21 qańtar. Týǵan kún ıeleri
ESІMDER
269 jyl buryn (1750-1813) batyr, áýlıe, aǵartýshy, sáýletshi BEKET ATA Myrzaǵululy dúnıege keldi.
Horezmde Paqyrjan qajydan bilim aldy. Mańǵystaý, Atyraý, Ústirt aımaǵynda medrese-meshitter salyp, halyqty saýattandyrýǵa kóp kúsh jumsaǵan. Jerasty ǵımarattaryn qashap jasaýdyń ejelgi dástúrin damytqan sáýletshi ári sheber bolǵan.
Eliniń táýelsizdigi úshin shaıqasqan batyr, qolbasshy. Bilimdarlyǵy, abyzdyǵy men kóripkeldik qasıetteri úshin eli ony kózi tirisinde qasterlep, pir tutqan.
Mańǵystaýda, Oǵylandydaǵy óz meshitine jerlengen.
63 jyl buryn (1956) Qazaqstan Respýblıkasy Joǵarǵy sotynyń sýdıasy (2000 jyldan); Qazaqstan Respýblıkasy Joǵarǵy sot keńesiniń múshesi (2016 jyldan) Ádil Jambasbaıuly QURYQBAEV dúnıege keldi.
Almaty oblysynda týǵan. Qazaq memlekettik ýnıversıtetin quqyqtaný mamandyǵy boıynsha aıaqtady (1981).
Eńbek joly: Almaty qalasynda «Ýnıversıtetstroı» QMB jumysshy (1973-1974); Qostanaı qalalyq sotynda taǵylymdamadan ótýshi (1981-1982); Qostanaı sotynyń sýdıasy (1982-1986); Qostanaı oblystyq sotynyń múshesi (1986-1992); Almaty oblysy Іle aýdandyq sotynyń tóraǵasy 1992-1996); Almaty qalalyq sotynyń sýdıasy (1996-2000).
«Qurmet» ordenimen, «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Astananyń 10 jyldyǵy» medaldarymen marapattalǵan.
60 jyl buryn (1959) Atyraý oblysy Aýyl sharýashylyǵy basqarmasynyń basshysy Maqsot Saıpoluly MUQANOV dúnıege keldi.
Atyraý oblysy Qyzylqoǵa aýdanynyń ortalyǵy Mııaly selosynda týǵan. Batys Qazaqstan aýyl sharýashylyǵy ınstıtýtyn (qazirgi Jáńgir han atyndaǵy agrarlyq-tehnıkalyq ýnıversıtet) aýyl sharýashylyǵy óndirisiniń ekonomıst-uıymdastyrýshysy mamandyǵy boıynsha bitirgen.
Meńgergen mamandyǵyna sáıkes, eńbek jolyn 1985 jyly Qyzylqoǵa aýdanynyń sharýashylyqtarynda bastap, aǵa ekonomıst, bas ekonomıst boldy. 1989 jyldan memlekettik qyzmette - aýdandyq aýyl sharýashylyǵy birlestiginde tóraǵanyń orynbasary, ekonomıka komıtetiniń tóraǵasy, ekonomıka, qarjy jáne qarjy baqylaý bólimderiniń basshysy. 2006-2013 jyldary - aýyl sharýashylyǵy bóliminiń basshysy, aýdan ákiminiń orynbasary. 2013-2017 jyldary - Qyzylqoǵa aýdanynyń ákimi. Qazirgi qyzmetinde - 2017 jyldyń qazan aıynan bastap.
58 jyl buryn (1961) QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy, Ádep jónindegi keńes tóraǵasy Maqsut Ybraıhanuly NÁLІBAEV dúnıege kelgen.
Qyzylorda oblysynda týǵan. Jambyl gıdromelıoratıvtik qurylys ınstıtýtyn (1983); KSRO Іshki ister mınıstrliginiń Saratov joǵary kýrsyn (1988); QR ІІM Qaraǵandy joǵary mektebin (1995) bitirgen, zańger. Eńbek joly: Qyzylorda qalasy ishki ister bóliminiń bastyǵy, Qyzylorda, Qaraǵandy, Aqmola, Jambyl oblystary boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵy, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) sybaılas jemqorlyq týraly isterdi ashý jáne onyń aldyn alý departamenti bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Aqparattyq-taldaý departamenti bastyǵy, QR Memlekettik qyzmet isteri jónindegi agenttiginiń Qyzylorda oblysy boıynsha aýmaqtyq basqarmasynyń bastyǵy - Tártiptik keńes Tóraǵasy, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Manǵystaý jáne Ońtústik Qazaqstan oblystary boıynsha basshysy laýazymdarynda boldy.
«Qurmet» ordenimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Astana qalasyna 10 jyl», «Qazaqstan Respýblıkasynyń táýelsizdigine 20 jyl» medaldarymen jáne ózge vedomstvolyq nagradalarmen marapattalǵan.
53 jyl buryn (1966) belgili qazaqstandyq akter Farhat Nursultanuly ÁBDІRAIYMOV dúnıege keldi.
Almaty qalasynda týǵan. Almaty tehnologııalyq ýnıversıtetiniń tehnologııalyq fakýltetin bitirgen (1988), ınjener-tehnolog. Qazaq, orys jáne aǵylshyn tilderin biledi. «Nur Otan» HDP saıası keńesi bıýrosynyń múshesi (2007 jyldan). 1988 jyldan - «Týrıst» meıramhanasynyń dırektory. 1999 jyldan beri - Sh. Aımanov atyndaǵy Qazaq kınofabrıkasynyń (qazirgi Sh.Aımanov atyndaǵy «Qazaqfılm» AQ) akteri.
«Kimniń jany názik bolsa» - Farhat («Mosfılm» - «Qazaqfılm», 1996), «Fara» - Fara («Qazaqfılm», 1999), «Zastava» - Esirtki barony («Mosfılm», 2005), «Hokkaıdo polıtsııasy» - mafııa bastyǵy («Mosfılm», 2008), «Qyzǵylt tústi qoıan týraly hıkaıa» - Jaıbarhan («Qazaqfılm», 2010), «Mahabbat tálkegi» - Jattyqtyrýshy (2010), «Tasadaǵy mahabbat» - Sergeı («Mosfılm», 2010), «Naǵyz polkovnık» - Jandos («Mosfılm» - «Qazaqfılm», 2010) jáne ózge de kınofılmderge túsken. QR Bılıard sporty federatsııasynyń vıtse-prezıdenti (2001 jyldan). QR Kınematografıster odaǵynyń múshesi (2005 jyldan). QR Prezıdentiniń Qurmet gramotasymen marapattalǵan (2003). RF «Úzdik akter» kınobasylymynyń bas júldegeri (1996), XXI Halyqaralyq kınofestıvaliniń «Svıatoı Georgıı Pobedonosets» Gran-prı júldegeri (Máskeý, 1999), «Altyn Adam» syılyǵynyń «Jyl kınojuldyzy» nomınatsııasynyń ıegeri (2000).
43 jyl buryn (1976) «Astana-kógaldandyrý qurylysy» AQ basqarma tóraǵasy Ádilhan Zeınollauly ÁBІLDINOV dúnıege kelgen.
Qaraǵandy oblysynda týǵan. S. Seıfýllın atyndaǵy Aqmola agrarlyq ýnıversıtetin (1998); Qazaq ekonomıka, qarjy jáne halyqaralyq saýda ýnıversıtetin (2010); Qazaq ınjener-tehnıkalyq akademııasyn (2014) bitirgen, ekonomıka jáne bıznes magıstri.
Eńbek joly: Aqmola orman sharýashylyǵynyń sheberi (1999-2000); Aqmola orman jáne janýarlar álemin qorǵaý jónindegi memlekettik mekemesiniń orman sheberi (2000-2002); «Eýrazııa Bıznes NS» JShS kógaldandyrý jónindegi menedjeri (2002-2004); «Kógaldandyrý qurylysy» MKK-da kógaldandyrý qurylysy jónindegi ýchaske sheberi (2004); «Astana-kógaldandyrý qurylysy» AQ-da baqtar men saıabaqtardy baqylaý jónindegi ýchaskeniń proraby (2004-2012); «Astana Ormany» JShS dırektorynyń jasyl beldeýdi damytý jónindegi orynbasary (2012-2013); «Astana Ormany» JShS dırektory (2013-2015).
Qazirgi qyzmetin 2015 jylǵy shildeden beri atqaryp keledi.
«Kógaldandyrý qurylysyna» 60 jyl», «Ereń eńbegi úshin» medaldarymen marapattalǵan.
42 jyl buryn (1977) «Qazaqstandyq depozıtterdi kepildendirý qory» AQ tóraǵasy Nurlan Almasuly ÁBDІRAHMANOV dúnıege keldi.
Qazaq memlekettik Basqarý akademııasyn támamdady, sheteldik joǵary oqý oryndarynda bilim aldy.
Eńbek joly: Ulttyq bank qyzmetkeri (1998-2007), 2008 jyldyń 23 mamyrynan bastap 2011 jyldyń 17 mamyryna deıin - Qazaqstan Respýblıkasynyń Qarjy naryǵyn jáne qarjy uıymdaryn retteý men qadaǵalaý agenttiginiń strategııa jáne taldaý departamentiniń dırektory; 2011 jyldyń 18 mamyrynan bastap 2011 jyldyń 12 qazanyna deıin - Qazaqstan Respýblıkasy Ulttyq Bankiniń Qarjylyq turaqtylyq departamenti dırektorynyń orynbasary; 2012 jyldyń 12 qazanynan bastap- Qazaqstan Respýblıkasy Ulttyq Bankiniń Baqylaý jáne qadaǵalaý ádistemesi departamentiniń dırektory; 2012 jyldyń 31 mamyrynan bastap osy kezge deıin - Bırjalyq keńestiń múshesi. Qazaqstan Respýblıkasy Ulttyq Bankiniń ókili. Qazirgi qyzmetinde - 2018 jyldyń tamyz aıynan bastap.