21 qazan. Tulǵalar týǵan kún

Búgin, 21 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

59 jyl buryn (1964) QR Sýdıalar Odaǵy Qyzylorda oblystyq fılıalynyń tóraǵasy Muhtar Júsipbekuly ERKІNBEKOV dúnıege keldi.

Qyzylorda oblysynda týǵan. 1991 jyly S.M. Kırov atyndaǵy Qazaq memlekettik ýnıversıtetin zańger mamandyǵy boıynsha bitirgen.

Bul qyzmetke kelgenge deıin 1982-1983 jyldary Jańaqorǵan aýdanynyń Birlik keńsharynda jumysshy, 1991-1992 jyldary Qyzylorda qalalyq prokýratýrasynda stajer tergeýshi, tergeýshi, qalalyq tabıǵatty qorǵaý prokýratýrasynyń tergeýshisi, oblystyq prokýratýrada aǵa tergeýshi, odan keıin tergeý bóliminiń prokýrory, MTK-niń Shıeli aýdandyq bóliminiń bastyǵy, osy mekemeniń oblystyq departamentinde bólim bastyǵy, keıin basqarma bastyǵynyń orynbasary boldy. 1992-1997 jyldary Qyzylorda qalalyq ІІB bastyǵynyń orynbasary, oblystyq qarjy polıtsııasy bastyǵynyń tergeý isi jónindegi orynbasary, 1997-2007 jyldary Qyzylorda qalalyq sotynyń sýdıasy, Qyzylorda oblysynyń sottar ákimshisi, 2008-2011 jyldary Baıqońyr qalalyq sotynyń tóraǵasy, Qyzylorda oblysynyń mamandandyrylǵan qylmystyq ister jónindegi sotynyń sýdıasy, Qyzylorda qalalyq sotynyń tóraǵasy, 2011-2012 jyldary Qyzylorda oblysy Shıeli aýdandyq sotynyń tóraǵasy, 2017-2021 jyldary Qyzylorda qalalyq sotynyń tóraǵasy qyzmetin atqardy.

2021 jyldyń shilde aıynan bastap qazirgi qyzmetinde.

48 jyl buryn (1975) Qyzylorda oblysy ákiminiń orynbasary Danııar Erenǵalıuly JANALINOV dúnıege keldi.

Almaty oblysyda týǵan. 1998 jyly Qazaq kólik jáne kommýnıkatsııa akademııasyn «ınjener-ekonomıst» mamandyǵy boıynsha bitirgen.

Eńbek joly: 2000-2002 jyldary - Taldyqorǵan qalasy jáne Almaty oblysy boıynsha Salyq komıtetiniń salyq ınspektory. 2002-2003 jyldary - Almaty oblysy boıynsha Salyq komıtetiniń jetekshi salyq ınspektory. 2003-2008 jyldary - Almaty oblysy boıynsha Salyq komıtetiniń bas salyq ınspektory. 2008 jyly - Almaty oblysy boıynsha Salyq komıtetiniń bólim bastyǵy qyzmetin atqardy. 2008-2010 jyldary - Almaty oblysy boıynsha Salyq departamenti bastyǵynyń orynbasary. 2010-2012 jyldary - QR Qarjy mınıstrligi Salyq komıtetiniń salyq qyzmetteri basqarmasynyń bastyǵy. 2012-2014 jyldary - QR Qarjy mınıstrligi Salyq komıtetiniń iri salyq tóleýshiler basqarmasynyń basshysy. 2014 jyly - QR Qarjy mınıstrligi Memlekettik kirister komıteti janama salyqtardy ákimshilendirý basqarmasynyń basshysy. 2014-2018 jyldary - QR Qarjy mınıstrligi Memlekettik kirister komıtetiniń Soltústik Qazaqstan oblysy boıynsha Memlekettik kirister departamentiniń basshysy. 2018-2021 jyldary - Mańǵystaý oblysy boıynsha Memlekettik kirister departamentiniń basshysy. 2022-2023 jyldary QR Qarjy mınıstrligi Memlekettik kirister komıtetiniń tóraǵasy qyzmetin atqardy.

2023 jyldyń 9 qyrkúıeginen bastap qazirgi qyzmetinde.

66 jyl buryn (1957) general-leıtenant, Qorǵanys mınıstriniń eks-birinshi orynbasary – Qazaqstan Respýblıkasy Qarýly Kúshteri Shtab bastyqtary komıtetiniń tóraǵasy Bolat Kerimjanuly DARBEKOV dúnıege keldi.

Qyrǵyz SSR Toqmaq qalasynda týǵan.

1979 jyly Almaty joǵary jalpyáskerı komandalyq ýchılışesin úzdik bitirdi.

Ofıtserlik qyzmetin Germanııadaǵy Keńes áskerleri tobynda motoatqyshtar vzvodynyń komandıri bolyp bastady. 1979 jyldan bastap 35-shi jeke gvardııalyq áýe shabýyl brıgadasynyń áýe shabýyl vzvodynyń komandıri qyzmetin atqardy. Arnaıy desanttyq brıgadanyń quramynda komandırdiń orynbasary – parashıýttik rotanyń desanttyq daıarlyǵy boıynsha nusqaýshysy, desanttyq-shabýyldaý rotasynyń komandıri, shtab bastyǵy – parashıýttik batalon komandıriniń orynbasary qyzmetterin atqarǵan. 1988 jyly M.V.Frýnze atyndaǵy Áskerı akademııany úzdik bitirdi. Akademııany bitirgennen keıin SAVO jeke motoatqyshtar brıgadasynyń motoatqyshtar batalonynyń komandıri qyzmetin atqardy. 1992 jyly shtab bastyǵy – Qyrǵyz Respýblıkasy Ulttyq ulany komandıriniń orynbasary bolyp taǵaıyndaldy. 1993-1995 jyldary - Qyrǵyzstan Respýblıkasy Ulttyq ulany Bas shtabynyń bastyǵy - qolbasshysynyń birinshi orynbasary qyzmetinde.

1995 jyly Qyrǵyzstannan Qazaqstanǵa aýysty. 1995-1998 jyldary motoatqyshtar dıvızııasynyń motoatqyshtar polkiniń komandıri, 23260 áskerı bóliminiń bólimshe ofıtseri, Almaty joǵary áskerı ýchılışesiniń taktıka kafedrasynyń oqytýshysy, QR Qarýly Kúshteri Áskerı akademııasynyń operatıvtik óner jáne taktıka kafedrasynyń aǵa oqytýshysy qyzmetterin atqardy.

1998 jyldyń mamyrynda ol armııa korpýsynyń tank dıvızııasy komandıriniń orynbasary bolyp taǵaıyndaldy.

2001 jyly RF Qarýly Kúshteri Bas shtabynyń Áskerı akademııasyn úzdik bitirip, Jedel josparlaý basqarmasynyń bastyǵy – QR Qarýly Kúshteri Bas shtaby bastyǵynyń jedel josparlaý jónindegi orynbasary bolyp taǵaıyndaldy.

2003 jyly - QR Qorǵanys mınıstrligi Bas shtab bastyǵynyń birinshi orynbasary - Jedel josparlaý departamentiniń bastyǵy qyzmetinde.

2003-2007 jyldary QR Qorǵanys mınıstriniń birinshi orynbasary-shtab bastyqtary komıtetiniń tóraǵasy qyzmetin atqarǵan. 2007-2008 jyldary «Ońtústik» óńirlik qolbasshylyǵynyń qolbasshysy.

ІІ dárejeli «Dańq» ordenimen (2005 j. mamyr), «Tótenshe jaǵdaılardyń aldyn alý jáne joıýdaǵy erekshelik úshin» medalimen (2008 j.) marapattalǵan.

43 jyl buryn (1980) Shymkent qalasy Qarjy basqarmasynyń basshysy Rýslan Baqytbekuly BAQTYBAEV dúnıege keldi.

1998-2002 jyldary Qyzylorda qalasyndaǵy Qorqyt ata atyndaǵy Memlekettik ýnıversıtetinde bilim aldy.

Eńbek joly: 200-2003 jyldary Shymkent qalasy ákiminiń ekonomıka jáne kásipkerlikti qoldaý basqarmasynyń operatory; 2003-2005 jyldary Shymkent qalasy ákimi Ekonomıka jáne kásipkerlikti qoldaý basqarmasynyń bıýdjettik josparlaý bóliminiń jetekshi mamany; 2005-2006 jyldary Shymkent qalasy Ekonomıka jáne bıýdjettik josparlaý bóliminiń ekonomıkalyq josparlaý jáne taldaý bóliminiń jetekshi mamany; 2006-2008 jyldary Shymkent qalasy Ekonomıka jáne bıýdjettik josparlaý bóliminiń ekonomıkalyq josparlaý jáne Investıtsııalyq saıasat sektorynyń bas mamany; 2008-2010 jyldary Shymkent qalasy Ekonomıka jáne bıýdjettik josparlaý bóliminiń ekonomıkalyq josparlaý jáne Investıtsııalyq saıasat sektorynyń meńgerýshisi; 2010-2011 jyldary Shymkent qalasy Ekonomıka jáne qarjy bóliminiń áleýmettik-ekonomıkalyq josparlaý jáne Investıtsııalyq saıasat sektorynyń meńgerýshisi; 2011-2018 jyldary Shymkent qalasy Ekonomıka jáne qarjy bólimi basshysynyń orynbasary qyzmetin atqardy.

Qazirgi laýazymyn 2018 jyldan beri atqaryp keledi.

23 jyl buryn (2000) qazaqstandyq dıdjeı, mýzykalyq prodıýser Imanbek Maratuly ZEIKENOV dúnıege keldi.

Pavlodar oblysynyń Aqsý qalasynda dúnıege keldi.

2019 jyly ol Saint Jhn-nyń «Roses ánine jasaǵan remıksi arqyly halyqaralyq deńgeıde tanymal bolyp, sol úshin «Gremmı-2021» mýzykalyq syılyǵyn aldy. I.Zeıkenov - Qazaqstannan Gremmı alǵan alǵashqy mýzykant, sondaı-aq TMD jáne burynǵy KSRO elderinde klassıkalyq emes mýzyka kategorııasynda Gremmı syılyǵyn alǵan alǵashqy mýzykant boldy.

88 jyl buryn (1935-2012) Keńes úkimeti jáne qazaqtyń iri ǵylymı qyzmetkeri, Munaı jáne gaz geologııasy ǵylymnyń kórnekti qaıratkeri, QR Memlekettik syılyǵynyń laýreaty Edgard Slavomırovıch VOTsALEVSKII dúnıege kelgen.

1959 jyly Groznyı munaı ınstıtýtyn bitirgen.

Eńbek joly: 1959-1978 jyldary Qazaq munaı geologııalyq barlaý ǵylymı-zertteý ınstıtýtynyń aǵa laboranty, ǵylym qyzmetkeri, laboratorııa meńgerýshisi, ınstıtýt dırektorynyń orynbasary, 1978-1991 jyldary Qazaqstannyń eń iri munaı barlaý mekemeleriniń – «Qazmunaıgazbarlaý» basqarmasynyń, «Qazmunaıgazgeologııa», «Gýrevmunaıgazgeologııa» birlestikteriniń, «Kaspııgeologııa» basqarmasynyń bas geology, 1991 jyldan Qazaqstan Ǵylymı Akademııasynyń Geologııa ǵylymdary ınstıtýtynyń bas ǵylymı qyzmetkeri boldy. Onyń negizgi ǵylymı-zertteý jumystary Qazaqstannyń munaı jáne gaz qorlaryn boljaýǵa, izdeýge, barlaýǵa arnalǵan.

«Munaıshy» QQ múshesi, «Munaıshy» QQ redaktsııalyq-baspa keńesiniń múshesi, KSRO Memlekettik syılyǵynyń laýreaty, «Eńbek Qyzyl Tý», «Parasat» ordenderimen, ár túrli medaldarmen marapattalǵan.