2050 jylǵa qaraı Qazaqstanda qalada turatyn halyqtyń úlesi 70 paıyzǵa jetýi tıis - B.Jámishev
ASTANA. 20 qańtar. QazAqparat - Qazaqstannyń aýmaqtyq saıasaty salasynda 2050 jylǵa qaraı qala halqynyń úlesi 70 paıyzǵa jetýi tıis. Bul týraly búgin Qazaqstannyń Ortalyq kommýnıkatsııalar qyzmetinde ótken brıfıngte QR Óńirlik damý mınıstri Bolat Jámishev málim etti.
«Qazaqstannyń aýmaqtyq saıasaty salasynda 2050 jylǵa qaraı qala halqynyń úlesin 70 paıyzǵa, ıaǵnı, Avstralııa, Kanada syndy geografııalyq sıpattamalary uqsas damyǵan memleketterdiń deńgeıine deıin ulǵaıtý qajet», - dedi B.Jámishev.
Bul rette mınıstrdiń atap ótýinshe, el halqynyń 35 paıyzdan astamy halyq sany 2 mıllıonnan asatyn qalalarda turýy tıis.
«Ýrbanızatsııa Qazaqstan úshin jańa múmkindikter ashady», - dedi ol.
