2050 jyly elimizdiń ІJÓ-degi aýyl sharýashylyǵynyń úlesin 5 ese ulǵaıtý qajet - Qaırat Işanov
ASTANA. QazAqparat - Búgin Qazaqstan Respýblıkasy Parlamenti Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń uıymdastyrýymen «Qazaqstan Respýblıkasynda kooperatsııa máselelerin zańnamalyq turǵydan jetildirý» taqyrybyna arnalǵan dóńgelek ústel otyrysy boldy.
Sharaǵa Senat depýtattary, aýyl sharýashylyǵy, qorshaǵan orta jáne sý resýrstary, ádilet, óńirlik damý mınıstrlikteriniń, úkimettik emes jáne halyqaralyq uıymdardyń ókilderi, belgili ǵalymdar men fermerler qatysty.
Jıynda Parlament Senaty tóraǵasynyń orynbasary Qaırat Işanov Qazaqstan Prezıdenti Nursultan Nazarbaevtyń «Qazaqstan-2050» Strategııasynda aýyl sharýashylyǵyn aýqymdy jańǵyrtý jónindegi alǵa qoıǵan mindetterine nazar aýdardy. Q.Işanov agrarlyq keshen aldynda álemdik azyq-túlik naryǵynda jahandyq turǵydaǵy orynǵa ıe bolý, qojalyqtar men aýyl sharýashylyǵynda óńdeýshi shaǵyn jáne orta bıznesti damytý, sondaı-aq 2050 jyly elimizdiń Іshki jalpy óniminde aýyl sharýashylyǵynyń úlesin 5 ese ulǵaıtý maqsaty turǵanyn atap ótti.
«Jalpy alǵanda, agroónerkásip keshenin qazirgi álemdik jahandaný jaǵdaıynda damytý máseleleri zańnamalyq, ekonomıkalyq jáne qarjylandyrý tetikteriniń jan-jaqty, úılesimdi qoldanylýyn talap etedi, bul rette memlekettik organdar men ár túrli qoǵamdyq uıymdardyń ózara birlesken is-qımyly qajettiligin atap aıtqym keledi», - dedi tóraǵa orynbasary.
Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Sergeı Kýlagın «Aýyl sharýashylyǵy kooperatsııasy týraly» biryńǵaı zań ázirleý qajettigine nazar aýdardy.
Talqylaý barysynda dóńgelek ústelge qatysýshylar Qazaqstan Respýblıkasynda kooperatsııa máselelerin zańnamalyq turǵyda jetildirý usaq aýyl sharýashylyǵy ónimderin óndirýshiler men fermerdiń múddelerine oraı ýaqytynda kóterilip otyrǵanyn jáne qajet ekendigin atap ótti. Senatorlar osy saladaǵy zań shyǵarý jónindegi óz oılaryn ortaǵa saldy. Dóńgelek ústel otyrysy barysynda aıtylǵan usynystar Úkimetke joldanatyn boldy.
