21 aqpan kúni Qazaqstanda ótetin sharalar ańdatpasy
NUR-SULTAN
9.00-de Qazaqstan Respýblıkasy Kásipodaqtar federatsııasynyń konferents-zalynda «Ańshylyq sharýashylyǵynyń qazirgi jaǵdaıy jáne onyń 2020-2025 jyldarǵa arnalǵan damý perspektıvalary týraly» dóńgelek ústel ótedi.
10:00-de QR QK Ulttyq áskerı-patrıottyq ortalyǵynda Eriktiler jyly aıasynda Nur-Sultan qalasynda jasóspirimderdiń áskerı-patrıottyq tárbıesin damytýǵa baǵyttalǵan «Jas Sarbaz - meıirimdilik biriktiredi» jobasynyń ashylý saltanaty ótedi.
10.00-de qalalyq sot ǵımaratynda uly aqyn Abaıdyń 175 jyldyǵyna arnalǵan konferentsııa ótedi.
10.00-de Senatta óńirler kúnderi aıasynda Qyzylorda oblysynyń kúni ótedi.
12.20-da QR Prezıdenti janyndaǵy Ortalyq kommýnıkatsııalar qyzmetinde 2019 jylǵy áleýmettik-eńbek salasyn tsıfrlandyrý qorytyndylary jáne 2020 jylǵa arnalǵan josparlar týraly baspasóz konferentsııasy ótedi.
14.00-de Qazaqstan Respýblıkasy Ulttyq mýzeıinde Álemdik ekskýrsııa júrgizýshiler kúnine arnalǵan «Juldyzdy gıd» jobasy uıymdastyrylady.
14.00-de Sáken Seıfýllın atyndaǵy Qazaq agrotehnıkalyq ýnıversıtetinde shet tilderinde (aǵylshyn, frantsýz jáne nemis) «Stýdent jáne ǵylym: bolashaqtyń kózqarasy» atty respýblıkalyq ǵylymı-teorııalyq konferentsııa ótedi.
14.00-de, Radisson Hotel Astana qonaq úıinde «Ulttyq táýelsiz saraptama ortalyǵynyń» Joǵary alqalyq keńesi ótedi.
15.00-de Qazaqstan Respýblıkasynyń Ulttyq akademııalyq kitaphanasynda tarıh ǵylymdarynyń doktory, professor Qarjaýbaı Sartqojaulynyń «Orhon eskertkishteriniń tolyq atlasy» atty úsh tomdyq kitabynyń tusaýkeseri ótedi.
15.00-de Nur Otan partııasynyń elordalyq fılıaly «Qalalyq jedel medıtsınalyq járdem stansasy» bastaýysh partııa uıymymen birlesip alǵashqy medıtsınalyq kómek kórsetý boıynsha sheberlik sabaǵyn ótkizedi.
15.00-de QR Ádilet vıtse – mınıstri Pan Natalıanyń tóraǵalyq etýimen jáne memlekettik organdardyń, úkimettik emes sektordyń jáne bıznes-qoǵamdastyqtyń qatysýymen Zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótedi.
15.00-de Senatta Qazaqstan Respýblıkasynyń ishki ister organdaryn jańǵyrtýdyń 2019 - 2021 jyldarǵa arnalǵan Jol kartasyn iske asyrýǵa arnalǵan Úkimet saǵaty bolady.
17.00-de elordalyq Dostyq úıinde «Rýhanı jańǵyrý» jáne Abaıdyń týǵanyna 175 jyl tolýyna oraı «Radıma» belarýs etnomádenı ortalyǵy Nur-Sultan Qazaqstan halqy Assambleıasynyń qoldaýymen «Abaı jáne kóptildilik» taqyrybynda dóńgelek ústel ótkizedi.
ALMATY
10.00-de Novotel Almaty City Center-de «Jasóspirimderdiń geologııalyq zertteýi» taqyrybynda Mining Club otyrysy ótedi. Іs-sharaǵa 80-den astam kishi jáne servıs kompanııalary, taý-ken óndirisi kásiporyndarynyń basshylary men mamandary, Qazaqstannyń tıisti departamentteriniń ókilderi jáne táýelsiz sarapshylar qatysady.
11.00-de Qazaqstandyq baspasóz klýbynda «Almatydaǵy ekologııalyq jaǵdaı jáne adam quqyǵy» taqyrybynda dóńgelek ústel ótedi. Іs-sharaǵa qoǵamnyń, densaýlyq saqtaý departamentiniń, mamandandyrylǵan qyzmetterdiń jáne sarapshylar qaýymdastyǵynyń ókilderi shaqyrylady.
14.30-da Almatydaǵy Azamattyq ortalyqtyń májilis zalynda Almaty qalasy №1 Qoǵamdyq keńesi «Ekonomıka jáne jergilikti ózin-ózi basqarý máseleleri boıynsha» komıssııanyń keńeıtilgen otyrysy ótedi.