21 qańtar kúni Qazaqstanda ótetin mańyzdy sharalarǵa sholý

ASTANA. QazAqparat - QazAqparat halyqaralyq aqparat agenttigi 21 qańtar kúni elimizde ótetin mańyzdy sharalarǵa sholý usynady.

ASTANA

11.00-de «Samuryq-Qazyna» AQ Basqarma tóraǵasy Ahmetjan Esimovtiń jetekshiligimen «Samuryq-Qazyna» AQ-nyń 2018 jylǵy jumysyn qorytyndylaýǵa arnalǵan jınalys ótedi.

12.00-de Aqordaǵa Zımbabve Respýblıkasynyń prezıdenti Emerson Mnangagva resmı saparmen keledi.

17.00-de «Kerýen» oıyn-saýyqtyq ortalyǵynyń №5 kınozalynda «Syrqat tarıhy» ("Istorııa boleznı" ) atty jańa televızııalyq jobanyń tusaýkeseri ótedi.

ALMATY

10.00-de Qazaq onkologııa jáne radıologııa ǵylymı zertteý ınstıtýtynda qazaqstandyq áıelderdiń jatyr moıny qaterli isigi máselesine arnalǵan onkologtardyń baspasóz máslıhaty ótedi.

11.00-de "Interfaks - Qazaqstan" agenttiginiń baspasóz ortalyǵynda "Qazavtoprom" Qazaqstannyń avtokólik salasyndaǵy kásiporyndar odaǵynyń baspasóz máslıhaty ótedi.

11.00-de Almaty Menedjment Ýnıversıtetinde (ALMAU) almatylyq stýdentterdiń alkogoldi tutyný máselesi týraly baspasóz máslıhaty bastalady.

12.00-de «Almaty Towers» bıznes-ortalyǵynda KASE Qazaqstannyń Qor bırjasynyń 2018 jylǵy qyzmeti týraly baspasóz máslıhatyn ótkizedi.