21 aqpan kúngi aýa raıy boljamy
NUR-SULTAN. QazAqparat – 21 aqpan kúni eldiń soltústik óńirlerinde qar jaýyp, burqasyn bolady. Batys óńirlerde jańbyr men qar túrinde jaýyn jaýady, kóktaıǵaq bolady. Respýblıka boıynsha keı jerlerde tuman túsip, jel kúsheıedi, dep habarlaıdy QazAqparat «Qazgıdromet» RMK-ǵa silteme jasap.
Túnde Soltústik Qazaqstan oblysynyń batysynda, kúndiz basym bóliginde jel 15-20 m/s kúsheıip, jaıaý burqasyn bolady.
Qostanaı oblysynyń batysy men soltústiginde jel 15-20 m/s kúsheıip, jaıaý burqasyn boljanady.
Túnde Batys Qazaqstan oblysynyń soltústiginde, ońtústik-shyǵysynda, kúndiz shyǵysynda, ońtústik-batysynda kóktaıǵaq bolady. Óńirdiń batysynda, ońtústiginde, ortalyǵynda – tuman, túnde soltústiginde, shyǵysynda 15-20 m/s ekpinde jel kútiledi.
Aqmola oblysynyń soltústik-shyǵysynda jel 15-20 m/s kúsheıip, kúndiz jaıaý burqasyn bolady.
Shyǵys Qazaqstan oblysynyń soltústiginde tuman baqylanyp, oblys ortalyǵynda jel 15-20 m/s artady.
Túnde jáne tańerteń Jambyl oblysynyń soltústiginde jáne taýly aýdandarynda tuman bolady. Kúndiz oblystyń soltústik-shyǵysynda jel 15-20 m/s kúsheıedi.
Atyraý oblysynyń batysynda, soltústiginde ortalyǵynda tuman, kóktaıǵaq kútiledi.
Aqtóbe oblysynyń soltústiginde, batysynda kóktaıǵaq kútiledi.
Túrkistan jáne Mańǵystaý oblystarynyń soltústiginde tuman túsedi.
Almaty oblysynyń Jalańashkól aýdanynda jel 18-23 m/s kúsheıedi.
