21 qarashadan UBT-ǵa daıyndaıtyn tegin sabaqtar bastalady
Іri respýblıkalyq bilim berý ortalyqtarymen birlese ázirlengen onlaın sabaqtar olardyń YouTube arnalarynda tikeleı efırde ótkiziledi. Onlaın sabaqtardyń barlyq efıri talapkerler kez-kelgen ýaqytta kóre alaýy úshin saqtalady.
«Ǵylym jáne joǵary bilim mınıstrligi testileý kezinde ǵana emes, onyń bastalýyna deıin de qolaıly jaǵdaı jasaý úshin jumys júrgizip jatyr. Túlekterdiń UBT-ǵa daıyndyǵyn Ulttyq testileý ortalyǵy bilim berý ortalyqtarymen birlesip úshinshi jyl ótkizip otyr. Ótken jyly 500 saǵatqa jýyq onlaın sabaq ótkizildi. Oǵan elimizdiń barlyq óńirleriniń mektep túlekteri qatysty. Olar UBT pánderi boıynsha daıyndyqtan ótti. Bıyl 8 ortalyq sabaq beredi. Joba bıýdjet qarajatyn jumsamaı iske asyrylǵanyn atap ótkim keledi», – dedi QR ǴJBM Ulttyq testileý ortalyǵynyń dırektory Rýslan Emelbaev.
Osylaısha, Ulttyq testileý ortalyǵy men iri bilim berý ortalyqtary túlekterge emtıhanǵa sátti daıyndalýǵa kómektesedi. Talapkerlerge arnalǵan onlaın-sabaqtar osy oqý jylynyń sońyna deıin jalǵasady.
Sonymen qatar Ulttyq testileý ortalyǵy UBT-ǵa daıyndyq úshin tegin onlaın testileýdi iske qosty. Baıqaý synaǵyn ótkizý tehnologııasy negizgi UBT tehnologııasyna sáıkes keledi. ıAǵnı, qazirdiń ózinde talapkerlerge bıyl IT-mamandyqqa túsý úshin mindetti bolyp tabylatyn «Matematıka-Informatıka» pánderiniń kombınatsııasy qoljetimdi.
Buǵan qosa bolashaq stýdentter test tapsyrmalarynyń ózgertilgen qurylymymen tanysa alady.
