2035 jyly kedeı elder bolmaıdy - Bıll Geıts
ASTANA. 22 qańtar. QazAqparat - Álemniń eń baı adamy, tehnologııalyq magnat Bıll Geıts kedeıshilik pen juqpaly aýrýlardy jeńýge bolmaıdy degen qoǵam túsinigin synǵa aldy,
dep jazady The Daily Mail.
Bıll jáne Melında Geıts qaıyrymdylyq qorynyń jyl saıynǵy hatynda magnat aldaǵy onjyldyqtarǵa boljam jasady. Geıtstiń pikiri boıynsha, 2035 jylǵa qaraı álemde kedeı elder qalmaıdy. Al memleketterdiń 70 paıyzynda turǵyndardyń tabysy búgingi tańda Qytaı elinde tirkelgen kórsetkishten kem bolmaıdy.
Bıll Geıtstiń oıynsha, keleshek eki onjyldyqta on eldiń toǵyzynda halyq basyna shaqqandaǵy tabystary qazirgi kezdegi Úndistan memleketiniń kórsetkishterine deıin jetpek.
Sonymen qatar mıllıarder keıbir elderdiń damýy soǵys pen saıasattyń kesirinen tejeletindigin boljaǵan. Bul jerde Geıts Soltústik Koreıany meńzep otyrǵandyǵyn da jasyrmady.
Aıta keteıik, tanymal magnat Bıll jáne Melında Geıts qaıyrymdylyq qoryna 28 mlrd. dollar bólgen bolatyn. Bul qordyń negizinde álemniń ár memleketterinde aýyl sharýashylyǵy, bilim berý jáne densaýlyq saqtaý salasyndaǵy jobalar qarjylandyrylady.
