21 qarasha. Kazinform kúntizbesi. Tulǵalar týǵan kún

Búgin, 21 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

kalendar kúntizbe
Foto: Kazinform

Janbolat SÁRSENOV, «KAZENERGY» qaýymdastyǵy tóraǵasynyń orynbasary

1961 jyly Shymkent qalasynda dúnıege kelgen. 1985 jyly I.I.Mechnıkov atyndaǵy Sankt-Peterbýrg memlekettik medıtsına akademııasyn, 2003 jyly T. Rysqulov atyndaǵy Qazaq ekonomıkalyq ınstıtýtyn memlekettik jáne jergilikti basqarý mamandyǵy boıynsha, 2005 jyly L.N.Gýmılev atyndaǵy Eýrazııa ulttyq ýnıversıtetiniń Dıplomatııalyq akademııasyn halyqaralyq qatynastar mamandyǵy boıynsha támamdaǵan.

Eńbek joly: 1978 jyly Shymkent oblystyq aýrýhanasynda qyzmet atqardy. 1987-1994 jyldary Ólkelik patologııa ǵylymı-zertteý ınstıtýtynda ǵylymı qyzmetker, 1994-1995 jyldary «Hrom» shaǵyn kásiporny bas dırektorynyń orynbasary, 1995-1998 jyldary «Best» JShS dırektorynyń orynbasary, 1998-1999 jyldary «Fırma Aktsept» JShS, 1999-2001 jyldary «MS Falcon» JShS bas dırektory boldy. 2002 jyly «Munaı men gazdy tasymaldaý» UK» AQ-nyń atqarýshy dırektory ári aqparattyq-taldaý departamentiniń dırektory, 2002-2003 jyldary «QazMunaıGaz» UK» AQ-nyń kólik ınfraqurylymy jáne servıstik jobalar jónindegi atqarýshy dırektory qyzmetin atqardy. 2003-2004 jyldary «QazMunaıGaz» saýda úıi» AQ, 2004-2005 jyldary «QazRosGaz» AQ birlesken kásipornynyń bas dırektory, 2005 jylǵy maýsym-jeltoqsan aralyǵynda «QazMunaıGaz» UK» AQ prezıdenti apparatynyń basshysy, 2005 jylǵy jeltoqsannan 2012 jylǵy qarashaǵa deıin «KAZENERGY» munaı-gaz jáne energetıka kesheni uıymdarynyń qazaqstandyq qaýymdastyǵy ZTB bas dırektory boldy. 2012 jylǵy qarashadan 2016 jylǵy mamyrǵa deıin qaýymdastyq tóraǵasynyń orynbasary qyzmetin atqardy. 2016 jylǵy mamyrdan 2017 jylǵy shildege deıin «Atameken» Ulttyq kásipkerler palatasy Prezıdıýmy janyndaǵy Farmatsevtıka, medıtsına ónerkásibi jáne medıtsınalyq qyzmetter komıtetiniń tóraǵasy boldy. 2017 jyly Dúnıejúzilik munaı keńesiniń Marketıng jónindegi vıtse-prezıdenti ári Atqarýshy komıtetiniń múshesi bolyp taǵaıyndaldy.

2010 jyly «Qurmet» ordenimen, 2015 jyly «Parasat» ordenimen marapattalǵan. Sondaı-aq 2005 jyly «Qazaqstan Respýblıkasy Konstıtýtsııasyna 10 jyl», 2008 jyly «Astanaǵa 10 jyl», 2009 jyly «Atameken» I dárejeli, 2011 jyly «Qazaqstan Respýblıkasynyń táýelsizdigine 20 jyl» jáne 2016 jyly «Qazaqstan Respýblıkasynyń táýelsizdigine 25 jyl» medaldaryn alǵan.

Raıymbek BATALOV, QR Prezıdentiniń kásipkerlikti damytý máseleleri jónindegi shtattan tys keńesshisi, Raimbek Group holdınginiń negizin qalaýshy ári dırektorlar keńesiniń tóraǵasy

1970 jyly Almaty qalasynda dúnıege kelgen. Qazaq memlekettik sáýlet-qurylys akademııasyn ınjener-qurylysshy mamandyǵy boıynsha támamdaǵan.

Eńbek joly: 1992-1998 jyldary «Raıymbek» kompanııasynyń bas dırektory boldy. 1998 jyldan bastap «Raimbek Group» JShS prezıdenti. 2004 jyldan beri «Aınalaıyn» sútin, «Djýsı» shyryndaryn jáne basqa da ónimderdi shyǵaratyn Raimbek Food (Xinjiang) Co Ltd kompanııasynyń prezıdenti. 2007 jyldan bastap «Atameken» odaǵy Ulttyq ekonomıkalyq palatasy basqarmasynyń múshesi. 2014 jyly Qazaqstan Velosport federatsııasynyń birinshi vıtse-prezıdenti qyzmetin atqardy.

Qazirgi qyzmetin 2026 jylǵy aqpannan beri atqaryp keledi.

Dýman OSPANOV, Abaı oblysy ákiminiń orynbasary

1979 jyly Shyǵys Qazaqstan oblysynda dúnıege kelgen. 2000 jyly Semeı memlekettik qarjy ınstıtýtyn qarjyger-ekonomıst mamandyǵy boıynsha, 2006 jyly Pavlodar qalasyndaǵy Qazaq quqyqtaný jáne halyqaralyq qatynastar ınstıtýtyn zańger mamandyǵy boıynsha támamdaǵan.

Eńbek joly: 2001-2002 jyldary Semeı qalasyndaǵy «Naýryz Bank Qazaqstan» AQ-da kredıtteý jónindegi maman boldy. 2002-2010 jyldary bank qurylymdarynda aýdıtor, kredıtteý jónindegi maman jáne basshylyq qyzmetter atqardy. 2010-2012 jyldary Astana qalasyndaǵy «Astana-Fınans» lızıngtik kompanııasy» AQ basqarmasynyń bastyǵy, 2012-2013 jyldary Shymkent qalasyndaǵy «Óńirlik ınvestıtsııalyq ortalyq» JShS bas dırektorynyń orynbasary boldy. 2014-2016 jyldary «Astana-Fınans» lızıngtik kompanııasy» AQ-da táýekelderdi basqarý qyzmetiniń basshysy, problemalyq jobalarmen jumys jónindegi departament dırektory qyzmetin atqardy. 2016-2021 jyldary «Aýyl sharýashylyǵyn qarjylaı qoldaý qory» AQ basqarma tóraǵasynyń orynbasary, 2021-2022 jyldary «Agrarlyq nesıe korporatsııasy» AQ basqarýshy dırektory, 2022-2025 jyldary «QazAgroQarjy» AQ basqarýshy dırektory boldy.

Qazirgi qyzmetin 2025 jylǵy qazannan beri atqaryp keledi.

Qasymhan SENǴAZYEV, Astana qalasy Bilim basqarmasynyń basshysy

1981 jyly Almaty qalasynda dúnıege kelgen. 2007 jyly Abaı atyndaǵy Qazaq ulttyq pedagogıkalyq ýnıversıtetin alǵashqy áskerı jáne dene shynyqtyrý daıarlyǵy pániniń muǵalimi mamandyǵy boıynsha, 2009 jyly T.Rysqulov atyndaǵy Qazaq ekonomıkalyq ýnıversıtetin menedjment mamandyǵy boıynsha támamdaǵan. 2017 jyly «Qarjy akademııasy» AQ-da ekonomıka jáne bıznes magıstri dárejesin alǵan.

Eńbek joly:2002-2005 jyldary Almaty oblysy men Almaty qalasyndaǵy mektepterde muǵalim boldy. 2005-2008 jyldary Almaty qalasyndaǵy jekemenshik uıymdarda qyzmet atqardy. 2008-2011 jyldary Astana qalasy Bilim basqarmasyna qarasty №21 orta mekteptiń, 2011-2013 jyldary №49 orta mekteptiń dırektory boldy. 2013-2016 jyldary Astana qalasy Bilim basqarmasy basshysynyń orynbasary, 2016 jyly Astana qalasynyń Almaty aýdany ákiminiń orynbasary qyzmetin atqardy. 2016-2017 jyldary Astana qalasy Bilim basqarmasyn basqardy. 2017-2021 jyldary Astana qalasyndaǵy Polıtehnıkalyq kolledjdiń dırektory boldy.

Qazirgi qyzmetin 2021 jylǵy jeltoqsannan beri atqaryp keledi.

Dáýren ÓTEPQALI, Mańǵystaý oblysynyń memlekettik sáýlet-qurylys baqylaýy basqarmasynyń basshysy

1987 jyly Mańǵystaý oblysynda dúnıege kelgen. 2009 jyly T. Rysqulov atyndaǵy Qazaq ekonomıkalyq ýnıversıtetin, 2013-2016 jyldary Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetin támamdaǵan.

Eńbek joly: 2010-2011 jyldary Mańǵystaý oblysynyń memlekettik sáýlet-qurylys baqylaý basqarmasynda úlestik qurylysty retteý bóliminiń bas mamany, ákimshilik-quqyqtyq bólimniń bas mamany, osy bólim basshysynyń mindetin atqarýshy qyzmetterin atqardy. 2010-2013 jyldary Sh.Esenov atyndaǵy Kaspıı memlekettik tehnologııalar jáne ınjınırıng ýnıversıteti. 2011-2012 jyldary QR Qurylys jáne turǵyn úı-kommýnaldyq sharýashylyq isteri agenttiginiń Mańǵystaý oblysy boıynsha memlekettik sáýlet-qurylys baqylaý jáne lıtsenzııalaý departamentinde ákimshilik-quqyqtyq bólimniń jetekshi mamany, 2012-2013 jyldary osy bólimniń basshysy boldy. 2013-2015 jyldary QR Óńirlik damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń Mańǵystaý oblysy boıynsha memlekettik sáýlet-qurylys baqylaý jáne lıtsenzııalaý departamentinde ákimshilik-quqyqtyq bólimniń basshysy boldy. 2015-2018 jyldary Mańǵystaý oblysynyń memlekettik sáýlet-qurylys baqylaý basqarmasynyń ákimshilik-quqyqtyq bólimin, 2018-2019 jyldary lıtsenzııalaý jáne attestattaý bólimin basqardy. 2019-2020 jyldary Mańǵystaý oblysynyń qala qurylysy jáne jer baqylaýy basqarmasynyń lıtsenzııalaý jáne attestattaý bóliminiń basshysy, 2020-2022 jyldary osy basqarma basshysynyń orynbasary qyzmetin atqardy. 2022 jyly QR Aýyl sharýashylyǵy mınıstrligi Jer resýrstaryn basqarý komıtetiniń Mańǵystaý oblysy boıynsha jer resýrstaryn basqarý departamenti basshysynyń orynbasary boldy.

Qazirgi qyzmetin 2022 jylǵy mamyrdan beri atqaryp keledi.