21 aqpanǵa arnalǵan aýa raıy boljamy
ASTANA. QazAqparat - Qazaqstannyń basym bóliginde atmosferalyq aǵyndardyń ótýine baılanysty aýa raıy turaqsyz bolady. Keı jerlerde qar túsip, jel kúsheıip, boran soǵyp, jer kóktaıǵaqtanyp, tuman túsýi yqtımal, dep habarlaıdy «Qazgıdromet».
Almaty oblysynyń keı jerlerinde tuman túsedi. Jambyl oblysynda tuman túsip, kóktaıǵaq bolady, jel ekpini 17-22 m/s deıin jetýi múmkin. Ońtústik Qazaqstan, Qyzylorda, Mańǵystaý, Batys Qazaqstan oblystarynda 15-20 m/s deıin jel kúsheıip, tuman túsip, kóktaıǵaq bolady. Pavlodar, Qaraǵandy, Aqmola oblystarynda boran soǵady. Soltústik Qazaqstan oblysynda tuman túsedi. Atyraý, Aqtóbe oblystarynda boran soǵyp, tuman túsedi. Qostanaı oblysynda kóktaıǵaq bolady dep kútilýde, túnde jáne tańerteń tuman túsedi, jel 15-20 m/s deıin kúsheıedi. Shyǵys Qazaqstan oblysynyń keı jerlerinde jeldiń kúshi 17-22 m/s deıin jetedi. Aldaǵy kúnderi Syrdarııa ózeninde, Jambyl, Almaty jáne Shyǵys Qazaqstan oblystarynyń keı ózenderinde sý deńgeıiniń terbelýi baıqalýy yqtımal.
