21 ǵasyrdaǵy jasampaz Qazaqstandy órkendetý mindeti búgingi mektep oqýshylaryna júkteledi - Elbasy
ASTANA. 10 qarasha. Qaz|Aqparat /Rýslan Ǵabbasov/ - Búgin Astanada Matematıka, fızıka, hımııa jáne bıologııadan ІІІ Prezıdenttik olımpıadanyń saltanatty ashylýynda Bilim jáne ǵylym mınıstri Baqytjan Jumaǵulov Elbasy Nursultan Nazarbaevtyń quttyqtaý hatyn oqyp berdi.
«Júzden júırik shyqqan shákirtterdiń talabyn odan ári shyńdaı túsetin bul bedeldi bilim saıysy talaı daryn ıeleriniń qabiletin, kózin ashatyn ıgilikti sharaǵa aınaldy. Talapty jastar úshin bul olımpıada ǵylym álemine jeteleıtin qutty qadam bolary anyq. Ǵylymı áleýetti arttyrý arqyly elimizdi ındýstrııalyq-ınnovatsııalyq damýdyń dańǵylyna shyǵarý asa mańyzdy mindet»,-delingen Memleket basshysynyń quttyqtaýynda.
Atalǵan hatta Elbasy 21-ǵasyrdaǵy jasampaz Qazaqstandy órkendetý mindeti búgingi mektep oqýshylaryna júkteletinin atap ótken.
«Olımpıadaǵa qatysýshylardyń barshasyna zor densaýlyq, osynaý bilim dodasynda sáttilik pen tabys jáne jarqyn keleshek tileımin»,- dep atap ótilgen quttyqtaý hatta.
Aıta keteıik, bul olımpıadaǵa el óńirlerinen júzden astam daryndy jastar jınalyp otyr. Osynaý bilim saıysynyń teorııalyq birinshi kezeńi erteń bastalady.
