21 qarasha. Týǵan kún ıeleri

ESІMDER

57 jyl buryn (1961) Energetıkalyq hartııa Bas hatshysynyń arnaıy ókili (2015 jyldan bastap), Vengrııanyń Qazaqstan Respýblıkasyndaǵy Qurmetti konsýly (2016 jyldan bastap) Janbolat Jaqııauly SÁRSENOV dúnıege keldi.

Ońtústik Qazaqstan oblysynda týǵan.

I.I.Mechnıkov atyndaǵy Sankt-Peterbýrg memlekettik medıtsınalyq akademııasyn «densaýlyq saqtaý júıesi uıymdastyrý jáne basqarý» mamandyǵy boıynsha (1982), Kıev dárigerlerdi jetildirý ınstıtýtynyń ordınatýrasy men aspırantýrasynda oqýyn jalǵastyrǵan («zertteýshi dáriger», 1992); T.Rysqulov atyndaǵy Qazaq ekonomıkalyq ınstıtýtyn «Memlekettik jáne jergilikti basqarý» mamandyǵy boıynsha (2003), Eýrazııa Ulttyq ýnıversıtetiniń Dıplomatııalyq akademııasyn «Halyqaralyq qatynastar» mamandyǵy boıynsha bitirgen (2005). Eni Corporate University «Master of Retroleum Businesses» mamandyǵy boıynsha daıyndyqtan ótken. 90-jyldary birqatar kásipkerlik qurylymdardy basqarǵan. "Munaı jáne gaz tasymaly" UK" AQ jáne "QazMunaıGaz" UK" AQ júıesinde ártúrli jaýapty qyzmetter atqarǵan. 2003 jylǵa deıin «QazMunaıGaz» UK" AQ-tyń kólik ınfraqurylymy jáne qyzmettik jobalar boıynsha atqarýshy dırektory. 2003-2004 jyldary - «QazMunaıGaz» saýda úıi" JAQ-tyń bas dırektory. 2004-2005 jyldary «KazRosGaz» AQ bas dırektory. 2005 jyldyń maýsym-jeltoqsanynda - «QazMunaıGaz» UK" AQ apparat basshysy. 2005 jyldyń jeltoqsanynda "KAZENERGY" munaı-gaz jáne energetıka kesheni uıymdarynyń qazaqstandyq assotsıatsııasy" ZTB-nyń bas dırektory bolyp taǵaıyndaldy.

48 jyl buryn (1970) qazaqstandyq kásipker, metsenat, «Raimbek Group» holdıngi kompanııalary Dırektorlar keńesiniń tóraǵasy Raıymbek Ánýaruly BATALOV dúnıege keldi.

Almaty qalasynda týǵan. Qazaq memlekettik sáýlet-qurylys akademııasyn bitirgen.

1992-1998 jyldary - «Raıymbek» kompanııasy dırektorynyń orynbasary, bas dırektory. 1998-2004 jyldary -- «Raıymbek» kompanııasynyń prezıdenti, «Raıymbek» kompanııalar toby Dırektorlar keńesiniń tóraǵasy, «Raimbek Group» JShS prezıdenti qyzmetterin atqarǵan. 2001-2003 jyldary Qazaqstan Respýblıkasy Prezıdenti janyndaǵy Kásipkerler keńesiniń múshesi bolǵan. 2004 jyldan - qazirgi qyzmetinde.

41 jyl buryn (1977) QR IDM Indýstrııalyq damý jáne ónerkásiptik qaýipsizdik komıtetiniń tóraǵasy Almas Sultanuly BATANOV dúnıege keldi.

Almaty qalasynda dúnıege kelgen. 2000 jyly Qazaq memlekettik agrarlyq ýnıversıtetin támamdaǵan. 2004 jyly - Almaty tehnologııalar jáne bıznes ýnıversıtetin «Standarttaý jáne sertıfıkattaý» mamandyǵy boıynsha aıaqtaǵan. 2010 jyly «Bolashaq» baǵdarlamasy boıynsha Nottıngem ýnıversıtetinde (Ulybrıtanııa) oqyp, aqparattyq tehnologııalar menedjmenti magıstri dárejesin alǵan.

Eńbek jolyn «Metrologııa» RMK Almaty bólimshesiniń jetekshi mamany retinde bastaǵan. 2000-2009 jyldary Qazaqstan metrologııa ınstıtýtynda ártúrli laýazymdarda jumys istegen. 2011-2013 jyldary - Ekonomıkalyq zertteýler ınstıtýtynyń bas sarapshysy; QR Prezıdenti Ákimshiliginiń Strategııalyq zertteýler jáne taldaý ortalyǵynyń referenti, sarapshysy, keńes berýshisi. 2013 jyldan bastap 2014 jylǵa deıin QR Óńirlik damý mınıstrliginiń Óńirlik monıtorıng jáne baǵalaý departamentiniń dırektory bolyp qyzmet atqarǵan. 2014-2016 jyldary - QR Premer-Mınıstriniń birinshi orynbasarynyń keńesshisi bolyp jumys istegen. 2016 jyly Qazaqstan Respýblıkasy Ulttyq ekonomıka mınıstrliginiń Statıstıka komıteti tóraǵasynyń orynbasary bolǵan. 2016 jylǵy jeltoqsan aıynan bastap QR Premer-Mınıstriniń Keńsesi basshysynyń orynbasary bolyp qyzmet atqarǵan.

Qazirgi qyzmetinde - 2018 jyldyń aqpan aıynan bastap.

39 jyl buryn (1979) «Aýyl sharýashylyǵyn qarjylaı qoldaý qory» AQ Basqarma tóraǵasynyń orynbasary Dýman Ryspekuly OSPANOV dúnıege keldi.

Shyǵys Qazaqstan oblysynda týǵan. 2000 jyly Memlekettik qarjy ınstıtýtyn «Qarjyger-ekonomıst» mamandyǵy boıynsha; 2006 jyly Qazaq quqyqtaný jáne halyqaralyq qatynastar ınstıtýtyn «Zańger» mamandyǵy boıynsha támamdady.

Kásibı qyzmetin 2001 jyly «Qazaqstannyń Naýryz banki» AQ nesıeleý mamany bolyp bastady. 2002 jyldan 2010 jylǵa deıin banktik qurylymdarda aýdıtor, nesıeleý boıynsha maman, problemalyq qaryzdar jónindegi bólim basshysy bolyp qyzmet atqardy. 2010-2012 jyldary - "Astana-Qarjy" lızıngtik kompanııasy" AQ basqarma basshysy; 2012-2013 jyldary - "Maksımým" aımaqtyq ınvestıtsııalyq ortalyǵy" JShS bas dırektorynyń orynbasary; 2014-2016 jyldary - "Astana-Qarjy" lızıngtik kompanııasy" AQ táýekelderdi basqarý basqarmasynyń basshysy, problemalyq jobalarmen jumys jónindegi departamentiniń dırektory. 

Qazirgi qyzmetinde - 2016 jyldyń qarasha aıynan bastap.