21 qańtarǵa arnalǵan aýa raıy boljamy
ASTANA. 20 qańtar. QazAqparat - 21 qańtar kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıy turaqsyz bolady, jer-jerlerde qar, qatty jel men boran soǵady, jekelegen aýdandarda tuman, kóktaıǵaq oryn alady, respýblıkanyń batysynda ǵana aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Aqmola oblysynda jel 17-22 m/s-qa kúsheıedi, boran soǵyp, keı jerlerde uıtqyǵan jel ekpini 30 m/s-qa jetedi. Almaty oblysynyń jer-jerlerinde tuman, kóktaıǵaq bolady, jeldiń kúshi 17-22 m/s-qa jetedi. Jalańashkól aýdanynda jel ekpini 18-23 m/s bolyp, keı jerlerde sekýndyna 28 metrge deıin jel kúsheıedi. Shyǵys Qazaqstan oblysynyń keıbir jerlerinde jel 18-33 m/s bolyp, ekpini 30 m/s-ke deıin jetedi. Pavlodar oblysynda burqasyn, keı jerlerde jel 17-22 m/s-qa deıin kúsheıedi, keıbir aımaqtarynda jel ekpini 30 m/s-qa jetýi múmkin. Qaraǵandy oblysynyń keı jerlerinde jel 15-20 m/s-qa kúsheıse, túnde boranmen qosa uıtqyǵan jel 25 m/s-qa jetedi. Soltústik Qazaqstanda, túnde Mańǵystaý oblystarynda burqasyndatyp, jeldiń kúshi 15-20 m/s-qa deıin jetedi. Aqtóbe, Qostanaı oblystarynyń jer-jerlerinde boran soǵyp, jel 15-22 m/s-qa kúsheıedi, túnde jáne tańerteń tuman túsedi. Jambyl, Ońtústik Qazaqstan oblystardyń keı jerlerinde tuman, kóktaıǵaq, jeldiń kúshi 15-20 m/s bolady. Qyzylorda oblysynyń keıbir jerlerinde kóktaıǵaq bolady.
