2050-Damý strategııasy: Almaty qalaı túrlenedi
ALMATY. QazAqparat – Búgin Almaty ákimi Baqytjan Saǵyntaev qoǵam talqysyna usynǵan Damý strategııasynda 7 basym baǵyt aıqyndaldy, dep habarlaıdy QazAqparat tilshisi.
2050 jylǵa deıingi strategııada 7 salaǵa basymdyq berildi:
1. Shekarasyz qala
2. «Aqyldy» qala.
3. Teń múmkindikter qalasy.
4. Qaýipsiz qala.
5. Jasyl qala.
6. Jahandyq iskerlik ortalyq.
7. Mádenı qala.
Qujatqa sáıkes, Almaty áleýmettik, dildik jáne fızıkalyq kedergilersiz qalaǵa aınalýy tıis. Shaharda baqýatty «joǵarǵy jaq», damymaǵan óndiristik «tómengi jaq», damymaǵan shetki aımaqtar uǵymy bolmaýy kerek. Qalanyń ár buryshy ortalyqqa aınalady. Uzaqmerzimdi perspektıvada qalanyń shetki aýdandary men tómengi jaqtarynda polıtsentrızm qaǵıdasy 6 aımaqta jasalady.
2050 jylǵa taman Almaty múmkindigi shekteýli azamattar úshin qolaıly, smart tájirıbeni barlyq jerge engizgen qala bolady.
Munda qylmys kórsetkishin ári tótenshe jaǵdaılardyń bolý yqtımaldyǵyn tómendetý josparlanyp otyr.
Megapolıs Jańa Jibek jolyndaǵy halyqaralyq saýda jáne qarjy ortalyǵyna aınalady.
Qalanyń ekologııalyq ahýaly túzelip, basty ózender arasynda ekologııalyq dálizder sııaqty biregeı jobalar júzege asady.
Tolyq mátinmen myna jerde tanysýǵa bolady.
