21 qańtarda Qazaqstanda aýa raıy qubylmaly bolady
ASTANA. QazAqparat - 21 qańtarda Qazaqstannyń barlyq aýmaǵynda qubylmaly aýa raıy saqtalady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, dúısenbi elimizde atmosferalyq aǵyndardyń ótýine baılanysty jaýyn-shashyn jaýady, tek ońtústik-batysta kún raıy ashyq bolady. Elimizdiń keı jerlerinde tuman, kóktaıǵaq, jaıaý burqasyn, jeldiń kúsheıýi saqtalady.
Aqmola, Qostanaı, Soltústik Qazaqstan, Qaraǵandy oblystarynyń keı jerlerinde jaıaý burqasyn, tuman, kóktaıǵaq bolyp, jel 15-20 m/s kúsheıedi. Aqtóbe, Shyǵys Qazaqstan oblystarynyń keı jerlerinde túnde tuman kútiledi, Shyǵys Qazaqstan oblysynyń keı jerlerinde jel 15-25 m/s kúsheıip, kúndiz burqasyn kútiledi.
Batys Qazaqstan oblysynyń keı jerlerinde tuman, kóktaıǵaq bolady, kúndiz jel 15-20 m/s kúsheıip, jaıaý burqasyn kútidedi.
Túrkistan, Qyzylorda, Atyraý oblystarynyń keı jerlerinde tuman, kóktaıǵaq kútiledi.
Jambyl, Mańǵystaý oblystarynyń keı jerlerinde tuman, kóktaıǵaq bolyp, jel 15-23 m/s kúsheıedi.
Almaty oblysynda túnde, Pavlodar oblysynyń keı jerlerinde kúndiz jel 15-20 m/s kúsheıip, tuman, kóktaıǵaq kútiledi, Almaty oblysynyń Jalańashkól aýdanynda jeldiń ekpini 30 m/s asady.
