2050 jyly Qazaqstanda halyq sany 23-24 mıllıon adamdy quraıdy - Dıtrıh Valter
ALMATY. 28 maýsym. QazAqparat /Erlik Erjanuly/ - Jer turǵyndary jyl saıyn 80 mıllıon adamǵa ulǵaıyp kele jatyr. Ony Germanııadaǵy Kampýs Seilersee Prezıdenti, professor Dıtrıh Valter búgin Almatyda ótip jatqan "Jasyl ekonomıka jáne turaqty damý" dep atalatyn halyqaralyq ǵylymı semınarda aıtty.
"Qazirgi tańda qoǵamda negizgi 3 másele bar. Birinshisi - turǵyndar, ekinshisi - ınternet bıznes, úshinshisi - ekonomıkanyń ornyqty damýy. Tabıǵatta bolyp jatqandardyń bári bizdiń ortaq máselemiz. Klımattyń ózgerýiniń negizgi sebebi - adamzat. 1920 jyly planetada 1,3 mıllıard halyq boldy. 2008 jyly 6,7 mıllıardty qurady. 2050 jyly ol 8-10 mıllıard shamasynda bolady", - deıdi Dıtrıh Valter. Onyń aıtýynsha, jer turǵyndarynyń sany jyl saıyn 80 mıllıon adamǵa ósýde. Keıbir statıstıkaǵa qaraǵanda qazir Qazaqstanda 17 mıllıon adam turady. 2050 jyly ol 23-24 mıllıon adamdy quramaq. Halyq sanynyń ósýi ekonomıkanyń damýyna úlken yqpal etedi.
"Jer turǵyndarynyń 60,5 paıyzy Azııada, 8,7 paıyzy Eýropada turady. Halyq ornalasýyndaǵy úlesine kelsek aldymen Azııadan keıin Afrıka, Ońtústik Amerıka, Avstralııa, Eýropa oryn teppek. Al medıkterdiń aıtýynsha, 2100 jyly haolyqtyń ortasha ómir súrý uzaqtyǵy 100 jasty quramaqshy jáne ǵasyr sońynda jer turǵyndarynyń sany 18-19 mıllıard adam bolmaq", - deıdi áıgili "Jasyl bıznes" kitabynyń avtory.
