2035 jylǵa qaraı Qazaqstanǵa 10 GVt-tan astam jańa energııa qajet bolady
ASTANA. QazAqparat – 2035 jylǵa qaraı Qazaqstanǵa 10 GVt-tan astam jańa energııa qajet bolady. Úkimet basshysy Álıhan Smaıylov osyndaı boljam usyndy, dep habarlaıdy QazAqparat tilshisi.
«Búkil álem elderi elektr qýatyn jańartylatyn energııa kózderinen alýǵa kúsh salyp jatyr.
Soǵan qaramastan, búginde óndiriletin energııanyń 80%-ten astamy kómir men munaı sekildi qazba otyndarynan alynyp otyr.
Óńirlerde elektr jelileriniń tozýy shamamen 65% quraıdy. Jylý elektr ortalyqtaryndaǵy jabdyqtardyń tozý deńgeıi keıbir qalalarda tipti 80% bolyp otyr.
Sondyqtan elektr stantsııalary men qazandyqtardyń jabdyqtaryn jańartyp, jelilerdi rekonstrýktsııalaý qajet.
Sonymen qatar, ekonomıkanyń turaqty ósýin qamtamasyz etý úshin 2035 jylǵa qaraı 10 GVt-tan astam jańa energııa qýaty qajet bolady», - dedi ol Úkimet otyrysynda.
Premer-Mınıstrdiń sózine qaraǵanda, oǵan qajetti resýrstar jetkilikti.
«Jańartylatyn energetıkany damytýǵa jaraıtyn qajetti jer aýmaǵy, qazba baılyǵynyń mol qory, atom energetıkasyn damytý jónindegi josparymyz bar», - dedi Álıhan Smaıylov.
