21 qańtarda Qazaqstannyń basym bóliginde jel kúsheıip, burqasyn bolady - Qazgıdromet
ASTANA. QazAqparat - 21 qańtar kúni Qazaqstannyń basym bóligi frontaldy bólikterdiń yqpalynda bolǵandyqtan, qar, burqasyn, tuman, kóktaıǵaq bolyp, jeldiń kúsheıýi kútiledi, dep habarlaıdy "Qazgıdromet" RMK.
Tek respýblıkanyń batysynda aýa raıy jaýyn-shashynsyz bolady. Aqmola, Qostanaı oblystarynyń keı jerlerinde burqasyn, tuman, jeldiń 15-20 m/s deıin kúsheıýi kútiledi. Almaty oblysynyń keı jerlerinde tuman, kóktaıǵaq kútiledi, túnde Jalańashkól aýdanynda jeldiń kúshi 18-23 m/s bolady. Jambyl oblysynyń keı jerlerinde burqasyn, tuman, kóktaıǵaq bolyp, jel soǵady, onyń ekpini 18-23 m/s jetedi. Ońtústik Qazaqstan, Qyzylorda, Mańǵystaý, Atyraý oblystarynyń keı jerlerinde burqasyn, tuman, kóktaıǵaq kútiledi. Soltústik Qazaqstan oblysynyń keı jerlerinde burqasyn, tuman kútiledi, túnde keı jerlerinde, kúndiz basym bóliginde jel soǵady, onyń ekpini15-20 m/s bolady. Pavlodar, Shyǵys Qazaqstan oblystarynyń keı jerlerinde burqasyn bolady, jeldiń kúshi 15-20 m/s deıin jetedi. Qaraǵandy oblysynyń keı jerlerinde burqasyn, tuman bolady dep kútiledi, kúndiz 15-20 m/s jel soǵady.
