2035 jylǵa qaraı Ertisten Astanaǵa jylyna 163 mln tekshe metr sý alynady

ASTANA. QazAqparat – Astana qalasy Sáýlet jáne qala qurylysy, jer qatynastary basqarmasy basshysynyń orynbasary Aıan Smaǵulov redaktsııanyń saýalyna joldaǵan jaýabynda astananyń qajettilikteri úshin Ertis transshekaralyq ózeninen qansha sý alynyp otyrǵanyn aıtty, dep habarlaıdy QazAqparat tilshisi.

«Ertis ózeninen sý tutynýǵa qatysty aıtsaq, 2010 jyldan 2022 jylǵa deıin Ertis-Qaraǵandy kanalynan sý berilmedi. Sý az jyldarǵa jáne qajetti kólemniń tapshylyǵyna baılanysty Astana sý qoımasynda 2023 jyly Ertis-Qaraǵandy kanalynan 89 mln tekshe metr kóleminde sý berledi», - dep jazady Aıan Smaǵulov.

Bul kólem 2035 jylǵa deıin birtindep arta bermek.

«Jańa tórtinshi sorǵy-súzgi stansanyń sý alatyn Ertis-Qaraǵandy kanaly bolady. Osylaısha, 2035 jylǵa qaraı Ertis-Qaraǵandy kanalynan jalpy sý tutyný jylyna 163 mln tekshe metr bolady», - delingen jaýapta.