21-ǵasyr basyndaǵy «Nokia 3310» telefondary qaıta shyǵa bastaıdy
ASTANA. QazAqparat - Aqpan aıynda Nokia brendimen qurylǵylar shyǵarý quqyǵyna ıe fındik HMD Global kompanııasy klassıkalyq Nokia 3310 telefonynyń jańa nusqasyn tanystyrady, dep habarlaıdy QazAqparat The Independent saıtyna silteme jasap.
Jańa nusqadaǵy telefonnyń quny - 59 eýro. Ol osy modeldi qaıta ańsap júrgenderdiń ekinshi telefony bolady dep boljaýda.
«2000 jyly satylymǵa shyǵarylǵan bul telefon zamanaýı mobıldi telefondar dáýirine jol saldy, qýaty uzaqqa jetedi jáne korpýsy óte myqty», - dep jazdy basylym.
Gazettiń habarlaýynsha, telefon 27 aqpan-2 naýryz kúnderi Barselonada ótetin Mobile World Congress kezinde jurtshylyq nazaryna usynylady.
