21 qańtar kúngi aýa raıy boljamy
NUR-SULTAN. QazAqparat – 21 qańtar kúni respýblıkanyń basym bóliginde qar jaýady. Eldiń ońtústiginde, ortalyǵynda jaýyn-shashyn kútiledi, jekelegen óńirlerde jaýyn-shashyn (jańbyr, qar) qatty jaýatyny boljanady. Keı jerlerde tuman, jaıaý burqasyn, ekpindi jel saqtalady. Ońtústikte, ońtústik-batysta, ortalyq pen shyǵysta kóktaıǵaq bolýy yqtımal, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qaraǵandy oblysynyń keı jerlerinde tuman, burqasyn, kóktaıǵaq, 23-28 m/s deıingi jel kútiledi.
Shyǵys Qazaqstan, Qyzylorda oblystarynyń keı jerlerinde tuman, kóktaıǵaq, jaıaý burqasyn boljanady, jel 15-20 m/s artady.
Soltústik Qazaqstan, Pavlodar oblystarynyń keı jerlerinde tuman, jaıaý burqasyn bolady, 15-20 m/s ekpinde jel turady.
Túrkistan, Almaty, Jambyl oblystarynyń keı jerlerinde tuman, kóktaıǵaq boljanady. Jeldiń kúshi Túrkistan oblysynda 15-20 m/s, Almaty oblysynyń Jalańashkól aýdanynda 17-22 m/s artatyny kútiledi.
Aqmola oblysynyń keı jerlerinde jaıaý burqasyn bolady, jel 15-20 m/s kúsheıedi.
Qostanaı oblysynda keı jerlerde tuman, jaıaý burqasyn kútiledi.
Aqtóbe oblysynda keı jerlerde tuman, kúndiz Mańǵystaý oblysynda kóktaıǵaq boljanady.
