21 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

21 qańtar SEISENBІ Dostyq qushaqtyń halyqaralyq kúni. Bul jańa merekeniń dástúri boıynsha tanymaıtyn adamdy da dostyq qushaǵyna alýǵa bolady. Mereke batys eýropalyq stýdent jastardan bastaý alady. Reseı Federatsııasynyń ınjenerlik áskeri kúni. Polshada áje kúni. Bul kúni Polshada eresek jáne kishkentaı nemereleri óz ájelerin «Áje kúnimen» quttyqtaıdy. ESTE QALAR OQIǴALAR 22 jyl buryn (1992) Oral ǵylymı ortalyǵy quryldy. Mekemeniń ǵylymı jumystarynyń negizgi baǵyty oblystyq jer qoınaýyndaǵy sý qorlaryn zertteý jáne ony keshendi ıgerý, sý-ekologııa, topyraq jáne bıotehnologııa máselelerine arnalǵan. Sondaı-aq atalmysh ortalyq Batys Qazaqstandaǵy munaı-gaz ken oryndaryn barlaý jáne ıgerý úshin gıdrogeologııalyq zertteýler júrgizedi. 60 jyl buryn (1954) «General Dynamics Electric Boat» kompanııasy qurastyrǵan «Naýtılıýs» atty amerıkandyq keme Grotonda (AQSh, Konnektıkýt) sýǵa túsirildi. «Naýtılıýstiń» uzyndyǵy - 98,7 metr, al eni 26,8 metr. 80 jyl buryn (1934) Ýkraına astanasy Harkovtan Kıevke aýystyryldy. 17 jyl buryn (2007) Almatydaǵy Magnıtogor kóshesi akter, KSRO-nyń halyq ártisi Ydyrys Noǵaıbaevtiń atyna ózgertildi. 14 jyl buryn (2000) Aqtóbe qalasynda «Altyn Orda» respýblıkalyq táýelsiz aptalyq gazeti shyǵa bastady. Memlekettik tilde shyǵatyn basylymnyń taralymy bir jyldyń ishinde 26800 danaǵa jetti. Almaty, Astana, Aqtaý, Qyzylorda, Shymkent, Atyraý, Oral, Qostanaı qalalarynda menshikti tilshileri bar. 2011 jyly shyǵarylýy toqtatyldy.

6 jyl buryn (2008) Tarazda tusaýkeseri saltanatty jaǵdaıda ótken qalalyq muraǵat ashyldy. 5 jyl buryn (2009) Respýblıkanyń elordasynda qalanyń 10 jyldyq mereıtoıyna arnalǵan «Astana» entsıklopedııasynyń tusaýkeser rásimi ótti. Baspa qalanyń tarıhymen, ekonomıkasymen, turǵyndary quramymen, mádenıetimen, bilimimen, ǵylymymen, geografııalyq nazar aýdaratyn jerlerimen, tarıhı jáne mádenı murasymen, qala qurylysy, sonymen birge sırek kezdesetin ǵımarattar, sáýlettik ansamblderimen tanystyrady. Entsıklopedııada ǵylym men bilimniń, ónerdiń belgili qaıratkerleriniń ómirbaıandyq málimetteri engizilgen. Bas redaktor, ǵylymı-redaktsııa keńesiniń tóraǵasy - Astana qalasynyń ákimi Imanǵalı Tasmaǵambetov, keńestiń múshesi - Qazaqstan Respýblıkasy Parlament Senaty depýtaty Ábish Kekilbaev, Qazaqstan Respýblıkasy Mádenıet jáne aqparat mınıstri Muhtar Qul-Muhammed, Qazaqstan Respýblıkasy Ulttyq Ǵylym Akademııasynyń akademıgi Rymǵalı Nurǵalı, Qazaqstan Respýblıkasy Prezıdentik mádenıet ortalyǵynyń dırektory Myrzataı Joldasbekov, jáne t.b. Entsıklopedııa 20000 danamen qazaq jáne orys tilinde shyǵarylǵan.

5 jyl buryn (2009) Almatyda qala ákimi Ahmetjan Esimovtyń qatysýymen Holyday Inn jelisiniń birinshi qonaq úıi ashyldy. Bul - Almatydaǵy birinshi ortasha klasty halyqaralyq qonaq úıi jáne Qazaqstandaǵy birinshi Holiday Inn. 230 nómirli qonaq úıde saltanat zaly jáne alty qosymsha konferets-zaly bar. 4 jyl buryn (2010) Almaty qalasynyń kınoteatrlarynda «Siz kimsiz, Ka myrza?» atty shytyrman oqıǵaly jańa otandyq fılmniń tusaýkeseri boldy. Sháken Aımanov atyndaǵy «Qazaqfılm» kınostýdııasy men reseılik «Izarýsfılm» kınokompanııasy túsirgen fılmniń basty rólderin - Keńes Odaǵy jáne Qazaqstannyń halyq ártisi Asanáli Áshimov (Ka myrza) pen qazaqstandyq jas ártis Fılıpp Voloshın (Igorek) somdady. Asanáli Áshimovtyń ıdeıasymen jaryqqa shyqqan lentanyń qoıýshy-rejısseri Hýat Ahmetov, prodıýserleri - Venera Nyǵmatýlına jáne Áljan Ibragımov. «Siz kimsiz, Ka myrza?» fılmi Sháken Aımanovtyń eń sońǵy týyndysy - «Atamannyń aqyry» men «Transsibir eskpresi» fılmderiniń zańdy jalǵasy ispetti. Sebebi, olar ártúrli rejısserlardyń qoldarynan shyqsa da, kartınalardaǵy otanǵa, elge qyzmet etý sııaqty uly sezimder men qasıetterdi jetkizý ıdeıalarynyń negizi bir. Uzaq jyldardan keıin Bangkoktyń túrmesinen bosap shyqqan Ka myrza, Otanyna oralmaq bolyp mingen poıyzdyń kýpesinde Igorek esimdi jolserigimen tanysady. Al esirtki tasymalymen aınalysatyn jas jigit, «taýardy» dittegen jerine Ka myrzanyń arqasynda oǵan bildirtpeı jetkizip alýdy kózdep, esirtki jasyrylǵan ydysty qartqa syıǵa tartqan bolady. Biraq ótken ómirinde mol «tájirıbesi» bar qart, onyń pıǵylyn birden túsinip, esirtkiniń kózin joıady. Budan keıin Ka myrza, Igorekty «tapsyrys berýshilerdiń» óliminen aman-alyp qalý úshin eriksiz qylmystyq toptyń ortasyna túsedi. Jas balany ólim aýzynan arashalap qalý úshin óziniń burynǵy «baılanystarymen» qylmyskerlerge esirtkiniń iri kólemin jetkizip berýge de kelisedi. Fılmniń sońynda uzaq ýaqyt polıtsııanyń baqylaýynda bolǵan qylmystyq top quryqtalady. Al olardy qolǵa túsirý - qazaqstandyq agent - Ka myrzanyń otandyq quqyq qorǵaý organdarymen áý bastan kelisken naqty syzba-josparlardyń arqasynda júzege asyrylǵandyǵy anyqtalady. Astanada fılmniń premerasy 2010 jylǵy qańtardyń 19-ynda boldy. 4 jyl buryn (2010) Atyraý oblystyq ólketaný murajaıy jańa eksponattarmen - ótken ǵasyrdyń 8 kúmis qasyqtarymen tolyqtyryldy. Baǵaly oljany - jádigerlikti oqýshy Damır Myrzaǵalıev qurylys jumystary úshin ákelgen qumnan tapty. Ol, olardy murajaıǵa tapsyrdy. Qasyqtarda kúmistiń synamasy jáne 19 ǵasyrdyń sońynda istep shyǵarǵan zaýyttyń tańbasy bar. 4 jyl buryn (2010) Qazaqstan Respýblıkasynyń Prezıdenti N.Nazarbaev «Balyq sharýashylyǵynyń máseleleri jónindegi Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» Zańyna qol qoıdy. Zań elimizdegi balyq qorlaryn tıimdi qoldaný máselelerine, zańdy jetildirýge baǵyttalǵan.

20 jyl buryn (1994) Qazaqstan Respýblıkasynyń Prezıdenti N.Nazarbaevtyń «Qazaqstan Respýblıkasynyń Halyq banki jáne onyń salymshylarynyń múddelerin qorǵaý týraly» jarlyǵy jarııalandy.

1 jyl buryn (2013) QR Prezıdenti Nursultan Nazarbaevtyń Jarlyǵymen Astana qalasy men Aqmola oblysynyń shekaralary ózgerdi. Osylaısha Astana qalasy jerleriniń jalpy alańy 17,1 gektar bóligi Aqmola oblysynyń Tselınograd aýdanynyń shekarasyna jáne Aqmola oblysy Tselınograd aýdany jerleriniń jalpy alańy 17,1 gektar bóligi Astana qalasynyń shekarasyna qosyldy.

ESІMDER

264 jyl buryn (1750-1813) batyr, áýlıe, aǵartýshy, sáýletshi BEKET ATA Myrzaǵululy dúnıege keldi. Mańǵystaý (Aqtaý) qalasynda týǵan. Horezmde Paqyrjan qajydan oqyǵan. Mańǵystaý, Atyraý, Ústirt aımaǵynda medrese-meshitter salyp, halyqty saýattandyrýǵa kóp kúsh jumsaǵan. Jer asty ǵımarattaryn qashap jasaýdyń ejelgi dástúrin damytqan sáýletshi ári sheber bolǵan. Eliniń táýelsizdigi úshin shaıqasqan batyr, qolbasshy bolǵan. Bilimdarlyǵy, abyzdyǵy men kóripkeldik qasıetteri úshin eli ony kózi tirisinde qasterlep, pir tutqan. Mańǵystaýda, Oǵylandydaǵy óz meshitine jerlengen. Beket Atany áýlıe tutyp, qabirine túneıdi. 80 jyl buryn (1934) ekonomıka ǵylymynyń doktory, professor, Qazaqstannyń eńbek sińirgen qaıratkeri ESENTÚGELOV Arystan dúnıege keldi. Qazaq memlekettik ýnıversıtetin bitirgen. Qazaq KSR Memlekettik josparlaý komıteti Esepteý ortalyǵynyń aǵa ınjeneri, zerthana meńgerýshisi, bólim bastyǵy qyzmetterin atqarǵan. 1984-1995 jyldary - Qazaq KSR Memlekettik josparlaý komıteti janyndaǵy Ekonomıka ǵylymı-zertteý ınstıtýty dırektorynyń birinshi orynbasary, dırektory, Qazaqstan Respýblıkasy Ekonomıka mınıstrligi janyndaǵy Ekonomıka jáne naryqtyq qatynastar ǵylymı-zertteý ınstıtýtynyń dırektory. 1996-1999 jyldary - Qazaqstan Respýblıkasy Parlamenti Májilisi Tóraǵasynyń keńesshisi, sektor meńgerýshisi. 1999-2002 jyldary - «Ekonomıkalyq zertteýler ınstıtýty» respýblıkalyq memlekettik kásipornynyń bas dırektory. 2002 jyldan Qazaqstan Respýblıkasy Ekonomıka jáne saýda mınıstriniń, Ekonomıka jáne bıýdjettik josparlaý mınıstriniń keńesshisi bolǵan. Birneshe kitaptyń jáne 100-den astam ǵylymı jarııalanymnyń avtory.

74 jyl buryn (1940) alpınızmnen sport sheberi, shyńǵa órlemeýden sport sheberine kandıdat POSTNIKOVA Tamara Nıkolaevna dúnıege keldi. Almaty qalasynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıtet). Qazaqstannyń alpınızm men shyńǵa órlemeýden birneshe dúrkin chempıony. Pamırdegi E.Korjenevskaıa shyńyna, Han Táńiri shyńyna kóterilgen alǵashqy áıel. 1966-1970 gg. ál-Farabı atyndaǵy Qazaq ulttyq ýnıversıtetinde jattyqtyrýshy bolyp, alpınızm men shyńǵa órlemeýden kóptegen belgili sport sheberlerin daıarlaǵan. Alpınızm ardagerleri keńesiniń múshesi.

68 jyl buryn (1946) "Ana tili" baspasynyń dırektory DÁÝRENBEKOV Jaqaý dúnıege keldi. Qyzylorda oblysy, Aral aýdany, Sarbasat aýyldyq keńesine qarasty Úshkól eldi mekeninde týǵan. Sekseýil stansasyndaǵy №423 orta mektepti bitirgen. Eńbek jolyn Aral qalasyndaǵy №177 mektepte aǵa pıoner vojatyı bolyp bastaǵan. 1965 jyly Aral aýdandyq «Tolqyn» gazetinde ádebı qyzmetker bolyp istegen. Qazaq memlekettik ýnıversıtetiniń jýrnalıstıka fakýltetin 1971 jyly bitirgen. Oqyp júrip 1970 jyldan bastap «Jas Alashta» (burynǵy «Lenınshil jas») jumys isteı bastaǵan. Jastar gazetinde ádebı qyzmetker, aǵa ádebı qyzmetker, bólim meńgerýshisi, alqa múshesi, «Óner» baspasynda bólim meńgerýshi, Bas redaktordyń orynbasary bolyp istegen. 1994 jyldan beri respýblıkalyq «Ana tili» baspasynyń dırektory. Mektep qabyrǵasynda júrgen kezden gazet-jýrnaldarda maqala, ocherk, áńgimeleri úzbeı jarııalanyp turǵan. Alǵashqy jınaǵy «Bógenaýyl balalary» kitaby 1970 jyly «Jazýshy» baspasynan jaryq kórdi. Odan keıin «№28 komsomol bıleti» (1978), «Shuǵyla shaq» (1980), «Aýylym - altyn besigim» (1985), «Alǵashqy sabaq» (1971), «Saıaq» (1979), «Kún uıasy» (1984), «Bir názik sáýle» (1989), «Aıtyńyz qutty bolsyn» (1993), «Meniń elim - Qazaqstan» (2001), «Oıdaýa» (2007), «Jaǵalaý» (2007), Shyǵarmalarynyń úsh tomdyǵy (2006-2008), «Shaǵala» (2008) atty kitaptary shyqty. «Kún uıasy», «Saıaq» («Soǵys oıyny») povesteri «Jalynnyń» dástúrli respýblıkalyq jastar men balalarǵa arnalǵan syılyǵyna ıe boldy. «Sóz kıesi» (1996) kitaby tolǵamdyq zerdeleý sıpatynda jazylǵan. Qazaqstan Jazýshylar odaǵy basqarmasynyń hatshysy bolǵan (2002-2007 jj.).Qazaq KSR Joǵarǵy Keńesiniń Qurmet Gramotasymen, «Baspasóz úzdigi» belgisimen marapattalǵan. Birneshe dúrkin Qazaqstan Jýrnalıster odaǵy syılyǵynyń laýreaty. 62 jyl buryn (1952) QR Ekonomıka jáne bıýdjettik josparlaý vıtse-mınıstri KARMAZINA Elena Maǵaýııaqyzy dúnıege keldi. Semeı oblysynda týǵan. 1974 jyly S.M. Kırov atyndaǵy Qazaq memlekettik ýnıversıtetin bitirgen, «matematık, matematıka pániniń oqytýshysy» biliktiligi bar. Eńbek jolyn 1974 jyly QazKSR Memlekettik josparlaýynyń Esepteý ortalyǵynda bastady, baǵdarlamalaý bóliminiń ınjeneri, aǵa ınjeneri bolyp qyzmet atqardy. 1977-1991 jyldar aralyǵynda JBBJ ǴZI kishi ǵylymı qyzmetker, tehnologııalyq, qoǵamdyq quraldar bóliminiń top meńgerýshisi, sondaı-aq MSB bóliminiń top jetekshisi bolyp qyzmet atqardy. 1991 - 1993 jyldar aralyǵynda Qazaq KSR Memekonomkomıteti janyndaǵy QazǴKAǴZI TQB top meńgerýshisi bolyp jumys istedi. 1993 - 1996 jyldar aralyǵynda QR EM janyndaǵy ekonomıka jáne naryqtyq qatynastar ǴZI aǵa ǵylymı qyzmetker, AEBJ bóliminiń sektor meńgerýshisi bolyp qyzmet atqardy. 1996 jyldan bastap QR Qarjy mınıstrliginde Memlekettik bıýdjet departamenti Bıýdjettik saıasat jáne bıýdjetti qalyptastyrý basqarmasy bıýdjettik saıasat jáne makroekonomıkalyq taldaý bóliminiń bas ekonomısinen bastap makroekonomıkalyq taldaý bóliminiń bastyǵy, Bıýdjettik saıasat jáne josparlaý departamenti dırektorynyń orynbasaryna deıin túrli laýazymdarda jumys istedi. 2003 jyly QR Ekonomıka jáne bıýdjettik josparlaý mınıstrligi Bıýdjettik saıasat jáne josparlaý departamentiniń dırektory qyzmetine taǵaıyndaldy. 2007 jylǵy jeltoqsannan bastap 2010 jylǵy naýryzǵa deıin QR Ekonomıka jáne bıýdjettik josparlaý vıtse-mınıstri boldy. Qazaqstan Respýblıkasy Úkimetiniń 2010 jyldyń 26 naýryzdaǵy № 240 qaýlysymen Qazaqstan Respýblıkasynyń qarjy vıtse-mınıstri bolyp taǵaıyndaldy. 2013 jylǵy 6 aqpannan - qazirgi qyzmetinde. «Qurmet» ordenimen - 2003 jyly, «Parasat» ordenimen - 2011 j., mereıtoılyq medaldarmen marapattaldy.

56 jyl buryn (1958) Ál-Farabı atyndaǵy Qazaq ulttyq ýnıversıteti jalpy til bilimi kafedrasynyń dotsenti MÁDIEVA Gúlmıra Baıanjanqyzy dúnıege keldi. Almaty qalasynda týǵan. Abaı atyndaǵy Qazaq ulttyq pedagogıkalyq ınstıtýtyn, Ál-Farabı atyndaǵy Qazaq ulttyq ýnıversıtetiniń aspırantýrasyn bitirgen. Baıtursynuly atyndaǵy Til bilim ınstıtýtynyń aǵa ǵylymı qyzmetkeri, Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetiniń aǵa oqytýshysy bolǵan. Qazirgi qyzmetinde 1997 jyldan bastap isteıdi. 20-dan astam ǵylymı jáne ádistemelik jumystardyń avtory. 53 jyl buryn (1961) Jambyl oblysy ekonomıkalyq qylmystarmen jáne sybaılas jemqorlyqpen kúres departamentiniń bastyǵy NÁLІBAEV Maqsut Ybyraıhanuly dúnıege keldi. Qyzylorda oblysy Shıeli aýdanynda týǵan. Jambyl gıdromelıoratıvtik-qurylys ınstıtýtynyń Qyzylorda fılıalyn, KSRO ІІM Saratov joǵary kýrsyn, Qazaqstan Respýblıkasy ІІM Qaraǵandy joǵary mektebin bitirgen. 1988-1995 jyldary - Qyzylorda oblystyq Іshki ister basqarmasy bólimshesiniń jedel ýákili, erekshe mańyzdy ister jónindegi aǵa jedel ýákili, bastyǵy, bólim bastyǵynyń orynbasary, bastyǵy. 1995-1997 jyldary - Qyzylorda oblysy boıynsha Memlekettik tergeý komıteti basqarmasy bóliminiń bastyǵy. 1997-2001 jyldary - Qyzylorda qalalyq salyqtyq tergeý bóliminiń, ishki ister bóliminiń bastyǵy, Qyzylorda oblysy boıynsha Salyq polıtsııasy komıteti basqarmasy - Qarjy polıtsııasy departamenti bastyǵynyń orynbasary, bastyǵy,. 2001-2004 jyldary - Qyzylorda oblysy boıynsha Qarjy polıtsııasy departamentiniń bastyǵy. 2004-2005 jyldary -Qyzylorda oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) bastyǵy. 2005-2006 jyldary - Qaraǵandy oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) bastyǵy. 2006-2007 jyldary - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) Sybaılas jemqorlyq týraly isterdi ashý jáne aldyn ala alý departamentiniń(qarjy polıtsııasy) bastyǵy, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) Aqparattyq-taldaý departamentiniń (qarjy polıtsııasy) bastyǵy qyzmetterin atqarǵan. S 2007 jylǵy 4 mamyrdan - Qazaqstan Respýblıkasy Memlekettik qyzmet isteri agenttiginiń aýmaqtyq basqarmasynyń bastyǵy - Qazaqstan Respýblıkasy Memlekettik qyzmet isteri agenttiginiń Qyzylorda oblysyndaǵy Tártiptik keńesiniń tóraǵasy. Qazirgi qyzmetinde - 2012 jylǵy qazannan beri. 53 jyl buryn (1961) Qazaqstan Respýblıkasy Memlekettik qyzmet isteri agenttigi tóraǵasynyń orynbasary KÓMEKBAEV Álı Amantaıuly dúnıege keldi. Shymkent qalasynda týǵan. Qazaq hımııa-tehnologııa ınstıtýtyn, Ulttyq memleket basqarýdyń joǵary mektebin (NVShGÝ), «Ádilet» joǵary quqyq mektebin, Máskeý avıatsııa-tehnologııa ınstıtýtynyń aspırantýrasyn bitirgen. 1996-1998 jyldary - Shymkent qalasy ákimi apparatynyń mamany. 1998-1999 jyldary - Qazaqstan Respýblıkasy Strategııalyq josparlaý jáne reforma jónindegi agenttiginiń bas mamany, 1999-2004 jyldary - Astana qalasy boıynsha basqarmasynyń bas mamany, bastyǵynyń orynbasary, Memlekettik qyzmetterdi quqyqtyq qamtamasyz etý departamentiniń dırektory qyzmetterin atqarǵan. 2004 jyldyń qańtarynan bastap - qazirgi qyzmetinde. 2009 jyldyń 10 qarashasynan Qazaqstan Respýblıkasy Memlekettik qyzmet isteri jónindegi ókiletti organnyń tártiptik komıssııasy tóraǵasynyń orynbasary. 48 jyl buryn (1966) Sh.Aımanov atyndaǵy "Qazaqfılm" AQ akteri ÁBDІRAIYMOV Farhat Nursultanuly dúnıege keldi. Almaty qalasynda týǵan. Almaty tehnologııalyq ýnıversıtetiniń tehnologııalyq fakýltetin bitirgen (1988), ınjener-tehnolog. Qazaq, orys jáne aǵylshyn tilderin biledi. «Nur Otan» HDP saıası keńesi bıýrosynyń múshesi (2007 jyldan). 1988 jyldan - «Týrıst» meıramhanasynyń dırektory. 1999 jyldan beri - Sh. Aımanov atyndaǵy Qazaq kınofabrıkasynyń (qazirgi Sh.Aımanov atyndaǵy «Qazaqfılm» AQ) akteri. «Kimniń jany názik bolsa» - Farhat («Mosfılm» -«Qazaqfılm», 1996), «Fara» - Fara («Qazaqfılm», 1999), «Zastava» - Esirtki barony («Mosfılm», 2005),«Hokkaıdo polıtsııasy» - Mafııa bastyǵy («Mosfılm», 2008), «Qyzǵylt tústi qoıan týraly hıkaıa» - Jaıbarhan («Qazaqfılm», 2010), «Mahabbat tálkegi» - Jattyqtyrýshy (2010), «Tasadaǵy mahabbat» - Sergeı («Mosfılm», 2010), «Naǵyz polkovnık» - Jandos («Mosfılm» - «Qazaqfılm», 2010) jáne ózge de kınofılmderge túsken. QR Bılıard sporty federatsııasynyń vıtse-prezıdenti (2001 jyldan). QR Kınematografıster odaǵynyń múshesi (2005 jyldan). QR Prezıdentiniń Qurmet gramotasymen marapattalǵan (2003). RF «Úzdik akter» kınobasylymynyń bas júldegeri (1996), XXI Halyqaralyq kınofestıvaliniń «Svıatoı Georgıı Pobedonosets» Gran-prı júldegeri (Máskeý, 1999),«Altyn Adam» syılyǵynyń «Jyl kınojuldyzy» nomınatsııasynyń ıegeri (2000). 109 jyl buryn (1905-1957) kórnekti frantsýz dızaıneri-modeleri Krıstıan DIOR dúnıege keldi. 108 jyl buryn (1906-2007) kórnekti orys horeografy jáne baletmeısteri Igor MOISEEV dúnıege keldi. 93 jyl buryn (1921-1983) kórnekti keńes jáne armıan kompozıtory, KSRO halyq ártisi Arno BABADJANıAN dúnıege keldi. 100 jyl buryn (1914) búkil álemge tanymal ıtalıan tenory Plasıdo DOMINGO dúnıege keldi. 54 jyl buryn (1960) keńestik jáne orys teatr jáne kıno ártisi, Reseı halyq ártisi Dmıtrıı HARATЬıAN dúnıege keldi.