21 aqpan. Tulǵalar týǵan kún
Kazinform oqyrman nazaryna 21 aqpanǵa arnalǵan ataýly kúnder men este qalar oqıǵalar kúntizbesin usynady.
57 jyl buryn (1969) Qazaqstan Jazýshylar odaǵynyń Astana qalasyndaǵy fılıalynyń meńgerýshisi Baýyrjan BABAJANULY dúnıege keldi.
Moınaq qalasynda (Qaraqalpaqstan) týǵan. Ál-Farabı atyndaǵy Qazaq ulttyq ýnıversıtetin bitirgen (1995).
Eńbek joly: 1995-1996 jyldary M.Áýezov atyndaǵy Ádebıet jáne óner ınstıtýtynyń kishi ǵylymı qyzmetkeri, 1996-1999 jyldary «Jalyn» jýrnalynda bólim meńgerýshisi, 2000 jyly «Altyn Orda» táýelsiz aptalyǵy bas redaktorynyń orynbasary, 2000 jyly Aqtóbe oblystyq «Aqtóbe» gazetiniń bas redaktory bolyp qyzmet etti.
Qazirgi qyzmetin 2025 jyldyń qańtarynan beri atqaryp keledi.
«Qazaqstan Respýblıkasynyń Táýelsizdigine 10 jyl» (2001) jáne «Astanaǵa 10 jyl» medaldarymen marapattalǵan. Halyqaralyq «Shabyt» festıvaliniń bas júldegeri (2003).
55 jyl buryn (1971) «Habar» agenttigi» AQ Basqarma tóraǵasynyń birinshi orynbasary Lázzat Oljabaıqyzy JÚNІSOVA dúnıege kelgen.
Tselınograd qalasynda týǵan. Semeı tehnologııalyq ınstıtýtyn «ekonomıst» mamandyǵy boıynsha (1991), ál-Farabı atyndaǵy Qazaq ulttyq ýnıversıtetin «jýrnalıstıka» mamandyǵy boıynsha (2007) bitirgen.
Eńbek joly: 1996-2006 jyldary «Qazaqstan» RTRK» AQ qyzmetkeri boldy. 2006-2009 jyldary «Qazaqstan» RTRK» AQ Basqarma tóraǵasynyń birinshi orynbasary, «BTA bank» AQ brend ofısiniń dırektory, 2009-2010 jyldary «Arna Media Production» JShS dırektorynyń orynbasary, 2010 jyly «Televızııalyq jańalyqtar agenttigi» JShS dırektory, 2010-2012 jyldary «Evrazııa+ORT» JShS bas dırektory boldy. 2012-2018 jyldary «Qazaqstan» AQ Basqarma tóraǵasynyń birinshi orynbasary qyzmetin atqardy. 2018-2022 jyldary «Qazmedıa ortalyǵy» Basqarýshy kompanııasy» JShS bas dırektory boldy.
2022 jyldyń sáýir aıynan bastap qazirgi qyzmetinde.
48 jyl buryn (1978) Qazaqstan Respýblıkasynyń Sankt-Peterbýrgtegi Bas konsýly Dmıtrıı Leonıdovıch MIHNO dúnıege keldi.
1999 jyly І.Jansúgirov atyndaǵy Jetisý memlekettik ýnıversıtetin «matematıka pániniń muǵalimi, ınjener-baǵdarlamashy» mamandyǵy boıynsha bitirdi. 2001 jyly halyqaralyq qatynastar salasyndaǵy mamany Qazaqstan Respýblıkasy SІM dıplomatııa akademııasyn bitirdi. 2011 jyly «memlekettik jáne mýnıtsıpaldy basqarý» mamany Reseı Federatsııasy Prezıdentiniń janyndaǵy Reseı memlekettik qyzmet akademııasyn bitirdi.
Eńbek joly: 2001-2002 jyldary QR SІM Ekonomıkalyq saıası departamentiniń referenti, 2002 jyly QR SІM Investıtsııa komıtetiniń Azııa jáne Afrıka elderimen ekonomıkalyq yntymaqtastyq bóliminiń attashesi, 2002-2005 jyldary QR SІM Memlekettik protokol qyzmetiniń attashesi, III, II hatshysy; 2005-2007 jyldary Qazaqstan Respýblıkasynyń Reseı Federatsııasyndaǵy Elshiliginiń II hatshysy; 2007-2008 jyldary QR SІM Memlekettik protokol qyzmetiniń keńesshisi, basqarma basshysy; 2008-2011 jyldary Qazaqstan Respýblıkasynyń Reseı Federatsııasyndaǵy Elshiliginiń keńesshisi, 2011-2014 jyldary QR SІM- Memlekettik protokol qyzmeti basshysynyń orynbasary, 2014-2019 jyldary Qazaqstan Respýblıkasynyń Reseı Federatsııasyndaǵy Elshiliginiń keńesshisi bolyp qyzmet atqarǵan. 2019 jyly QR SІM Memlekettik protokol qyzmeti basshysynyń orynbasary, 2019-2021 jyldary QR Prezıdenti Protokol basshysynyń orynbasary qyzmetinde boldy. 2021-2023 jyldary — QR Prezıdenti Protokol qyzmetiniń bastyǵy.
Qazirgi qyzmetin 2023 jyldan bastap atqaryp keledi.
109 jyl buryn (1917-2011) qazaq teatr jáne kıno aktrısasy, SSRO halyq ártisi Hadısha Bókeıqyzy BÓKEEVA dúnıege keldi.
Batys Qazaqstan oblysy Kaztalov aýdany Kaztalovka aýylynda týǵan. Ata-anasynan erte aırylyp, balalar úıinde tárbıelengen.
Sankt-Peterbýrg teatr óneri ınstıtýtyn bitirgen soń (1938), Shymkent oblysynyń drama teatryn ashqan. Osy teatrda Eńlik (M. Áýezovtiń «Eńlik-Kebeginde»), Aqtoqty (Ǵ. Músirepovtiń «Aqan seri-Aqtoqtysynda»), Lıýdmıla (A. Ostrovskııdiń «Keshikken mahabbatynda») sııaqty róldermen kórermen nazaryn aýdarǵan.
Bókeeva 1942 jyly Shekspırdiń «Asaýǵa tusaýyndaǵy» Katarınany oınaý úshin Almatyǵa Qazaq drama teatryna shaqyryldy. 1938-1942 jyldary Shymkent oblysy qazaq drama teatrynyń ártisi, 1942 jyldan ómiriniń sońyna deıin M. Áýezov atyndaǵy Qazaq memlekettik akademııalyq drama teatrynyń ártisi bolǵan. 1965 jyldan bastap ustazdyq qyzmetin atqardy.
1946 jyly «Qurmet belgisi» ordenimen, 1952 jyly KSRO Memlekettik syılyǵynyń laýreaty, 1957 jyly Qazaqstannyń halyq ártisi (Qazaq KSR halyq artısi), 1959 jyly KSRO-nyń eń joǵarǵy Lenın ordeni berildi. 1964 jyly KSRO halyq ártisi, 1974 jyly professor, 1987 jyly «Halyqtar dostyǵy» ordenimen, 2000 jyly QR Prezıdentiniń Jarlyǵymen «Otan» ordenimen marapattaldy.
31 jyl buryn (1995) Qazaqstan Respýblıkasy Prezıdenti Ákimshiliginiń Quqyq qorǵaý qyzmeti bólimi meńgerýshisiniń orynbasary Baýyrjan Beıbituly ERALY dúnıege keldi.
Jambyl oblysy, Jýaly aýdany, Býrnyı aýylynda týǵan. 2017 jyly Ál-Farabı atyndaǵy Qazaq ulttyq ýnıversıtetin «Keden isi» mamandyǵy boıynsha bitirgen. 2018 jyly Ál-Farabı atyndaǵy Qazaq ulttyq ýnıversıtetiniń «quqyqtaný» mamandyǵy boıynsha magıstr darejesin aldy. 2020 jyly M. H. Dýlatı atyndaǵy KEAQ Taraz óńirlik ýnıversıtetin «Ekonomıka» mamandyǵy boıynsha bitirgen.
Eńbek jolyn 2018-2019 jyldary QR Qarjy mınıstrligi Memlekettik kirister komıtetiniń is júrgizý jónindegi ınspektory bolyp bastaǵan. 2019 jyly QR Qarjy mınıstrliginiń Memlekettik kirister komıtetiniń Tóraǵa hatshylyǵy basqarmasynyń sarapshysynyń m. a., 2019-2020 jyldary QR Qarjy mınıstrliginiń Memlekettik kirister komıteti Zań basqarmasynyń sarapshysy, 2020-2021 jyldary QR Qarjy mınıstrligi Memlekettik kirister komıteti «Ahýaldyq ortalyq» basqarmasynyń sarapshysy, 2021 jyly QR Qarjy mınıstrligi Memlekettik kirister komıteti «Ahýaldyq ortalyq» basqarmasynyń sarapshysy, keıin QR Qarjy mınıstrligi Memlekettik kirister komıteti «Elektrondyq deklaratsııalaý ortalyǵy» basqarmasynyń bas sarapshysy, QR Qarjy mınıstrligi Memlekettik kirister komıteti Kadr jáne ishki ákimshilendirý departamentiniń Tóraǵa hatshylyǵy basqarmasynyń bas sarapshysy bolyp qyzmet atqardy. 2021-2022 jyldary QR Qarjy mınıstrligi Memlekettik kirister komıteti «Elektrondyq deklaratsııalaý ortalyǵy» basqarmasynyń bas sarapshysy, 2022 jyly QR Qarjy mınıstrligi Memlekettik kirister komıteti «Elektrondyq deklaratsııalaý ortalyǵy» basqarmasynyń bas sarapshysy, 2022-2023 jyldary «Qazaqstan Respýblıkasy Qarjy mınıstrligi Memlekettik kirister komıteti Bas dıspetcherlik basqarmasy» RMM-niń basshysynyń orynbasary, 2023-2025 jyldary Astana qalasy Saryarqa aýdanynyń ákimi bolyp qyzmet atqarǵan.
Qazirgi laýazymyn 2025 jyldyń naýryz aıynan beri atqaryp keledi.