21 aqpanǵa arnalǵan aýa raıy boljamy - Qazgıdromet
ASTANA. QazAqparat - 21 aqpan kúni Qazaqstan terrıtorııasynyń basym bóligi burynǵysha antıtsıklonnyń yqpalynda bolǵandyqtan, jaýyn-shashynsyz aýa raıy saqtalady, tek soltústik-batys, soltústik jáne ońtústik aımaqtary frontaldy bólikterdiń ótýine baılanysty, keı jerlerde jaýyn-shashyn, burqasyn, tuman, kóktaıǵaq, jeldiń kúsheıýi kútiledi. Bul týraly Qazgıdromet habarlady.
Aqmola, Pavlodar, Shyǵys Qazaqstan oblystarynyń keı jerlerinde jaıaý burqasynmen jel 15-20 m/s kúsheıedi. Qostanaı, Soltústik Qazaqstan, Qaraǵandy oblystarynyń keı jerlerinde jel 15-20 m/s kúsheıedi, jekelengen aımaqtarda tuman baıqalady. Jambyl, Atyraý, Batys Qazaqstan, Aqtóbe oblystarynyń keı jerlerinde tuman bolady. Qyzylorda, kúndiz Mańǵystaý oblystarynyń keı jerlerinde jel 15-20 m/s kúsheıedi. Almaty oblysynyń Jalańashkól aýmaǵynda jel 17-22 m/s deıin kúsheıedi. Ońtústik Qazaqstan oblysynyń tańerten jáne kúndiz keı jerlerinde tuman baıqalady, jekelengen aımaqtarda jel 15-20 m/s kúsheıedi.
