2040 jylǵa qaraı Qazaqstanda jylyna 10 mln tonna munaı óńdeıtin zaýyt ashylady

ASTANA. KAZINFORM — Energetıka mınıstri Erlan Aqkenjenov Úkimet otyrysynda aldaǵy 15 jylda eldegi kásiporyndardyń munaı óńdeý qýaty 30 mln tonnadan 40 mln tonnaǵa artatynyn aıtty.

— 2040 jylǵa qaraı qýaty 10 mln tonna munaı óńdeıtin iri zaýytty iske qosyp, óńdeý qýatyn 30-dan 40 mln tonnaǵa deıin arttyrý josparlanýda. Jańa zaýyttyń óńdeý tereńdigi — 95 paıyz, — dedi ol.

Osy arqyly Qazaqstan ishki naryqtaǵy tapshylyqty joıyp qana qoımaı, eksportqa ónim shyǵarmaq.

— Bul jobalardy júzege asyrý ishki naryqtyń janar-jaǵarmaı materıaldaryna ósip kele jatqan suranysyn 100 paıyz qamtamasyz etip, munaı ónimderin kórshiles elderge eksporttaýǵa múmkindik beredi, — dedi Erlan Aqkenjenov.

Eske salsaq, Qazaqstan Úkimeti 2025–2040 jyldarǵa arnalǵan munaı óńdeý salasyn damytýdyń uzaqmerzimdi tujyrymdamasyn bekitken bolatyn.