21 qańtar. Tulǵalar týǵan kún
Búgin, 21 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1960) Qazaqstan Respýblıkasy Indýstrııa jáne ınfraqurylymdyq damý mınıstrligi Avtomobıl joldary komıteti tóraǵasynyń orynbasary Amangeldi Áýezhanuly BEKOV dúnıege keldi.
Óskemen qurylys-jol ınstıtýtyn bitirgen.
1983-2001 jyldary Avtojol basqarmasynyń jelilik-paıdalaný basqarmasy jol óndiris zerthanasynyń ınjeneri, QazSSR Avtomobıl joldary mınıstrliginiń proraby, bas ınjeneri, «Jezqazǵanjoldary» KK zerthanalyq synaq ótkizý boıynsha bóliminiń basshysy, «Búrkit» JShS ÓTB basshysy, «Qazaqavtojol» RMM bas mamany, 2001-2005 jyldary QR Kólik jáne kommýnıkatsııa mınıstriligi avtomobıl joldary jáne avtomobıl kóligi komıteti Avtomobıl joldary jelisin damytý jáne jol qozǵalysynyń qaýipsizdigi basqarmasynyń basshysy, 2005-2007 jyldary QR Kólik jáne kommýnıkatsııa mınıstriligi Avtomobıl joldary jáne ınfraqurylym kesheniniń qurylysy komıteti damý jáne paıdalaný basqarmasynyń basshysy, Kólik jáne kommýnıkatsııa mınıstriligi Kólik ınfraqurylymynyń damytý komıteti paıdalaný, mobılızatsııalyq daıyndyq, avtojoldar damý jáne temir jol qurylysy basqarmasynyń basshysy qyzmetin atqardy. 2008-2014 jyldary Kólik jáne kommýnıkatsııa mınıstriligi Avtomobıl joldary komıteti tóraǵasynyń orynbasary, 2014-2019 jyldary QR Investıtsııalar jáne damý mınıstrliginiń Avtomobıl joldary komıteti tóraǵasynyń orynbasary bolyp jumys atqardy.
Qazirgi qyzmetin 2019 jylǵy aqpannan bastap atqaryp keledi.
«Qurmet» ordenimen, «Ereń eńbegi úshin», «Qazaqstan Respýblıkasy Táýelsizdigine 10 jyl», «Qazaqstan Respýblıkasy Táýelsizdigine 20 jyl», «Astananyń 10 jyldyǵy», «Qazaqstan Respýblıkasynyń Konstıtýtsııasyna 10 jyl», «Qazaqstan Respýblıkasy Táýelsizdigine 25 jyl» medaldarymen; «Qurmetti jolshy», «TMD-nyń qurmetti jol qurylysshysy» qurmetti tósbelgilerimen marapattalǵan.
63 jyl buryn (1961) Qyzylorda oblysy kásipodaqtar birlestiginiń aýmaqtyq tóraǵasy, VIІ shaqyrylǵan Qyzylorda oblystyq máslıhatynyń depýtaty Maqsut Ybraıhanuly NÁLІBAEV dúnıege keldi.
Qyzylorda oblysynda týǵan. Jambyl gıdromelıoratıvtik qurylys ınstıtýtyn (1983); KSRO Іshki ister mınıstrliginiń Saratov joǵary kýrsyn (1988); QR ІІM Qaraǵandy joǵary mektebin (1995) bitirgen, zańger.
Eńbek joly: Qyzylorda qalasy ishki ister bóliminiń bastyǵy, Qyzylorda, Qaraǵandy, Aqmola, Jambyl oblystary boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵy, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) sybaılas jemqorlyq týraly isterdi ashý jáne onyń aldyn alý departamenti bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Aqparattyq–taldaý departamenti bastyǵy, QR Memlekettik qyzmet isteri jónindegi agenttiginiń Qyzylorda oblysy boıynsha aýmaqtyq basqarmasynyń bastyǵy – Tártiptik keńes Tóraǵasy, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý jáne Ońtústik Qazaqstan oblystary boıynsha basshysy laýazymdarynda boldy. 2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy, Ádep jónindegi keńes tóraǵasy. 2019-2021 jyldary Qyzylorda oblysy ákiminiń ekonomıkalyq qaýipsizdik máseleler jónindegi keńesshisi.
Qazirgi qyzmetinde – 2021jyldyń shildesinen.
«Qurmet» ordenimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Astana qalasyna 10 jyl», «Qazaqstan Respýblıkasynyń táýelsizdigine 20 jyl» medaldarymen jáne ózge vedomstvolyq nagradalarmen marapattalǵan.
49 jyl buryn (1975) Qazaqstan Respýblıkasy Іshki ister mınıstrligi Apparatynyń basshysy Ońal Botauly BEKIEV dúnıege keldi.
Almaty oblysynda dúnıege kelgen.
1997 jyly Qazaq memlekettik agrarlyq ýnıversıtetin, 2002 jyly Qazaq gýmanıtarlyq zań ýnıversıtetin, 2014 jyly Qazaq ekonomıka, qarjy jáne halyqaralyq saýda ýnıversıtetin támamdaǵan.
Eńbek joly: ishki ister organdaryndaǵy qyzmetin 1998 jyly QR ІІM qarasty MKQD úkimettik mekemelerdi jáne dıplomatııalyq ókildikterdi kúzetý jónindegi mılıtsııa Polkiniń ınspektory laýazymynan bastaǵan. 1999-2015 jyldary ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan. 2015-2018 jyldary Astana qalasy Mamandyrylǵan kúzet qyzmeti basqarmasynyń bastyǵy, 2018 jyly Almaty oblysy ІІD bastyǵynyń orynbasary, 2018-2019 jyldary QR ІІM Kadr jumysy (saıasaty) departamenti bastyǵynyń orynbasary, 2019 jyly Kóliktegi polıtsııa departamenti bastyǵynyń orynbasary qyzmetin atqarǵan. 2019-2022 jyldary
Kóliktegi polıtsııa departamentiniń bastyǵy laýazymynda boldy.
2022 jyldyń qarasha aıynan bastap QR ІІM apparatynyń basshysy qyzmetin atqarady.
47 jyl buryn (1977) QR Qarjy naryǵyn retteý jáne damytý agenttigi tóraǵasynyń birinshi orynbasary Nurlan Almasuly ÁBDІRAHMANOV dúnıege keldi.
Almaty oblysynda týǵan. Qazaq memlekettik basqarý akademııasynyń túlegi, shetel ýnıversıtetterinde oqyǵan.
1998-2007 jyldary bank júıesinde jumys istegen. 2007-2011 jyldary QR Qarjy naryǵyn jáne qarjy uıymdaryn retteý men qadaǵalaý agenttiginiń baǵaly qaǵazdar naryǵyn, jınaqtaýshy zeınetaqy qorlaryn qadaǵalaý, qarjy naryǵyn jáne qarjy uıymdarynyń strategııa jáne taldaý boıynsha bólimshelerin basqardy. 2011-2018 jyldary QR Ulttyq bankiniń Qarjy naryǵynyń ádisnamasy departamenti dırektorynyń qyzmetin atqardy. Ártúrli jyldarda «Qazaqstan qor bırjasy» AQ Dırektorlar keńesiniń (Bırjalyq keńestiń) múshesi, Jalǵyz aktsıonerdiń ókili retinde «Qazaqstannyń depozıtterge kepildik berý qory» AQ Dırektorlar keńesiniń múshesi boldy. Qarjy naryǵyn retteý jáne damytý baǵyty boıynsha Eýrazııalyq ekonomıkalyq komıssııada (sonyń ishinde qarjy naryǵyndaǵy Konsýltatıvtik komıtet aıasynda) Qazaqstan Respýblıkasyn (Ulttyq Bank) tanystyrýda jumys atqardy. 2018-2019 jyldary «Qazaqstannyń depozıtterge kepildik berý qory» AQ tóraǵasy boldy. 2019-2022 jyldary Qarjy naryǵyn retteý jáne damytý agenttigi tóraǵasynyń orynbasary bolyp jumys atqarǵan.
Qazirgi qyzmetinde – 2022 jyldyń aqpanynan.
Memlekettik marapattardyń ıegeri, sonyń ishinde «Eren eńbegi úshin» medalimen, III dárejeli «Eýrazııalyq ekonomıkalyq odaqty qurýǵa qosqan úlesi úshin» medalimen marapattalǵan.
38 jyl buryn (1986) Taraz qalasy ákiminiń orynbasary Dáýir Rysbaıuly DÁÝLETOV dúnıege keldi.
Jambyl oblysy, Talas aýdany, Bostandyq aýylynda dúnıege kelgen. 2007 jyly L.N. Gýmılev atyndaǵy Eýrazııa ulttyq ýnıversıtetin «fılologııa», 2010 jyly M.H. Dýlatı atyndaǵy Taraz memlekettik ýnıversıtetin «quqyqtaný» mamandyǵy boıynsha bitirgen. Eńbek jolyn 2007 jyly QR Bilim jáne ǵylym mınıstrligi Balalar quqyǵyn qorǵaý komıtetiniń Jambyl oblysyndaǵy departamentiniń shtattan tys is júrgizýshisi bolyp bastaǵan. 2008-2012 jyldary atalǵan departamenttiń balalardyń quqyqtaryn qorǵaý monıtorıng jáne aqparattyq taldaý qyzmeti bóliminiń bas mamany, bastyǵy, 2012-2014 jyly Jambyl oblysynyń balalar quqyǵyn qorǵaý departamentiniń monıtorıng jáne aqparattyq taldaý qyzmeti bóliminiń bastyǵy, 2014-2018 jyldary Jambyl oblysy ákimi apparaty uıymdastyrý-ınspektorlyq bólimshesiniń bas ınspektory,
2018-2023 jyldary Jambyl oblysy, Baızaq aýdany ákiminiń orynbasary qyzmetin atqardy.
Qazirgi qyzmetine 2023 jyldyń sáýir aıynda taǵaıyndalǵan.
58 jyl buryn (1966-2021) belgili qazaqstandyq akter Farhat Nursultanuly ÁBDІRAIYMOVdúnıege kelgen.
Almaty qalasynda týǵan. Almaty tehnologııalyq ýnıversıtetiniń tehnologııalyq fakýltetin bitirgen (1988), ınjener-tehnolog.
2007 jyldan «Nur Otan» HDP saıası keńesi bıýrosynyń múshesi. 1988 jyldan «Týrıst» meıramhanasynyń dırektory, 1999 jyldan beri - Sh. Aımanov atyndaǵy Qazaq kınofabrıkasynyń (qazirgi Sh.Aımanov atyndaǵy «Qazaqfılm» AQ) akteri boldy.
«Kimniń jany názik bolsa» - Farhat («Mosfılm» - «Qazaqfılm», 1996), «Fara» - Fara («Qazaqfılm», 1999), «Zastava» - Esirtki barony («Mosfılm», 2005), «Hokkaıdo polıtsııasy» - mafııa bastyǵy («Mosfılm», 2008), «Qyzǵylt tústi qoıan týraly hıkaıa» - Jaıbarhan («Qazaqfılm», 2010), «Mahabbat tálkegi» - Jattyqtyrýshy (2010), «Tasadaǵy mahabbat» - Sergeı («Mosfılm», 2010), «Naǵyz polkovnık» - Jandos («Mosfılm» - «Qazaqfılm», 2010) jáne ózge de kınofılmderge túsken. QR Bılıard sporty federatsııasynyń vıtse-prezıdenti (2001 jyldan). QR Kınematografıster odaǵynyń múshesi (2005 jyldan). QR Prezıdentiniń Qurmet gramotasymen marapattalǵan (2003). RF «Úzdik akter» kınobasylymynyń bas júldegeri (1996), XXI Halyqaralyq kınofestıvaliniń «Svıatoı Georgıı Pobedonosets» Gran-prı júldegeri (Máskeý, 1999), «Altyn Adam» syılyǵynyń «Jyl kınojuldyzy» nomınatsııasynyń ıegeri (2000).
