2040 jylǵa qaraı ómir súrý uzaqtyǵy qysqarýy yqtımal
ASTANA. QazAqparat - Ortasha ómir súrý uzaqtyǵy osy ǵasyrdyń orta tusynda AIV ınfektsııasy, semirý, dıabet jáne aýanyń lastanýy saldarynan aıtarlyqtaı tómendeýi múmkin. Bul týraly Lancet jýrnalynda jarııalanǵan maqalada aıtylǵan, dep habarlaıdy QazAqparat.
«Bolashaqta asa kúrdeli másele týyndaýy múmkin - tehnıkalyq progress damyǵan álemniń densaýlyq kórsetkishi nasharlaıdy» - delingen maqalada.
Adamzat tarıhynda ǵylym men medıtsına damyp, ómir súrý uzaqtyǵy da ósken edi. Qazirgi tańda adamdar 60 jastan asa ómir súrip jatyr. Al, damyǵan elderde bul kórsetkish 80 jasty quraıdy.
Zertteýge sáıkes, AQSh 2040 jyly uzaq ómir súretin elder tiziminde 44-ten 46-shy orynǵa túsýi múmkin. Birinshi orynǵa Ispanııa shyǵyp, qazirgi kóshbasshy Japonııa ekinshi orynǵa syrǵıdy.
Bul ózgeris AIV men Altsgeımer, dıabet, búırek qyzmetiniń buzylýy aýrýlary saldarynan týyndaıdy.
