2050 jylǵa qaraı Qazaqstanda keminde 3 AES jumys isteıdi
ASTANA. KAZINFORM – Qazaqstanda atom salasyn damytý strategııasyna sáıkes 2050 jylǵa qaraı keminde úsh atom elektr stantsııasyn iske qosý josparlanyp otyr.
Qujatta elektr energııasyna degen suranystyń artýy eskerilip, qosymsha qýat kózderin kezeń-kezeńimen engizý kózdelgen.
– Atom salasyn damytý strategııasyn iske asyrý 2050 jylǵa qaraı Qazaqstan Respýblıkasynda keminde úsh atom elektr stantsııasynyń jumys isteýin kózdeıdi. Elektr energııasyn tutynýdyń boljamdy ósýin eskere otyryp, tórtinshi stantsııany salý jobasyn iske asyrý da qarastyrylǵan, – delingen qujatta.
Sonymen qatar shaǵyn modýldik reaktorlar negizindegi jobalar da qarastyrylýda.
– Eldiń qolaıly óńirlerinde shaǵyn modýldik reaktorlar bazasynda atom elektr stantsııalaryn salý nusqalary tehnologııalyq jáne ekonomıkalyq oryndylyǵyn eskere otyryp qarastyrylady. Budan bólek, paıdalanýdan shyǵarylatyn kómir elektr stantsııalaryn atomdyq qýattarmen almastyrý múmkindigi de nazarǵa alynýda, – dep atap ótilgen.
Mamandardyń aıtýynsha, bul sharalar energetıka sektoryn ártaraptandyrýǵa múmkindik beredi.
– Atalǵan bastamalar ekonomıkanyń energetıkalyq sektoryn ártaraptandyrýǵa jáne eldiń energetıkalyq qaýipsizdigi men táýelsizdigin edáýir arttyrýǵa baǵyttalǵan, – delingen strategııada.
Aıta keteıik, Prezıdent atom salasyn damytýdyń 2050 jylǵa deıingi strategııasyn bekitti.
