2040 jylǵa qaraı 33 el, sonyń ishinde Túrkııa da sý tapshylyǵyna ushyraıdy
ASTANA. KAZINFORM – 2040 jylǵa qaraı álemniń 33 eli, onyń ishinde Túrkııa da sý resýrstarynyń asa qat tapshylyǵyna ushyraýy múmkin, dep habarlaıdy Anadolu.
Halyq sanynyń ósýi, klımattyń ózgerýi jáne tutynýdyń artýy sý resýrstaryna túsetin qysymdy kúsheıtip, sý qaýipsizdigin jahandyq negizgi syn-qaterlerdiń birine aınaldyryp otyr.
Boljamdarǵa sáıkes, 2040 jylǵa qaraı 33 memleket «óte joǵary sý stressi» aımaǵyna kiredi. 167 eldi qamtyǵan Dúnıejúzilik resýrstar ınstıtýtynyń (WRI) zertteýinde halyq sanynyń ósýi, ýrbanızatsııa jáne klımattyq ózgerister aıasynda sý qorynyń jyldam azaıyp bara jatqany kórsetilgen.
Ásirese, Taıaý Shyǵys óńirinde jaǵdaı kúrdeli. Munda sý qaýipsizdigi deńgeıi álemdegi eń tómen kórsetkishterdiń biri bolyp otyr. Kóptegen elder jer asty sýlaryna jáne teńiz sýyn tuşylandyrýdyń qymbat tehnologııalaryna táýeldi. Mundaı nysandarǵa zaqym kelgen jaǵdaıda, mysaly áskerı qaqtyǵystar kezinde, mıllıondaǵan adam aýyz sýǵa qol jetkize almaı qalýy múmkin.
Buǵan deıin Túrkııa prezıdenti Redjep Taııp Erdoǵan bolashaqta memleketter arasyndaǵy qaqtyǵystar munaı úshin emes, sý úshin týyndaýy yqtımal ekenin atap ótken bolatyn. Ol sý resýrstarynyń strategııalyq mańyzy artyp kele jatqanyn aıtty.
Sarapshylardyń pikirinshe, sý tapshylyǵy tek ekologııalyq másele emes, ol ekonomıkaǵa, azyq-túlik qaýipsizdigine, energetıkaǵa jáne kóshi-qon úderisterine tikeleı áser etedi. Qazirgi tańda álem halqynyń shamamen jartysy jylyna keminde bir aı sý tapshylyǵyn sezinedi.
ıÝNESKO derekterine sáıkes, 2 mlrd-tan astam adam qaýipsiz aýyz sýǵa qol jetkize almaı otyr, al 3 mlrd-tan astam adamnyń bazalyq sanıtarlyq qyzmetterge múmkindigi joq.
Mamandardyń aıtýynsha, sý resýrstaryn tıimdi basqarý men turaqty sheshimder qabyldanbasa, jaǵdaı odan ári ýshyǵyp, álemniń kóptegen óńirinde áleýmettik jáne ekonomıkalyq turaqsyzdyqty kúsheıtýi múmkin.
Buǵan deıin Óńirlik ekologııalyq sammıtte sý únemdeý tehnologııalary talqylanatyny habarlandy.
