2040 jylǵa qaraı Qazaqstanda sý tapshylyǵy jylyna 12,2 mlrd. tekshe metrdi quraıdy
ASTANA. 24 jeltoqsan. QazAqparat - 2040 jylǵa qaraı Qazaqstanda sý tapshylyǵy jylyna 12,2 mlrd. tekshe metrdi quraıdy. Búgin QR Úkimeti otyrysynda QR Qorshaǵan ortany qorǵaý jáne sý resýrstary mınıstri Nurlan Qapparov aıtty.
«Jumys tobynyń kompıýterlik modeldeý negizginde ázirlegen boljamynsha jyl saıyn kútiletin transshekaralyq sýlardyń qysqarýyna jáne aýyl sharýashylyǵynda sý tutynýdyń ósýine oraı 2040 jylǵa qaraı Qazaqstan boıynsha tolyqtaı alǵanda sý tapshylyǵynyń jalpy kólemi jylyna 12,2 mlrd. tekshe metrdi quraıdy», - dedi ol.
Degenmen, mınıstrdiń atap ótýinshe, sý tapshylyǵy problemasyn sheshýge bolady. Ol úshin aýyl sharýashylyǵynda, kásiporyndarda jáne turǵyn úı-kommýnaldyq sharýashylyǵynda maqsatty sharalardy júzege asyrý qajet.
