21 qarasha. Tulǵalar týǵan kún

Búgin, 21 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.  

ESІMDER

60 jyl buryn (1963) «Astana» qarjy ortalyǵy ákimshiligi» AQ Atqarýshy keńsesiniń keńesshisi Qaırat Medibaıuly ÁITEKENOV dúnıege keldi.

Qostanaı qalasynda dúnıege kelgen. 1985 jyly Almaty halyq sharýashylyq ınstıtýtyn eńbek ekonomıkasy mamandyǵy boıynsha támamdaǵan. 1997 jyly QR Prezıdentiniń janyndaǵy memlekettik basqarýdyń Ulttyq joǵary mektebin memlekettik basqarý mamandyǵy boıynsha bitirgen. Qazaq, orys, nemis, frantsýz tilderin meńgergen.

1993-1996 jyldary Qostanaı oblysynyń basqarý organdarynda qyzmet etken. 1997-1998 jyldary QR Strategııalyq josparlaý jáne reformalar agenttiginde jumys istedi. 1998-2002 jyldary aralyǵynda QR Qorshaǵan ortany qorǵaý mınıstrliginiń qurylymynda qyzmet etken, Qorshaǵan ortany qorǵaý komıtetin basqarǵan. 2003-2006 jyldary QR Ekonomıka jáne bıýdjettik josparlaý vıtse-mınıstri. 2006-2007 jyldary QR Týrızm jáne sport vıtse-mınıstri boldy. 2007 jyldan bastap «Qazyna» ornyqty damý qory» AQ Memlekettik organdarmen jumys jáne operatsııalyq qyzmetter jónindegi basqarmasy tóraǵasynyń orynbasary bolyp qyzmet atqardy. 2008 jylǵy qarashadan bastap «Samuryq-Qazyna» UÁQ» AQ-nyń basqarýshy dırektory - basqarma múshesi bolyp taǵaıyndaldy. Sondaı-aq «Damý» kásipkerlikti damytý qory Dırektorlar keńesiniń tóraǵasy laýazymyn atqarǵan.

«Qurmet» ordenimen, memlekettik medaldarmen marapattalǵan. Jer qoınaýyn paıdalanýdyń salyq salý, klasterlik damý máseleleri boıynsha ǵylymı jarııalanymdary bar. Qazaqstannyń 2030 jylǵa deıingi damý strategııasyn ázirleýge qatysqan.

53 jyl buryn (1970) qazaqstandyq kásipker, qoǵam qaıratkeri, metsenat, «Raimbek Group» holdıngi dırektorlar keńesiniń tóraǵasy, «Atameken» Ulttyq kásipkerler palatasy prezıdıýmynyń tóraǵasy Raıymbek Ánýaruly BATALOV dúnıege keldi.

Almaty qalasynda týǵan. Qazaq memlekettik sáýlet-qurylys akademııasyn bitirgen.

1992-1998 jyldary – «Raıymbek» kompanııasy dırektorynyń orynbasary, bas dırektory. 1998-2004 jyldary «Raıymbek» kompanııasynyń prezıdenti, «Raıymbek» kompanııalar toby Dırektorlar keńesiniń tóraǵasy, «Raimbek Group» JShS prezıdenti qyzmetterin atqarǵan. 2001-2003 jyldary QR Prezıdenti janyndaǵy Kásipkerler keńesiniń múshesi, «Atameken» Odaǵy» Ulttyq Ekonomıkalyq palatasynyń Basqarma múshesi (2007 jyldan), 2014 jyldan bastap – Qazaqstan velosport federatsııasynyń birinshi vıtse-prezıdenti, Astana Proteam kásibı velokomandasynyń qamqorshylyq keńesiniń tóraǵasy, «Almaty haıýanattar baǵyna áleýmettik kómek» qorynyń qamqorshylyq keńesiniń basshysy, Marat Bısenǵalıevtiń basqarýyndaǵy Almaty sımfonııalyq orkestriniń «Dostar klýbynyń» múshesi.

Qazaqstan metsenattar klýbynyń ádebıet, ǵylym, óner jáne aǵartý salasyndaǵy táýelsiz syılyǵynyń quryltaıshysy.

46 jyl buryn (1977) Almaty oblysy ákiminiń orynbasary Almas Sultanuly BATANOV dúnıege keldi.

Almatyda dúnıege kelgen. 2000 jyly Qazaq memlekettik agrarlyq ýnıversıtetin «agroónerkásip keshenindegi aqparattaý júıesi» mamandyǵy boıynsha, 2004 jyly Almaty tehnologııalar jáne bıznes ýnıversıtetin «standarttaý jáne sertıfıkattaý» mamandyǵy boıynsha, 2010 jyly Ulybrıtanııada Nottıngem ýnıversıtetin «aqparattyq tehnologııalar menedjmenti» mamandyǵy boıynsha bitirgen.

Eńbek jolyn 2000 jyly «Metrologııa» RMK Almaty fılıalynyń jetekshi mamany bolyp bastaǵan.

Ár jyldary «Qazaqstan metrologııa ınstıtýty» RMK Ońtústik Qazaqstan fılıalynyń jetekshi mamany, «QazInMetr» RMK Ońtústik Qazaqstan fılıalynyń bas mamany, bólim, basqarma bastyǵy, «QazInMetr» RMK ortalyǵynyń basshysy, «Ekonomıkalyq zertteý ınstıtýty» AQ bas menedjeri - bas sarapshysy, QR Prezıdenti Ákimshiliginiń sarapshysy, konsýltanty, referenti, QR Óńirlik damý mınıstrliginiń departament dırektory, QR Premer-Mınıstri Birinshi Orynbasarynyń keńesshisi, QR Ulttyq ekonomıka mınıstrligi Statıstıka komıteti tóraǵasynyń orynbasary, QR Premer-Mınıstri Keńsesi basshysynyń orynbasary, QR Investıtsııalar jáne damý mınıstrliginiń komıtet tóraǵasy boldy.

Sondaı-aq QR Prezıdenti Ákimshiliginiń basshysy hatshylyǵynyń meńgerýshisi, Pavlodar oblysy ákiminiń orynbasary, Almaty qalasy strategııa jáne bıýdjet basqarmasynyń basshysy, Almaty qalasy qarjy basqarmasynyń basshysy laýazymdaryn atqarǵan.

2022-2023 jyldary Almaty oblysynyń jolaýshylar kóligi jáne avtomobıl joldary basqarmasynyń basshysy laýazymynda boldy.

Qazirgi qyzmetin 2023 jyldyń mamyr aıynan beri atqaryp keledi.

42 jyl buryn (1981) Astana qalasy Bilim basqarmasynyń basshysy Qasymhan Senǵazyuly SENǴAZYEV dúnıege keldi.

Almaty qalasynda dúnıege kelgen.

2007 jyly Abaı atyndaǵy Qazaq ulttyq pedagogıkalyq ýnıversıtetin («bastapqy áskerı daıyndyq jáne dene shynyqtyrý» mamandyǵy boıynsha), 2009 jyly T.Rysqulov atyndaǵy Qazaq ekonomıkalyq ýnıversıtetin («menedjment» mamandyǵy boıynsha) támamdady.

Eńbek joly: 2002-2005 jyldary Almaty qalasynyń jáne Almaty oblysynyń mektepterinde muǵalim bolyp eńbek etti; 2005-2008 jyldary Almaty qalasynyń jeke qurylymdarynda qyzmet etti; 2008-2011 jyldary Astana qalasyndaǵy №21 orta mekteptiń dırektory; 2011-2013 jyldary Astana qalasyndaǵy №49 orta mekteptiń dırektory; 2013-2016 jyldary Astana qalasy Bilim basqarmasy basshysynyń orynbasary; 2016 jyly Astana qalasy «Almaty» aýdany ákiminiń orynbasary; 2016-2017 jyldary Astana qalasy Bilim basqarmasynyń basshysy. 2017-2021 jyldary Astana qalasyndaǵy Polıtehnıkalyq kolledjiniń jetekshisi.

Qazirgi qyzmetin 2021 jyldyń jeltoqsan aıynan beri atqaryp keledi.

36 jyl buryn (1987) Mańǵystaý oblysynyń memlekettik sáýlet-qurylys baqylaýy basqarma basshysy Dáýren Talapuly ÓTEPQALI dúnıege keldi.

Mańǵystaý oblysy, Qaraqııa aýdany, Quryq kentinde dúnıege keldi. 2009 jyly T. Rysqulov atyndaǵy Qazaq ekonomıkalyq ýnıversıtetin bitirgen, 2013-2016 jyldary Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetinde bilim alǵan.

Eńbek joly: 2010-2011 jyldary Mańǵystaý oblysynyń memlekettik sáýlet-qurylys baqylaý basqarmasynda úlestik qurylysty retteý bóliminiń bas mamany, ákimshilik-quqyqtyq bóliminiń bas mamany, ákimshilik-quqyqtyq bólimi bastyǵynyń m.a.; 2011-2012 jyldary QR Qurylys jáne turǵyn úı-kommýnaldyq sharýashylyq isteri agenttiginiń Mańǵystaý oblysy boıynsha memlekettik sáýlet-qurylys baqylaý jáne lıtsenzııalaý departamentinde ákimshilik-quqyqtyq bóliminiń jetekshi mamany, 2012-2013 jyldary QR Qurylys jáne turǵyn úı-kommýnaldyq sharýashylyq isteri agenttiginiń Mańǵystaý oblysy boıynsha memlekettik sáýlet-qurylys baqylaý jáne lıtsenzııalaý departamenti, ákimshilik-quqyqtyq bóliminiń basshysy; 2013-2015 jyldary

QR Óńirlik damý mınıstrligi Qurylys jáne turǵyn úı-kommýnaldyq sharýashylyq isteri Komıtetiniń Mańǵystaý oblysy boıynsha memlekettik sáýlet-qurylys baqylaý jáne lıtsenzııalaý departamentinde ákimshilik-quqyqtyq bóliminiń basshysy, 2015-2018 jyldary Mańǵystaý oblysynyń memlekettik sáýlet-qurylys baqylaýy basqarmasy ákimshilik-quqyqtyq bóliminiń basshysy; 2018-2019 jyldary Mańǵystaý oblysynyń memlekettik sáýlet-qurylys baqylaýy basqarmasy lıtsenzııalaý jáne attestattaý bóliminiń basshysy; 2019-2020 jyldary Mańǵystaý oblysynyń qala qurylysyn jáne jerdi baqylaý basqarmasynda lıtsenzııalaý jáne attestattaý bóliminiń basshysy; 2020-2022 jyldary Mańǵystaý oblysynyń qala qurylysyn jáne jerdi baqylaý basqarmasy basshysynyń orynbasary; 2022 jyly QR Aýyl sharýashylyǵy mınıstrliginiń Jer resýrstaryn basqarý komıteti Mańǵystaý oblysynyń jer resýrstaryn basqarý departamenti basshysynyń orynbasary.

Qazirgi qyzmetin 2022 jyldyń mamyr aıynan bastap atqaryp keledi.