21 qarasha kúni Qazaqstanda bolatyn mańyzdy oqıǵalarǵa sholý
Saǵat 10.00-de «Úkimet úıinde» Úkimette otyrys ótedi. Kún tártibinde eksport saıasatyn ońtaılandyrý, áleýmettik-eńbek salasyn tsıfrlandyrý suraqtary tur. Keıin Investıtsııalar jáne damý mınıstrligi ókiliniń qatysýymen QR Úkimetiniń aqparattyq kommýnıkatsııa ortalyǵynda baspasóz máslıhaty ótedi.
Saǵat 10.00-de Ana men bala ulttyq ǵylymı ortalyǵynda «Bala men densaýlyq» atty pikirtalas ótedi. Bul Dúnıejúzilik balalar kúni aıasynda ótip jatqan aptalyq aıasynda uıymdastyrylatyn shara.
10.30-da «Turan-Astana» ýnıversıtetinde respýblıkalyq ǵylymı-tájirıbelik semınar ótedi. Semınar «Turan-Astana» ýnıversıtetiniń 20 jyldyǵyna arnalǵan. Taqyryby: «Interaktıvti tehnologııany paıdalaný - týrızmdi damytý kepili».
11.30-da Rixos President Astana qonaqúıinde sán maýsymynyń basty jańalyǵy Kazakhstan Fashion Week Astana ótedi. Sán aptalyǵynyń basty taqyryby: : «Eko Fashion-Ómir qýaty».
12:20-da Ortalyq kommýnıkatsııalar qyzmetinde aýyl sharýashylyǵy keshenindegi básekelestikti arttyrý maqsatynda ǵylymdy damytýǵa arnalǵan baspasóz máslıhaty ótedi.
15:30-da Senatta Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysy ótedi. Otyrysta «Eýrazııalyq ekonomıkalyq odaq Kedendik kodeksi týraly kelisimshartty ratıfıkatsııalaý týraly» Zań jobasy talqylanady.
15.45-te úkimettik emes uıymdarǵa premııa beriledi. Premııa respýblıkalyq, salalyq, aımaqtyq deńgeıde áleýmettik tapsyrmalardy oryndaǵan ÚEU ókilderine beriledi.
16:20-da Ortalyq kommýnıkatsııalar qyzmetinde azamattyq qorǵanys organdarynyń qysqy maýsymǵa daıyndyǵy týraly aıtylady.
Aqtóbe oblysy
11.30-da «Aqtóbe aqparat» ortalyǵynda Aqtóbe oblystyq ekonomıka jáne bıýdjettik josparlaý basqarmasynyń basshysy Oljas Smaǵulovtyń qatysýmen baspasóz konferentsııasy ótedi. Baspasóz konferentsııasynda 10 aı ishinde atqarylǵan jumystarynyń qorytyndylanady.
Batys Qazaqstan oblysy
15.00 Batys Qazaqstan oblysyna «Nur Otan» partııasy tóraǵasynyń birinshi orynbasary Muhtar Qul-Muhammed barady. Partııa tóraǵasynyń birinshi orynbasary memlekettik baǵdarlamalardyń oryndalýymen tanysady.
Ońtústik Qazaqstan oblysy
Saǵat 07.00-de OQO Elbasynyń «Bolashaqqa baǵdar: rýhanı jańǵyrý» baǵdarlamasynyń «Daryndylar eli» kishi jobasy aıasynda Maqtaral aýdanynyń bilim uıymdaryna press týr uıymdastyrylady.
