21-23 shildede Qazaqstanda kún raıy qubylmaly bolady

NUR-SULTAN. QazAqparat – Aldaǵy úsh táýlikte elimizdiń basym bóliginde soltústik-batys jáne ońtústik tsıklon áserinen turaqsyz aýa raıy saqtalady, jańbyr jaýady, dep habarlaıdy QazAqparat «Qazgıdromet» RMK-ǵa silteme jasap.

«22 shildede respýblıkanyń shyǵysynda qatty jańbyr, burshaq jaýyp, naızaǵaı jarqyldap, jel kúsheıedi. Respýblıkanyń batys aımaqtarynda aptap ystyq basylady, Qazaqstannyń soltústiginde kúndiz aýa temperatýrasy +23+28 gradýs aralyǵynda bolady.

Respýblıkanyń ońtústik, ońtústik-shyǵysynda jaýyn-shashynsyz ystyq aýa raıy saqtalady. Tek taýly jáne taý bókterindegi aýdandarda naızaǵaı oınap, jańbyr jaýady dep kútilýde. Aýa temperatýrasynyń shamaly tómendeýine qaramastan, ol klımattyq normada saqtalady», - delingen sınoptıkter habarlamasynda.