205 «jaıly mekteptiń» quny 250 mlrd teńgege qymbattap shyǵa kelgen — Joǵary aýdıtorlyq palata

  ASTANA. KAZINFORM — «Jaıly mektep» ulttyq jobasy aıasynda salynǵan 205 mekteptiń jalpy quny jospardaǵy qunynan 250 mlrd teńgege asyp túsken. Bul týraly Joǵary aýdıtorlyq palata múshesi Nurlan Nurjanov aıtty.

— 2024 jyldyń qorytyndysynda «Jaıly mektep» ulttyq jobasynyń 12,8 myń jańa oqýshy ornyn engizý týraly jospary oryndalmaǵan. Taldaý 205 mekteptiń jobalaý-smetalyq qujattamasyndaǵy quny ulttyq jobanyń eseptik qunynan 250 mlrd teńgege asyp túsken, — dedi ol.

Sondaı-aq, 32 mektepte qurylys tolyq aıaqtalmasa da sabaq júrip jatqan kórinedi.

— Oqý-aǵartý mınıstrliginiń málimeti boıynsha, 2024 jylǵa josparlanǵan 111 mekteptiń 105-iniń qurylysy aıaqtalǵanymen, onyń tek 13-i ǵana paıdalanýǵa berilgen. Jalpy 32 mektepte nysandar qabyldanbasa da bilim protsesi júrgizilip jatyr, — dedi palata ókili.

Sondaı-aq, ol Úkimet byltyr bıýdjettiń shyǵys bóligin 13 ret ózgertkenin atap ótti.