2037 jyly áýe tasymaly jylyna 8,2 mlrd adamdy qamtıdy - zertteý
NURSULTAN. QazAqparat - «Búkil álem boıynsha avıatsııa salasy kúsheıip, áýe tasymaly artyp barady. Bul tehnologııalyq ınnovatsııa qorshaǵan ortaǵa keri áser etip jatqany týraly pikirler legin kóbeıte túseri anyq» dep jazady VVS.
Avtordyń jazýynsha, búginde aýa lastanýynyń álemdik kórsetkishiniń 2%-y osy áýe tasymaly salasyna tıesili.
«Áýe tasymalyn uıymdastyrý kompanııalary 2037 jylǵa qaraı áýe bıletterisatymaly eki ese kóbeıip, jylyna 8,2 mlrd adamdy qamtıtynyn boljap otyr. Al Planemaker Boeing boljamy boıynsha aldaǵy jıyrma jylda 42 700 jańa ushaqqa suranys paıda bolady» dep jazady basylym. Avtordyń aıtýynsha, bul boljamdarǵa qaramastan Eýroodaq 2050 jylǵa deıin áýe kompanııalary óndiristen aýaǵa taraıtyn CO2 mólsherin 75%, azot kólemin 90%, shýdy 65% azaıtýdy talap etip otyr.
«2020 jyly jetpis memleket qol qoıǵan halyqaralyq avıatsııada kómirtek qaldyǵyn azaıtý kelisiminiń jańa júıesi kúshine enedi. Bul qıyn problemany sheshý múmkin be, álde tabıǵatty ýaıymdaǵan adamdarǵa az ushýǵa týra kele me?» dep jazady avtor. Onyń aıtýynsha, áýe tasymaly salasynda tolyq elektr ushaqtardy engizý týraly aıtýǵa áli erte.
«Ushaq shyǵarýshylardyń aıtýynsha, ekologııalyq taza jáne tynysh gıbrıdti ushaqtar satylymǵa tek 2025 jyldary shyǵýy múmkin. Sondaı-aq, problemanyń sheshimi retinde bıojanarmaı usynylyp júr. Degenmen, iri áýe kompanııasy jylyna tórt mıllıard gallonnan artyq janarmaı paıdalanady. ıAǵnı, bunyń jartysyna jýyq bıojanarmaı óndirý ázirge múmkin emes» dep jazady avtor.
Basylymnyń habarlaýynsha, 2018 jyly álemdik avıatsııa salasynyń janarmaıǵa ketken shyǵyny 180 mlrd dollardy quraıdy.
Basylymnyń jazýynsha, ázirge bul problemany sheshý qıyn. Sondyqtan rasymen avıatsııa salasynyń kómirtek qaldyǵyn azaıtqanyn tilegen adam sırek ushýynan basqa amal joq.
