2050 jylǵa qaraı Jer sharyndaǵy halyq sany 9 mlrd adamnan asady
ASTANA. QazAqparat - 2050 jylǵa qaraı Jer sharyndaǵy halyq sany 9 mlrd adamnan asady. Bul týraly búgin Parlament Májilisiniń jalpy otyrysynda Aýyl sharýashylyǵy mınıstri Asyljan Mamytbekov málim etti.
Eske salsaq, jıynda «Azyq-túlik qaýipsizdigi jónindegi Islam Uıymynyń jarǵysyn ratıfıkatsııalaý týraly» zań jobasy maquldanǵan bolatyn.
«Boljanyp otyrǵan halyq sanynyń artýy, ýrbanızatsııa jáne azyq-túlikti tutyný daǵdylarynyń ózgerýi - azyq-túlik qaýipsizdiginiń ózektiligin odan saıyn arttyryp otyr. Buny álemdegi jaǵdaı da kórsetedi. Birikken Ulttyq Uıymyna qarasty Azyq-túlik jáne aýyl sharýashylyǵy uıymynyń málimetterine qaraǵanda, 2050 jylǵa qaraı Jer sharyndaǵy halyq sany 9 mlrd adamnan asady. Osy ǵasyrdyń sońyna deıin halyq ósimi jalǵasa beredi. Munyń basym bóligi damýshy elderge, sonyń ishinde Islam Yntymaqtastyǵy Uıymyna múshe elderge tıesili», - deıdi Asyljan Mamytbekov.
Onyń aıtýynsha, tabıǵı resýrstardyń nasharlaýy jáne aýyl sharýashylyǵy resýrstaryna degen básekelestiktiń kúsheıý jaǵdaıynda azyq-túlik qaýipsizdigi áli de uzaq ýaqyt boıy álemdik qaýymdastyq aldyndaǵy eń zor máseleniń biri bolyp tabylady.
