2050 jylǵa deıin Dúnıejúzilik muhıtta birde-bir balyq qalmaıdy
ASTANA. QazAqparat - Aýlaý qarqyny qazirgi kezeńdegideı toqtaýsyz jalǵasa berse, 2050 jylǵa deıin Dúnıejúzilik muhıtta birde-bir balyq qalmaýy múmkin.
BUU aýyl sharýashylyq jáne azyq-túlik uıymynyń (FAO) derekterine sáıkes, teńiz balyq aýlaý kásipshiliginiń 90 paıyzy meńgerilgen. Onyń alpys paıyzy belsendi qoldanylyp jatsa, qor men taǵy 30 paıyzy sarqylýǵa taıaý.
Biraq másele munymen aıaqtalmaıdy, eger adamdar bul isin jalǵastyra berse, 30 jyldan keıin birde-bir balyq qalmaýy múmkin.
BUU ortasha boljamy boıynsha, 2050 jylǵa qaraı Jer halqynyń sany úshten bir bólikke - 9 mıllıard adamǵa deıin artady jáne azyq-túlik jetispeıtin bolady. Qazir aýyl sharýashylyǵy qajettiligine jerdiń 50 paıyzy paıdalanylýda jáne ósimdikter belsendi ósýi múmkin. Jerdi shamadan tys paıdalanǵannan topyraqtar qunarsyzdana bastaıdy. Oǵan qosa, tyńaıtqyshtardyń kóptiginen betki sýlar (kólder, ózender, batpaqtar) lastanady. Al azyq-túlikti óndirý jáne tasymaldaý klımattyń ózgerýine ákep soǵatyn barlyq antropogendik parnıktik gaz qaldyqtarynyń 30 paıyzyn quraıdy.
Álemniń túrli elderinde WWF uıymdastyratyn bıylǵy jer saǵaty adamzattyń tabıǵatqa jaýapty qaraý taqyrybyna arnalady. Ol 25 naýryz kúni 20:30-da bastalady. Uıym ǵalamshar bolashaǵyna beı-jaı qaramaıtyn qatysýshylardy 1 saǵatqa jaryqty, turmystyq elektr qurylǵylaryn sóndirýge shaqyrady.
