21,6 mln tonna astyq bastyryldy - Qarashókeev

ASTANA. QazAqparat – Bastapqy salmaqta 21,6 mln tonna astyq bastyryldy. Bul týraly Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Osy jyldyń 9 aıynda jalpy aýyl sharýashylyǵy óniminiń kólemi 6,9 paıyzǵa ulǵaıyp, 6,8 trln teńgeni qurady. Bul ósim ósimdik sharýashylyǵy ónimi kóleminiń 11 paıyzǵa, mal sharýashylyǵy óniminiń 1,1 paıyzǵa ulǵaıýy esebinen qamtamasyz etildi. Búgingi tańda dándi daqyldardy jınaý aıaqtalýǵa jaqyndady. 10 qazandaǵy jaǵdaı boıynsha oblys ákimdikteriniń jedel derekterine sáıkes 15,9 mln gektar alqaptyń astyǵy jınaldy. Gektaryna 13,5 tsentner ortasha ónimdilikpen bastapqy salmaqta 21,6 mln tonna astyq bastyryldy», - dedi Erbol Qarashókeev.

Mınıstrdi aıtýynsha, mal sharýashylyǵynda et óndirý kólemi tirideı salmaqta 0,7 paıyz sıyr sútin óndirý kólemi, taýyq jumyrtqasyn óndirý kólemi 5,3 paıyzǵa ósti.

Foto:gov.kz