2050 jylǵa qaraı Úndistan jer betindegi halqy eń tyǵyz ornalasqan el bolmaq
ASTANA. 1 shilde. QazAqparat - 2050 jylǵa qaraı Jer betindegi halqy eń tyǵyz ornalasqan el Úndistan atanady,
2025 jylǵa qaraı ol halyq sany boıynsha Qytaıdy basyp ozady, dep habarlaıdy Rosbalt.
Ǵalymdardyń aıtýynsha, AQSh 423 mıllıon halyqpen úshinshi orynǵa taban tireıdi (2010 jylǵy málimet málimet - 308 mıllıon adam). Al ekonomıkalyq jáne saıası turǵydan bedeldi elder sanalatyn Japonııa men Reseıde bala týý kórsetkishi tómendep, demografııalyq turǵydan olar qazirgi 9-shy jáne 10-shy oryndardan 16-shy jáne 17-shi oryndarǵa syrǵıdy.
"AQSh-tyń Halyq sanaǵy bıýrosy dúnıejúziniń 228 eli boıynsha júrgizgen zertteýi men boljamynyń nátıjesi osyndaı", - dep jazady InoPressa basylymy Time jýrnalyna silteme jasap.
Basylymnyń habarlaýynsha, 2050 jylǵa qaraı Qytaıda bala týý kórsetkishi báseńdese, esesine Batys Eýropada, ásirese Ispanııa men Italııada bala týý kórsetkishi men ımmıgratsııa esebinen halyqtyń sany ósedi.
