2050 jylǵa qaraı Úndistan álemniń halqy eń tyǵyz ornalasqan eline aınalady
ASTANA. 3 qazan. QazAqparat - Frantsýz ǵalymdarynyń sońǵy zertteýlerine qaraǵanda, Jer sharyndaǵy halyq 9,7 mlrd. asady jáne adam sany boıynsha alǵashqy oryn Qytaıdan Úndistanǵa ótedi.
Frantsııanyń Demografııalyq zertteýler ınstıtýtynyń jarty jyldyq esebine qaraǵanda, Azııa elderiniń halqy 5,2 mlrd. adamǵa jetedi, al Ońtústik jáne Soltústik Amerıkada 1,2 mlrd adamdy quraıdy.
Qazirgi tańda halqy eń tyǵyz ornalasqan elder - Qytaı (1,3 mlrd.), Úndistan (1,2 mlrd.), AQSh (316,2 mln.), Indonezııa (248,5 mln) jáne Brazılııa (195,5 mln).
Alaıda frantsýz ınstıtýtynyń boljamy boıynsha, 2050 jylǵa qaraı 1,6 mlrd. halyq sanymen Úndistan kósh bastaıdy, Qytaı halqy 1,3 mlrd. deńgeıinde qalmaq, dep habarlaıdy Rostbalt.
