jeldiń kúshi 15-20 m/s kúsheıedi.
Mańǵystaý, Atyraý oblystarynda, túnde Aqtóbe oblysynyń keı jerlerinde tuman boljanady.
Almaty oblysynda, tańerteń jáne kúndiz Ońtústik Qazaqstan, túnde, tańerteń jáne kúndiz Qyzylorda oblystarynda jeldiń kúshi 15-20 m/s jetedi.
Atyraý oblysynyń keı jerlerinde jel 15-20 m/s kúsheıedi.
